Números 29:12 - CHUYA QELLQA La Biblia en Quechua de Ayacucho 2012

¹² Qanchis kaq killapa chunka pichqayuq punchawninpim yupaychawanaykichikpaq hatun huñunakuyta ruwankichik, chay punchawpiqa amam pipas llamkanqachu. Qanchis punchawnintinmi ñoqa Tayta Diospaq hatun fiestata ruwankichik.

Quechua Ayacucho Bible 1987

¹² —Qanchis kaq killapa chunka pichqayoq punchawninpim qayanakuspa ñoqallapaqña huñunakuyta rurankichik, chay punchawpiqa amam imapipas llamkankichikchu. Qanchis punchawnintinmi ñoqa Tayta Diospaq hatun fiestata rurankichik.

Chuya Qellqa 1992

¹² Qanchis kaq killapa chunka pichqayuq punchawninpim yupaychawanaykichikpaq hatun huñunakuyta ruwankichik, chay punchawpiqa amam pipas llamkanqachu. Qanchis punchawnintinmi ñoqa Tayta Diospaq hatun fiestata ruwankichik.

Números 29:12 Iomraidhean Croise

1~Reyes 12:32

Chaymantam qallarichirqa pusaq kaq killapa chunka pichqayuq punchawninpi huk hatun fiestata, chay fiestataqa ruwachirqa Judá nacionpi fiestata hinam, hinaspam kikinpuni sacrificiokunata altarpi ofrecerqa, chaynatam Bet-el llaqtapi ruwarqa. Qorimanta ruwasqan torillokunapaqmi animalta wañuchispa lliwta kañarqa, hinaspam Bet-el llaqtapa moqonkunapi capillakuna ruwachisqanpi sacerdotekunata churarqa.

Esdras 3:4

Ruwarqakutaqmi Ramada sutiyuq hatun fiestatapas kamachikuypa nisqanman hina, lliw kañana sacrificiokunatapas sapa punchaw ruwanankuman hinam ofrecerqaku.

Nehemías 8:14

Chay qellqasqa yachachikuypim tarirurqaku Moisesnintakama Diospa kamachikuyninta, qanchis kaq killapa hatun fiestanpi Israelpa mirayninkuna ramadakunapi yachanankupaq.

Nehemías 8:18

Qanchis punchawmi chay fiestata ruwarqaku, sacerdote Esdrasñataqmi chay fiesta qallariyninmanta tukupaynin punchawkama Diospa kamachikuynin librota leerqa. Pusaq kaq punchawpiñataqmi, costumbrenkuman hina hatun huñunakuyta ruwarqaku.

Éxodo 23:16

Cosecha qallariy fiestatapas chaynataq cosecha tukuy fiestatapas ruwankim, chaytaqa sapa watam cosecha tukuyta ruwanki.

Éxodo 34:22

Pascua fiestamanta qanchis semananmanmi trigo cosecha qallariy fiestata ruwankichik, ruwankichiktaqmi cosecha tukuy fiestatapas. Chay fiestatam sapa wata, cosecha tukuyta ruwankichik.

Ezequiel 45:25

Qanchis kaq killapa chunka pichqayuq punchawninpi ramada fiesta qallaykusqanmantam, qanchisnintin punchawpuni chay kamachikuq ofrecewanqa hucharayku ofrendakunata, lliw kañana sacrificiokunata, kawsaykunamanta ofrendakunata hinaspa aceitemanta ofrendakunatapas.

Levítico 23:7

Chay semanapa punta kaq punchawninpim ñoqallapaqña huñunakuyman qayankichik, chay pun-chawpiqa amam imapipas llamkanki-chikchu.

Números 29:1

Qanchis kaq killapa qallariynin punchawpim yupaychawanaykichikpaq hatun huñunakuyta ruwankichik, chay punchawpiqa amam pipas llamkanqachu. Chay punchawqa trompetakunata tocana punchawmi kanqa.

Números 29:13

Fiestapa qallariynin punchawpim chunka kimsayuq malta torokunata, iskay carnerokunata hinaspa watayuqkama chunka tawayuq carnerokunata lliw kañana sacrificiota ofrecemuwankichik, chaykunam ñoqa Tayta Diospaq miskillaña asnariq ofrenda kanqa; chay animalkunaqa sanokamam kanqa.

Números 29:35

Chay fiestapa pusaq kaq punchawninpiñataqmi hatun huñunakuyta ruwankichik, chay punchawpiqa amam pipas llamkanqachu.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.