Números 26:10 - CHUYA QELLQA La Biblia en Quechua de Ayacucho 2012

¹⁰ Chaymi allpa kichakuykuspan Datantawan Abiramta chaynataq Coreytapas millpururqa. Chaypitaqmi iskay pachak pichqa chunka runakunapas ninapa rupasqan wañururqaku. Chayqa pasakurqa hamuq punchawkunapi chaynata mana pipas hatarinanpaqmi.

Quechua Ayacucho Bible 1987

¹⁰ Datanwan Abiramqa runakunapa cabecillanmi karqa. Kay iskayninkumá Coreypa umachasqankunawan huñunakuruspanku Moisespa hinaspa Aaronpa contranpi hatarirqaku. Chaynataqa rurarqaku Tayta Diospa contranpi hatarispankum chaymi allpa kicharikuykuspan millpururqa Datantawan Abiramta chaynataq Coreytapas. Chaypitaqmi iskay pachak pichqa chunkan runakunapas ninapa rupasqan wañururqaku. Chaynaqa pasakurqa manaña masta ruranankupaqmi.

Chuya Qellqa 1992

¹⁰ Chaymi allpa kichakuykuspan Datantawan Abiramta chaynataq Coreytapas millpururqa. Chaypitaqmi iskay pachak pichqa chunka runakunapas ninapa rupasqan wañururqaku. Chayqa pasakurqa hamuq punchawkunapi chaynata mana pipas hatarinanpaqmi.

Números 26:10 Iomraidhean Croise

Éxodo 16:35

Chaynatam Israelpa mirayninkuna chay maná sutiyuq mikuyta tawa chunka watantin mikurqaku, mikurqakuqa runakunapa yachanan allpaman chayanankukamam, otaq Canaán allpaman yaykunankukamam.

Jeremías 29:22

Hinaptinmi Judá nacionmanta Babiloniaman preso apasqa kaqkuna, pitapas ñakaspanku kaynata ninqaku: Tayta Diosyá, ruwasunkichik imaynam Sedequiastawan Acabta hina, paykunatam ninapi kankarurqa Babilonia nacionpa reynin, nispanku.

Ezequiel 14:8

Chay runapa contranpi hatarispaymi, wakin runakunapas manchakuyta yachanankupaq castigaruspay llaqtaypa chawpinmanta chinkarachisaq. Chaynapim Tayta Dios kasqayta yachankichik.

Números 16:2

Paykunam Israelpa mirayninkunamanta iskay pachak pichqa chunka kamachikuqkunawan Moisespa contranpi hatarirurqaku. Chay runakunaqa ancha reqsisqa runakunam karqaku.

Números 16:38

Huchallikuruspa wañuq runakunapa qontichinankuqa, inciensota ñoqa Tayta Diosman ofrecemuwasqankuraykum chuyanchasqa kachkan. Chaynaqa, llaspayachispa chaywan altarpa hawanman laqachun, Israelpa mirayninkunapaq señal kananpaq, nispa.

Números 17:3

Leví ayllupa tawnanpim Aaronpa sutinta qellqanki. Sapa ayllupa kamachiqninpam huk tawna kanqa.

Números 27:3

Taytayku Zelofehadmi chunniqpi wañukurqa. Payqa manam wañukurqa Tayta Diospa contranpi hoqarikuq Coreypa umachasqankunawan kuskachu, aswanqa kikinpa huchanmantam wañukurqa, manam qari churin karqachu.

Deuteronomio 11:6

Rubén ayllumanta kaq Eliabpa churin Datantawan Abiramta, Israel miraykunapa chawpinmanta aylluntinta, animalnintinta chaynataq tukuy imankunatawan kuskata allpa kichakuykuspan millpurusqantapas.

Deuteronomio 28:46

Tukuy chay ñakaykunam qamkunapa chaynataq miraynikichikpa contranpipas admirakuypaq señal hina wiñaypaq kanqa.

2~Pedro 2:6

Chaynataqmi Sodoma Gomorra llaqtakunatapas uchpayanankama kañaspa chinkarachirqa, chaynapi qepa punchawkunapi Diosta mana kasukuq runakuna manchakuy yachanankupaq.

Judas 1:7

Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa wiñaypaq rawraq ninapi castigasqa kanankupaqmi churasqa kachkanku, chaykunawan ñoqanchikpas yuyayta hapinanchikpaq.

1~Samuel 2:34

Kaymi qampaq señal kanqa: Churiki Fineeswan Ofnim chay punchawllapi wañunqaku.