Números 30:12 - CHUYA QELLQA La Biblia en Quechua de Ayacucho 2012

¹² Sichum qosan chayta yacharuspan harkakuruptinqa manam ima prometekusqantapas cumplinqachu. Qosan harkakurusqanraykum Tayta Diospas pampachaykunqa.

Quechua Ayacucho Bible 1987

¹² Ichaqa chay warmipa prometekusqanta otaq kikinmanta obligakusqanta hina chay punchawllapi qosan uyariruspan harkakuruptinqa chay warmiqa manam cumplinanchu tukuy nisqankunataqa. Qosan harkakurusqanraykum Tayta Diospas pampachaykunqa.

Chuya Qellqa 1992

¹² Sichum qosan chayta yacharuspan harkakuruptinqa manam ima prometekusqantapas cumplinqachu. Qosan harkakurusqanraykum Tayta Diospas pampachaykunqa.

Números 30:12 Iomraidhean Croise

Jeremías 44:17

Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Jeremías 44:19

Warmikunapas nirqakutaqmi: Ño-qaykupas tortakunatam cielopi reinaman rikchakuqta ruwarqaniku, hinaspam inciensotawan vinota ofrecerqaniku. Chaykunataqa qosaykupa yachasqantam ruwarqaniku, chayraykum hinalla ruwakusaqku, nispanku.

Números 15:25

Hinaptinmi Sacerdoteqa Israelpa mirayninkunapa rantinpi ofrecemuwanqa, chaymi paykunapa mana yachastin huchallikusqankuta pampachasaq. Paykunam hucharayku ofrendata ñoqa Tayta Diosman ofrecemuwanqaku.

Números 15:28

Sacerdotem chay mana yachastin huchallikuruq runapa rantinpi animalta wañuchinqa ñoqa Tayta Diospa qayllaypi. Chaynata sacerdote ruwaruptinñam chay runapa huchanta pampachasaq.

Números 30:11

qosanñataq chayta yacharuspan mana harkakuptinqa imam prometekusqantam cumplinqa.

Números 30:13

Pi warmipa imataña ruwananpaq otaq ayunananpaq prometekusqantapas qosanmi “allinmi” ninqa otaq “manam” ninqapas.

Números 30:5

Sichum taytan chayta yacharuspan chay punchawllapi harkakuruptinqa manam cumplinqachu, Tayta Diospas chay warmipa taytan harkakurusqanraykum pampachaykunqa.

Números 30:8

Sichum qosan yacharuspan harkakuptinmi ichaqa ima prometekusqantapas mana cumplinqachu, Tayta Diospas pampachaykunqam.

1~Corintios 11:3

Ichaqa munanim kay yachanaykichikta: Cristoqa llapa qaripa umanmi, qariñataqmi warminpa uman Diosñataqmi Cristopa uman.

1~Samuel 1:23

Qosan Elcanañataqmi nirqa: Munasqaykiman hinayá ruway, hinapiyá kachkay wawata anukanaykikama; Tayta Diosyá imam rimasqanta cumplichun, nispa. Chaynapim Ana qeparuspan wawanta uywarqa anukanankama.