Números 29:1 - CHUYA QELLQA La Biblia en Quechua de Ayacucho 2012

¹ Qanchis kaq killapa qallariynin punchawpim yupaychawanaykichikpaq hatun huñunakuyta ruwankichik, chay punchawpiqa amam pipas llamkanqachu. Chay punchawqa trompetakunata tocana punchawmi kanqa.

Quechua Ayacucho Bible 1987

¹ —Qanchis kaq killapa punta kaq punchawninpim qayanakuspa ñoqallapaqña huñunakuyta rurankichik, chay punchawpiqa amam imapipas llamkankichikchu. Chay punchawqa kanqa cornetillakuna tocana punchawmi.

Chuya Qellqa 1992

¹ Qanchis kaq killapa qallariynin punchawpim yupaychawanaykichikpaq hatun huñunakuyta ruwankichik, chay punchawpiqa amam pipas llamkanqachu. Chay punchawqa trompetakunata tocana punchawmi kanqa.

Números 29:1 Iomraidhean Croise

1~Crónicas 15:28

Chaynatam Israelpa mirayninkuna Tayta Diospa pacto ruwasqan Arcata aparqaku, kusikuymanta qaparistin, cornetakunata, trompetakunata, platillokunata, salteriokunata hinaspa arpakunata tocastin.

Esdras 3:6

Qanchis kaq killapa qallariy punchawmantam Tayta Diosman lliw kañana sacrificiokuna ofreceyta qallaykurqaku, Tayta Diospa templonpa cimientonkunatam ichaqa manaraq churarqakuchu.

Nehemías 7:73

Llapa sacerdotekunawan, levitakuna, punku nanachikuqkuna, takiqkuna, llapa runakuna, templopi servikuqkunaqa sapakamam llaqtankupi yacharqaku. Qanchis kaq killa chayaramuptinqa, Israel runakunaqa llaqtankupiñam sapakama yachakurqaku.

Nehemías 8:2

Qanchis kaq killapa qallariynin punchawpim, qarikuna, warmikuna hinaspa warmakunamanta yuyayniyuq kaqkuna huñunasqa kachkaptinku, kamachikuy librota sacerdote Esdras apamurqa.

Éxodo 23:16

Cosecha qallariy fiestatapas chaynataq cosecha tukuy fiestatapas ruwankim, chaytaqa sapa watam cosecha tukuyta ruwanki.

Éxodo 34:22

Pascua fiestamanta qanchis semananmanmi trigo cosecha qallariy fiestata ruwankichik, ruwankichiktaqmi cosecha tukuy fiestatapas. Chay fiestatam sapa wata, cosecha tukuyta ruwankichik.

Isaías 27:13

Hina chay punchawpim, hatun trompetata tocanqaku, hinaptinmi Asiriapi chinkasqakunawan Egiptoman qarqosqakunapas kutimunqaku, Jerusalén llaqtapi Tayta Diosta hatunchanankupaq, sapaqchasqan Sión moqopi Tayta Diosta hatunchanankupaq.

Levítico 23:23

Israelpa mirayninkunaman ninanpaqmi Moisesta Tayta Dios kaynata nirqa: Qanchis kaq killapa punta kaq punchawninqa samana punchawmi kanqa, chay punchawmi yuyarinaykichikpaq trompetakunata tocaspa sapaqchasqa huñunakuyniyta ruwankichik.

Levítico 23:7

Chay semanapa punta kaq punchawninpim ñoqallapaqña huñunakuyman qayankichik, chay pun-chawpiqa amam imapipas llamkanki-chikchu.

Zacarías 9:14

Tayta Diosmi llaqtanpi qawachikunqa, flechankunatapas llipyata hinam kacharinqa; Tayta Diosmi trompetata tocanqa, sur lawmanta hatarimuq remolino wayrapa chawpintam hamunqa.

Números 28:26

Semanakuna fiestapi otaq kawsaykunapa punta kaq rurunta Tayta Diosman apamuna fiestapim hatun huñunakuyta ruwankichik, chay punchawqa amam pipas llamkanqachu.

Números 29:12

Qanchis kaq killapa chunka pichqayuq punchawninpim yupaychawanaykichikpaq hatun huñunakuyta ruwankichik, chay punchawpiqa amam pipas llamkanqachu. Qanchis punchawnintinmi ñoqa Tayta Diospaq hatun fiestata ruwankichik.

Números 29:2

Chay fiestapim, ñoqa Tayta Diosman huk malta torota, huk carnerota hinaspa watayuq qanchis carnerokunata lliw kañana sacrificiota ofrecemuwankichik. Chaykunam ñoqa Tayta Diospaq miskillaña asnariq ofrenda kanqa, chay animalkunaqa sanokamam kanqa.

Números 29:35

Chay fiestapa pusaq kaq punchawninpiñataqmi hatun huñunakuyta ruwankichik, chay punchawpiqa amam pipas llamkanqachu.