Números 35:20 - CHUYA QELLQA La Biblia en Quechua de Ayacucho 2012

²⁰ Pipas runamasinta cheqnisqanrayku tanqaykuspanqa otaq wateqaspa imatapas hawanman wañunanpaq wischuykus-panqa,

Quechua Ayacucho Bible 1987

²⁰ —Pipas cheqnisqanrayku pitapas tanqaykuspanqa otaq wateqaspa imatapas hawanman wañunanpaq wischuykuspanqa

Chuya Qellqa 1992

²⁰ Pipas runamasinta cheqnisqanrayku tanqaykuspanqa otaq wateqaspa imatapas hawanman wañunanpaq wischuykuspanqa,

Números 35:20 Iomraidhean Croise

Génesis 4:5

Cainpa ofrendantam ichaqa mana chaskirqachu, hinaptinmi Caín sinchita piñakururqa rikchayninpas hukmanyanankama.

Génesis 4:8

Huk punchawmi wawqen Abelta Caín nirqa: Hakuchik purikuq, nispa. Hinaspanmi chakraman chayarachispan maqachkaspalla wawqen Abelta wañurachirqa.

2~Samuel 13:22

Absalonpas wawqen Amnontaqa manam imatapas nirqachu, ichaqa panin Tamarta abusasqanmantam cheqnikurqa.

2~Samuel 20:10

Amasaqa manam musyarqachu Joabpa makinpi espada kasqanta. Qonqaymantam Amasata wiksanpi Joab tuksirurqa chunchulninkunapas pampaman tallikunankama. Chaylla wañurusqanraykum huktawanqa manaña tuksirqañachu. Chaymantañam Joabqa wawqen Abisai-piwan Bicripa churin Sebata qatirqaku.

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

Éxodo 21:14

Pipas runamasinta wañuchiyta munaspan qonqaymanta wañurachiptinmi ichaqa, altarniypiña pakakuptinpas hurqospa wañuchinkichik.

Proverbios 26:24

Cheqnikuq runaqa siminwanmi cheqnikuyninta pakan, sonqonpim ichaqa tukuy mana allinkunata yuyaymanan.

Proverbios 28:17

Runamasinta wañurachiq runaqa mana pipa harkasqanmi wañuyman chayanankama ayqenqa.

Números 35:19

Chay wañuqpa hichpa ayllunmi runa wañuchiqta maypipas tupasqanpi wañuchinqa.

Números 35:21

mana chayñataq cheqnisqanrayku makinwan maqachkaspalla wañurachispaqa, runa wañuchiqñam rikurirun; chaynaqa wañuqpa hichpa ayllunmi maypipas tupasqanpi paytapas wañuchinqa.

Marcos 6:19

Chayraykum Herodías warmiqa Juanta cheqnikuruspan wañurachiyta munarqa, ichaqa manam atirqachu,

Lucas 4:29

hinaspam hatarispanku llaqtapa hawa lawninpi qaqa patankama Jesusta aysarurqaku chaymanta tanqaykunankupaq.

Hechos 20:3

Chaypi kimsa killa karuspanmi barcopi Siria lawman rinanpaq kachkaspan, yachakururqa judiokuna paypa contranpi yacharachinakusqankuta. Chaymi Macedonia lawnintaña kuti-murqa.

Hechos 23:21

Ichaqa amam creenkichu, tawa chunka masnin runakunam pakakuspa suyachkanku. Paykunam Diospa qayllanpi kaynata jurarunku: “Amam imatapas mikusunchu nitaq tomasunchu Pablota wañuchinanchikkama” nispanku. Listollañam suyachkanku pusachiptiki wañurachinankupaq, nispa.

Deuteronomio 19:11

Sichum pipas runamasinta cheqnisqanrayku qatispan traicionmanta wañurachispan amparakuna hukkaqnin llaqtaman ayqeptinqa,

1~Samuel 18:25

Saulmi munachkarqa Davidqa filisteokunapa makinman wichiykunanta. Chayraykum serviqninkunata nirqa: Davidta nimuychik: Costumbreman hina warmi churinrayku imapas qonaykimantaqa reyqa munachkan enemigon filisteokuna vengakuytam. Reyqa mu-nachkan pachak filisteokunata wañu-chimuspa qari kayninkupa qarachanta payman qonaykitam, nispa.

1~Samuel 20:1

Davidmi Ramá llaqtapa hichpan Naiotmanta lluptikurqa, hinaspanmi Jonatanpa kasqanman chayaruspan nirqa: ¿Imatataq ruwaruni? ¿Imapitaq huchallikuruni? ¿Imanarqanitaq taytaykita wañuchiwaypi rinanpaq? nispa.

1~Samuel 24:11

Taytalláy qawarimuy, capaykipa patantam hapichkani, capaykipa patanta kuchuruchkaspaypas manam wañurachirqaykichu. Chaynaqa, reyni-lláy kunanqa yachankim ñoqaqa mana contraykipi huchallikuq kas-qayta; qanmi ichaqa wañuchiwanay-kipaq maskawachkanki.