Números 4:32 - CHUYA QELLQA La Biblia en Quechua de Ayacucho 2012

³² patiopa muyuriqninpi pilarkunata tiyanantintakama, estacankunata, waskankunata hinaspa servichikunapaq tukuy ima kaqkunatapas apanqaku. Sapakamamanmi imakunam apanankutapas ninki.

Quechua Ayacucho Bible 1987

³² Apanqakutaqmi patiopa muyuriqninpi pilarkunatapas, toqoyoq tiyanankunatapas, estacankunatapas, waskankunatapas hinaspa servichikunapaq tukuy imankunatapas. Paykunataqa sapakamamanmi ninki imakunam apanankupaq.

Chuya Qellqa 1992

³² patiopa muyuriqninpi pilarkunata tiyanantintakama, estacankunata, waskankunata hinaspa servichikunapaq tukuy ima kaqkunatapas apanqaku. Sapakamamanmi imakunam apanankutapas ninki.

Números 4:32 Iomraidhean Croise

1~Crónicas 9:29

Wakiqninkuñataqmi templopi platokunata, vasokunata, wakin serviciokunata, harinata, vinota, aceiteta, inciensota chaynataq miski asnaq perfumekunata nanachikurqaku.

Éxodo 25:9

Yachanay santuariotawan chaypi llapallan serviciokunataqa ñoqapa qawachisqayman hinam ruwanki.

Éxodo 27:9

Ruwankitaqmi carpapa pationtapas. Chay patiopa alleq lawninpi cortinankunam kawpusqa linomanta kanqa, tawa chunka pichqayuq metro largoyuq.

Éxodo 38:17

Pilarkunapa toqoyuq tiyanankunatapas broncemantam ruwarqa, pilarkunapa ganchonkunatawan varillankunatapas qollqemantam ruwarqa, chay pilarkunapa puntantapas qollqewanmi llusirqa. Patiopa llapallan pilarninkunaqa moldurayuqkamam karqa.

Éxodo 38:21

Moisés kamachikuptinmi Leviypa mirayninkuna sacerdote Aaronpa churin Itamarpa yanapasqan, Diospa pacto ruwasqan Arcata waqaychana carpata ruwaypi hayka materialkunam yaykusqanta cuentata hurqorqaku.

Números 3:36

Meraripa ayllun-kunam nanachikurqaku: Diospa car-panpa marconkunata, qerunkunata, pilarninkunata, chay pilarkunapa tiyanankunata, tukuy ima servichikuna kaqkunata,

Números 3:8

Asuykamuwanaykichik carpapi serviciokunatam nanachikunqaku, hinaspam Israel mirayninkunapa rantinpi ñoqaman asuykamuwanaykichik carpapi servikunqaku.

Números 4:31

Paykunam asuykuwanaykichik carpapa marconkunata, varillankunata, pilarninkunata, pilarpa toqoyuq tiyanankunata,

Números 4:33

Asuykamuwanaykichik carpapim Meraripa mirayninkuna chaykunata ruwanqaku, Aaronpa churin sacerdote Itamarñataqmi paykunata kamachinqa, nispa.

Números 4:49

Moisesman Tayta Diospa nisqanman hinam yuparqaku, hinaspam sapakamaman imam ruwanankuta chaynataq imam apanankutapas kamachirqaku. Chaynataqa ruwarqaku Moisesman Tayta Diospa kamachisqanman hinam.

Números 7:1

Santuariota Moisés sayachiyta tukuruspanmi llapa servicionkunatawan chaynataq altartapas llapa servicionkunatawan aceitewan tallispa Diospaq sapaqcharqa.

Números 7:8

Tawa carretakunatawan pusaq torokunatam Merari aylluman qorqa, chaynapi imam ruwanankupi servichikunankupaq. Paykunaqa tukuy imakunatapas ruwarqaku sacerdote Aaronpa churin Itamarpa kamachisqanman hinam.