Números 3:3 - CHUYA QELLQA La Biblia en Quechua de Ayacucho 2012

³ Kay tawankum sacerdote kanankupaq Diospa akllasqan kaspanku aceitewan tallisqa karqaku.

Quechua Ayacucho Bible 1987

³ Paykunaqa tawankum aceitewan tallisqa kaspanku sacerdote kanankupaq Diospa nombrasqan karqaku.

Chuya Qellqa 1992

³ Kay tawankum sacerdote kanankupaq Diospa akllasqan kaspanku aceitewan tallisqa karqaku.

Números 3:3 Iomraidhean Croise

1~Crónicas 23:6

Leví ayllumantam kimsaman David rakinarurqa, paykunam karqaku Gersonpa, Coatpa hinaspa Meraripa mirayninkuna.

Éxodo 28:41

Chay pachakunawanmi wawqeki Aaronta chaynataq churinkunatapas pachachinki, hinaspam aceiteta tallispa ñoqapa sacerdoteykunaña kanankupaq sapaqchanki.

Éxodo 40:13

Serviwananpaq pachakunawan Aaronta pachachispaykim paymanpas aceiteta tallinki, chaynapim sacerdotey kananpaq sapaqchanki.

Éxodo 40:15

Paykunatapas taytankuta hinam sacerdoteykuna kanankupaq aceitewan tallispa sapaqchanki. Aceitewan tallisqaykiraykum wiñaypaq sacerdoteykunaña lliw mirayninkunapiwan kanqaku, nispa.

Levítico 8:12

Aaronpa umanmanpas chay aceitetam talliykurqa. Chaynatam Diospaq sapaqcharqa.

Levítico 8:30

Moisesqa Diospaq sapaqchana aceitetawan altarpa hawanpi yawarta hapiykuspanmi Aaronmanwan churin-kunaman hinaspa pachankuman challaykurqa. Chaynatam Aaronta, churinkunata hinaspa pachankunata Tayta Diospaq sapaqcharqa.

Números 3:4

Ichaqa sacerdote Abiú hinaspa sacerdote Nadabmi Tayta Diospa qayllanpi Sinaí chunniqpi wañururqaku, altarpi inciensota mana Diospa kamachisqanman hinachu ofrecesqankurayku. Paykunaqa manaraq churiyuq kachkaspam wañukurqaku. Chaynapim Eleazarwan Itamarllaña taytanku Aaronpa qawasqanta sacerdote kayninkupi servikurqaku.

Hebreos 7:28

Moisespa leyninman hinaqa Sumo sacerdotekunaqa churasqa karqaku chaylla pantaruq runallamantam. Leypa qepantañataq-mi Sumo sacerdote kananpaqqa wiñay-paq mana huchayuq Churintaña juramentowan Dios churarun.