Números 28:11 - CHUYA QELLQA La Biblia en Quechua de Ayacucho 2012

¹¹ Sapa killapa qallariyninpim ñoqa Tayta Diosman iskay malta torokunata, huk carnerota hinaspa watayuq qanchis sano carnerokunata ofrecemuwankichik.

Quechua Ayacucho Bible 1987

¹¹ —Sapa killapa qallariyninpipas ñoqa Tayta Diospaqmi kañapuwankichik iskay malta torokunata, poqosqa carnerota chaynataq watayoqkama sano qanchis carnerokunatapas.

Chuya Qellqa 1992

¹¹ Sapa killapa qallariyninpim ñoqa Tayta Diosman iskay malta torokunata, huk carnerota hinaspa watayuq qanchis sano carnerokunata ofrecemuwankichik.

Números 28:11 Iomraidhean Croise

2~Reyes 4:23

Chaymi qosan tapurqa: ¿Imamantaq paypata rinki? Kunanqa manam musoq killachu nitaqmi samana punchawchu, nispa. Hinaptinmi warminñataq nirqa: Ama hukmanyaychu, nispa.

1~Crónicas 23:31

chaynallataq sapa samana punchawpi, musoq killapi hinaspa huk fiestakunapipas Tayta Diosman lliw kañana sacrificiota ofrecenankupaq. Chaytaqa mana tipiytam Tayta Diospa qayllanpi ruwaqku, chaypaq akllasqa kasqankuman hina hinaspa haykam kasqankuman hina.

2~Crónicas 2:3

Chaymantam Tiro llaqtapa reynin Hiramta Salomón kaynata nichimurqa: Imaynam taytay Davidman wasinta ruwachinanpaq cedro qerukunata apachimurqanki, chaynayá ñoqamanpas palacioyta ruwanaypaq apachimuway.

2~Crónicas 2:4

Ñoqam yupaychasqay Tayta Diospa templonta ruwasaq, miski asnaq inciensota paypa qayllanpi kañanaypaq, patanasqa tantatapas sapa kutilla ofrecenaypaq, sapa achikyayta, sapa tardeykuyta, samana punchawkunapi, musoq killakunapi, Diospa fiestankunapi Tayta Diosman lliw kañana sacrificiota ofrecenaypaq. Chaykunaqa wiña-wiñaypaqmi Israel nacionpi ruwasqa kanqa.

2~Crónicas 8:13

Payqa ofreceq Moisespa kamachisqanman hinam chaypaq akllasqa punchawkunapi, samana punchawkunapi, musoq killa fiestakunapi, watapi kimsa hatun fiestakunapi. Chay fiestakunam karqa: Mana levadurayuq tanta fiesta, semanakunapa tukuynin fiesta hinaspa ramada ruway fiesta.

Esdras 3:5

Ofrecerqakutaqmi sapa punchaw ofrecenanku lliw kañana sacrificiotapas, llullu killapi chaynataq tayta Diospa fiestankunapi ofrecenankutapas hinaspa kikinkumanta Tayta Diosman ofrecey munasqankutapas.

Nehemías 10:33

Chaynapi chay qollqewan Diospa qayllanpi patanasqa tantata ruwananpaq, sapa punchaw kawsaykunamanta ofrendapaq, sapa punchaw ofrecenanku lliw kañana sacrificiopaq; samana punchawpi, llullu killapi, fiesta punchawkunapi sacrificiokunapaq; Israelpa huchankuna pampachana ofrendapaq hinaspa Diosniykupa templonpi tukuy imapi servikunanpaq.

Isaías 66:23

Sapa musoq killapim, sapa samana punchawpim llapa runakuna yupaychawaqniy hamunqaku.

Ezequiel 46:1

Ñoqa Tayta Diosmi kaynata nini: Uku law patiopa intipa qespimunan lawman qawaq punkuqa, llamkanaykichik soqtantin punchawmi wichqarayanqa, samana punchawpim ichaqa kichakunqa, kichakunqataqmi llullu killa punchawpipas.

Ezequiel 46:6

Llullu killa punchawpim huk malta torota, soqta sano malta carnerokunata chaynataq huk sano carnerota ofrecewanqaku.

Ezequiel 46:7

Sapa malta torota ofrecewaspanmi iskay chunka kilo kawsaytapas ofrecewanqa; sapa carneropaqpas chaynallatataqmi ofrecewanqa; malta carnerokunata ofrecewaspanmi ichaqa munasqanman hinalla ofrecewanqa. Sapa iskay chunka kilo kawsay ofrendakunamantam kimsa litro parten aceiteta ofrecewanqa.

Oseas 2:11

Kusikuynintapas chinkachisaqmi; fiestankunatapas, musoq killankunatapas, samana punchawninkunatapas hinaspa hatun huñunakuyninkunatapas qolluchisaqmi.

Levítico 1:13

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañaspa ofrecewanqa, chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 1:3

Sichum lliw kañana sacrificiopaq vacankunamanta apamuspanqa, sumaqnin sano torotam ñoqaman asuykuna carpapa punkunpi ofrecewanqa, chaynapi ñoqa Tayta Dios chaskinaypaq.

Levítico 1:9

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañanqaku. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Amós 3:5

¿Yaqachu urpichakuna trampaman wichinman mana pipas trampata churaruchkaptin? ¿Yaqachu trampa wichqakurunman mana imatapas hapiruchkaspa?

Amós 8:5

Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq.

Números 10:10

Trompetakunataqa tocankichiktaqmi kusikunaykichik punchawkunapipas, fiestakunapipas, musoq killakunapipas, lliw kañana sacrificiota ofrecewaspaykichikpas chaynataq ñoqawan allinlla kasqaykichikmanta ofrendata ofrecewaspaykichikpas, chaynapim ñoqa Diosnikichik mana qonqasqaykichikchu. Ñoqa Tayta Diosmi Diosnikichik kani.

Números 28:19

Ñoqa Tayta Diosmanmi lliw kañana sacrificiota iskay malta torota, huk carnerota chaynataq watayuq qanchis carnerokunata ofrecemuwankichik. Chay animalkunaqa sanokamam kanqa.

Gálatas 4:10

Qamkunaqa hina-llaraqmi waqaychachkankichik punchaw-kunata, killakunata, tiempokunata hinaspa watakunata.

Colosenses 2:16

Chaynaqa, amayá pipas rimaku-sunkichikchu: Imam mikusqaykichikmanta, tomasqaykichikmanta, fiestakuna ruwaymanta, watanpi otaq killanpi fiestakuna ruwaymanta, samana punchawpi samanamanta.

Colosenses 2:6

Chaynaqa, Señorninchik Cristo Jesusta chaskisqaykichikman hinayá payman hapipakuspa allinta kawsaychik.

1~Samuel 20:5

Chaymi David nirqa: Paqarinmi llullu killa fiesta kanqa, chaypim mikunapaq reywan tiyanay yachakun. Chaynaqa, mincha punchaw tardeykuqkama purunpi pakakaramusaq.

1~Samuel 9:12

Sipaskunañataqmi nirqaku: Arí, kaypim kachkan, utqaymanyá riychik, payqa hamurqa kunan punchaw llaqtawan kuska moqopi sacrificiota Diosman ofrecenanpaqmi.