Números 3:10 - CHUYA QELLQA La Biblia en Quechua de Ayacucho 2012

¹⁰ Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.

Quechua Ayacucho Bible 1987

¹⁰ Chaynaqa sacerdotekunapa rurananmanta cuentallikunanpaqmi kunanki Aarontawan churinkunata. Mana sacerdote kachkaspa santuarioman asuykuq runaqa wañuchisqam kanqa.

Chuya Qellqa 1992

¹⁰ Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.

Números 3:10 Iomraidhean Croise

2~Samuel 6:7

Hinaptinmi Uzapaq Tayta Dios llumpayta piñakururqa mana manchakuspa ruwasqanrayku. Chaymi Uza chayllapi wañururqa.

1~Reyes 12:31

Ruwachirqataqmi alto moqokunapi capillakunatapas, hinaspam mana Leviypa mirayninmanta kaq runakunata sacerdote kanankupaq churarurqa.

1~Crónicas 6:32

Paykunam Diosman asuykuna carpapa ñawpaqninpi takirqaku. Chaynatam ruwarqaku Jerusalén llaqtapi Tayta Diospa templonta Salomón ruwanankama, hinaspam chaypaq churasqa kasqankuman hina chaypi servikurqaku.

Nehemías 6:11

Chaymi nirqani: Ñoqa hina qarikunaqa manam ayqenchu, manataqmi salvakunanpaqpas Diospa wasinpiqa pakakunchu. Ñoqaqa manam yaykusaqchu, nispay.

Éxodo 29:9

Aarontawan churinkunatam chumpiwan chumpichinki, churachinkitaqmi mitrakunawanpas, chaynapim paykunaqa kamachikuyman hina wiñaypaq sacerdotekunaña kanqaku. Chaynatam Aarontawan churinkunata wiñaypaq sacerdoteykuna kanankupaq sapaqchanki.

Ezequiel 44:8

Qamkunaqa ñoqapaq sapaqchasqay kaqkuna ruwanaykichikpaq kamachikuykunatapas manam kasukurqankichikchu aswanqa huklaw nacionniyuq runakunamanñam qoykurqankichik.

Levítico 22:10

Mana sacerdote kachkaspaqa amam pipas ñoqapaq sapaqchasqa ofrendaykunataqa mikunqachu. Sacerdotepa samapakuqninpas nitaq llamkapakuqninpas amam mikunqachu.

Números 1:51

Carpata apanaykichik kaptinqa, Leví ayllukunam paskanqaku hinaspa sayachinqakupas. Pipas mana Leví ayllumanta kachkaspan carpaman asuykuqqa wañuchisqam kanqa.

Números 16:10

Qamtawan wawqekikunatam, Leví ayllumanta kasqaykichikrayku Tayta Diosqa qayllanman asuykachisurqankichik. ¿Hinaptinchum sacerdote kaytaraq munachkankichik?

Números 16:35

Tayta Diospa qayllanmanta nina rikuriramuspanñataqmi chay incienso qontichiq iskay pachak pichqa chunka runakunata ruparurqa.

Números 16:40

chayta qawaspa Israelpa mirayninkuna yuyarispanku pipas mana Aaronpa mirayninmanta kaspaqa Tayta Diosman inciensota ama ofrecenanpaq, chaynapi Coreywan runankuna hina mana wañurunankupaq. Chaymi Eleazar ruwarqa imaynam Moisesman Tayta Diospa kamachisqanman hina.

Números 18:3

Paykunaqa kamachisqaykita ruwaspankum carpapi serviwanqaku, santuariopi serviciokunamanwan altarmanmi ichaqa ama asuykunqakuchu, chaynapi qamkunawan kuska ama wañurunankupaq.

Números 18:7

Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa, nispa.

Números 3:11

Moisestam Tayta Dios kaynata nirqa:

Números 3:38

Santuariopa ñawpaqninpim otaq intipa qespimunan lawninpim Moisés, Aarón hinaspa churinkuna samarqaku. Paykunam carpata Israelpa mirayninkunapa rantinpi nanachikurqaku. Mana sacerdote kachkaspa pipas santuarioman asuykuqqa wañuchisqam kanan karqa.

Romanos 12:7

servinapaq qowaptinchikqa, servikusunyá, yachachinapaq qowaptinchikqa, yachachisunyá,

Efesios 2:19

Qamkunaqa manañam huklaw llaqtayuq forasterokuna hinañachu kankichik, qamkunaqa Diosllapaqña kawsaqkunapa llaqtamasinñam hinaspa Diospa ayllunñam kankichik.

Deuteronomio 18:5

Aylluykikuna ukumantam payta, chaynataq mirayninkunata Señornikichik Tayta Dios akllarqa, payllataña sapa punchaw servinankupaq.

Hebreos 8:4

Sapaq sacerdotekuna kachkaptinqa, kay pachapiraq kaspanqa payqa manam sacerdoteqa kanmanchu leyman hina hucharayku ofrendakunata presentananpaqqa.

Jueces 17:5

Micaiapaqa wasinpim karqa idolonkuna yupaychanan capillan, hinaptinmi efodtawan terafinkunata otaq idolokunata ruwarachispa huknin churinta sacerdote kananpaq churarqa.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.