Números 4:15 - CHUYA QELLQA La Biblia en Quechua de Ayacucho 2012

¹⁵ Santuariopi llapa serviciokunata huklawman apanankupaq Aaronwan churinkuna tapayta tukuruptinkum, Coatpa mirayninkuna yaykuspanku apanqaku. Ñoqapaq sapaqchasqa kaqkunatam ichaqa ama llapchanqakuchu, chaynapi ama wañurunankupaq. Chaynaqa, ñoqaman asuykuwanaykichik carpapi kaq tukuy ima kaqkunatam Coatpa mirayninkuna apanqaku.

Quechua Ayacucho Bible 1987

¹⁵ Campamento lloqsinanpaq santuariopa llapa servicionkunata Aaron churinkunapiwan tapayta tukuruptinkum Coatpa mirayninkuna yaykuspanku apanqaku. Ichaqa ñoqapaq sapaqchasqa kaqkunataqa amam llapchanqakuchu chaynapi ama wañurunankupaq. Chaynaqa ñoqaman asuykuwanaykichik karpapi kaq tukuy chaykunatamá Coatpa mirayninkuna apanqaku.

Chuya Qellqa 1992

¹⁵ Santuariopi llapa serviciokunata huklawman apanankupaq Aaronwan churinkuna tapayta tukuruptinkum, Coatpa mirayninkuna yaykuspanku apanqaku. Ñoqapaq sapaqchasqa kaqkunatam ichaqa ama llapchanqakuchu, chaynapi ama wañurunankupaq. Chaynaqa, ñoqaman asuykuwanaykichik carpapi kaq tukuy ima kaqkunatam Coatpa mirayninkuna apanqaku.

Números 4:15 Iomraidhean Croise

2~Samuel 15:24

Sacerdote Sadocpas Diospa pacto ruwasqan Arcata apaq Leví ayllukunawan kuskam rirqaku, hinaspam sacerdote Abiatarpa qayllanpi Arcata churaykurqaku, llaqtamanta runakuna lloqsiyta tukunankukama.

2~Samuel 6:13

Tayta Diospa Arcan apaqkuna soqta ichiyta puriruptinkum, Davidqa huk torotawan huk poqosqa carnerota Diospaq sacrificarqa.

1~Reyes 8:3

Maypacham Israelpa ancianonkuna chayaramuptinkum Arcata hoqarispa llapa sacerdotekuna aparqaku.

1~Crónicas 15:15

Hinaspankum Leviypa mirayninkuna Tayta Diospa Arcanta hombrorikuspanku apamurqaku, chaynataqa ruwarqaku Moisesman Tayta Diospa kamachisqanman hinam.

1~Crónicas 15:2

Hinaspam David nirqa: Diospa Arcantaqa levitakunallam apan-qaku, paykunatam Tayta Diosqa akllarqa Arcanta apanankupaq hinaspa tukuy tiempo payta servinankupaq, nispa.

1~Crónicas 23:26

Chayraykum Leví ayllukunaqa, Tayta Diospa yachanan carpatapas nitaq llapa servicionkunatapas manaña apaykachanqakuñachu, nispa.

Éxodo 19:12

Runakuna mana pasanankupaqmi orqopa muyuriqninpi señalkunata churanki. Hinaspam paykunata kaynata ninki: Amam orqomanqa seqankichikchu nitaqmi patallantapas sarunkichikchu, pipas chayna ruwaqqa wañunqam.

Éxodo 19:21

Chaymi Moisesta Tayta Dios nirqa: Uraykuspayki runaykunata nimuy, qawawanankurayku señal churasqaykita ama pasamunankupaq, yanqañataqmi lliw wañurunmanku.

Éxodo 27:7

Chay varillakunatam altarpa iskay lawninpi anillokunapa chawpinta pasachinki, hinaptinmi chaykunaqa kanqa apanankupaq.

Levítico 16:13

Chay inciensotam ñoqa Tayta Diospa qayllaypi sansaman hinaykunqa. Chaypim inciensopa qosniynin chunkantin kamachikuykuna waqaychana Arcapa tapanta pampaykunqa, chaynapim Aaronqa mana wañunqachu.

Números 1:50

Paykunatam churanki ñoqaman asuykamuwananku carpata, servicionkunata chaynataq tukuy imankunatapas nanachikunankupaq. Paykunam yachanay carpata hinaspa llapallan servicionkunata apanqaku, carpapa muyuriqninpitaqmi samanqakupas.

Números 1:51

Carpata apanaykichik kaptinqa, Leví ayllukunam paskanqaku hinaspa sayachinqakupas. Pipas mana Leví ayllumanta kachkaspan carpaman asuykuqqa wañuchisqam kanqa.

Números 10:21

Chaymantam Coat ayllukuna Diospaq sapaqchasqa kaqkunata apastin lloqsirqaku; samasqanku sitioman chayaspaqa, carpataqa tarirqaku sayachisqatañam.

Números 18:3

Paykunaqa kamachisqaykita ruwaspankum carpapi serviwanqaku, santuariopi serviciokunamanwan altarmanmi ichaqa ama asuykunqakuchu, chaynapi qamkunawan kuska ama wañurunankupaq.

Números 3:38

Santuariopa ñawpaqninpim otaq intipa qespimunan lawninpim Moisés, Aarón hinaspa churinkuna samarqaku. Paykunam carpata Israelpa mirayninkunapa rantinpi nanachikurqaku. Mana sacerdote kachkaspa pipas santuarioman asuykuqqa wañuchisqam kanan karqa.

Números 4:14

Hinaspam chay altarpa hawanman llapa servicionkunata churanqaku otaq palankunata, trinchenkunata, kallanankunata hinaspa tazonninkunata. Hawanmanñataqmi fino qalaskunawan tapanqaku hinaspa varillankunata ustuchispa chay altarta apanqaku.

Números 4:19

Santuariopa imankunatapas llapcharuspanku mana wañunankupaqmi kaynata ruwankichik: Aaronmi churinkunapiwan santuarioman yaykuspa paykunaman willanqaku imam ruwanankuta chaynataq imakunam apanankutapas.

Números 4:20

Chaynapim Coatpa mirayninkunaqa santuarioman yaykuspapas chaypi kaqkunataqa mana qawayllapas qawanqakuchu mana wañurunankupaq nispa.

Números 7:9

Coat ayllumanmi ichaqa carretakunatapas nitaq torokunatapas mana qorqachu, paykunaqa Diospaq sapaqchasqa kaqkunataqa hombrollapi apananku kasqanrayku.

Deuteronomio 31:9

Moisesmi kay yachachikuykunata qellqarqa, hinaspam Tayta Diospa pacton waqaychana Arca apaq Leví ayllu sacerdotekunaman chaynataq Israelpa llapallan ancianonkunaman qorqa.

Josué 4:10

Diospa Arcanta apaq sacerdotekunañataqmi Jordán mayupa chawpinpi sayarurqaku, llapa runakuna ruwananpaq Josueyman Tayta Diospa kamachisqanta ruway tukunankukama. Josueyman Moisespa kamachisqanman hinam imapas ruwasqa karqa. Chaymi llapa runa utqayllamanña chimparurqaku.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.