Números 25:11 - CHUYA QELLQA La Biblia en Quechua de Ayacucho 2012

¹¹ Aaronpa willkan otaq Eleazarpa churin sacerdote Fineesmi Israel runakunapa contranpi piñakuyniyta tanirachin, payqa ñoqa hina piñakuspam chay runata wañurachirqa. Chayraykum Israel miraykunapa contranpi llumpayta piña-kuchkaspaypas paykunataqa mana puchukarachirqanichu.

Quechua Ayacucho Bible 1987

¹¹ —Aaronpa willkan otaq Eleazarpa churin sacerdote Fineesmi Israel casta runakunapa contranpi piñakuyniyta tanirachin, payqa ñoqamanta sientisqanraykum piñakuyninpi chay runata wañurachirqa. Chayraykum Israel casta runakunapa contranpi llumpayllataña piñakuchkaspaypas paykunataqa manaña tukururqanichu.

Chuya Qellqa 1992

¹¹ Aaronpa willkan otaq Eleazarpa churin sacerdote Fineesmi Israel runakunapa contranpi piñakuyniyta tanirachin, payqa ñoqa hina piñakuspam chay runata wañurachirqa. Chayraykum Israel miraykunapa contranpi llumpayta piñakuchkaspaypas paykunataqa mana puchukarachirqanichu.

Números 25:11 Iomraidhean Croise

2~Samuel 21:14

Saulpa chaynataq Jonatanpa tullunkunatam Benjamín ayllupa allpanpi kaq Zela llaqtapi Saulpa taytan Cispa sepulturanpi pamparamurqaku. Reypa kamachisqanman hinam tukuy imata ruwarqaku. Chaymantañam llaqtapa mañakuyninta Dios uyariykurqa.

1~Reyes 14:22

Judá runakunam Tayta Diospa qayllanpi mana allinkunata ruwarqaku, ñawpaq taytankupa huchallikusqankumantapas aswantaraq huchallikuspankum Tayta Diosta piñachirqaku.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 22:5

Pipas chakranpi otaq uvas chakranpi michinanpaq animalninta qaykunman, hinachkaspan hukpa tarpukuyninta dañorachinqa hinaspaqa chakranmanta chaynataq uvas chakranmantapas allinnin kaqwanmi sayachipunqa.

Éxodo 34:14

Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Ezequiel 16:38

Qosayuq kachkaspa pierdekuq warmita hinam chaynataq runa wañuchiqta hinam juzgasqayki, hinaspaymi sinchi piñakuyniypi chaynataq celoso kayniypi wañuyman qoykusqayki.

Nahúm 1:2

Tayta Diosqa celosom hinaspa vengakuqmi, Tayta Diosqa contranpi sayariqkunamanta vengakuqmi, enemigonkunapa contranpi piñakuqmi.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Sofonías 3:8

Chayraykum Tayta Dios kaynata nin: Contraykichikpi hatarispay juzganay punchawta suyaykuychik. Nacionkunata llaqtakunatam huñunarusaq, hinaspaymi hatun piñakuyniywan paykunata castigarusaq. Piñakuyniypa rupariynin kañaruptinmi kay allpa pacha puchukanqa.

Números 25:10

Chaymi Moisesta Tayta Dios nirqa:

Juan 3:36

Churipi iñiqqa wiñay kawsayniyuqmi, paypi mana iñiqmi ichaqa wiñay kawsaytapas mana haypanqachu, aswanqa Diospa sinchi piñakuynintam chaskinqa, nispa.

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

2~Corintios 11:2

Diospa sientisqanman hinam qamkunamanta sientikichik. Chullalla qariwan casarakuq mana qari reqsiq sipasta hinam Cristoman presentanaypaq prometekurqaykichik.

Deuteronomio 29:20

Tayta Diosqa chayna runataqa manam pampachanqachu, aswanqa contranpi sinchita piñakuruspanmi kay libropi qellqasqa kaq ñakaykunata payman kachaykamunqa, chay runapa mirayninkunatapas Tayta Diosqa manaña pipapas yuyarinankamam kay pachamanta chinkarachinqa.

Deuteronomio 32:16

Mana reqsisqanku dioskunata yupaychaspankum Tayta Diosta llakichispa piñachirqaku.

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.

Deuteronomio 4:24

Señornikichik Tayta Diosqa paylla kuyanatam munan. Payqa tukuy imapas ruparuq nina hinam.

Josué 22:13

Ichaqa manaraq richkaspankum Israelpa mirayninkunaqa, Galaad lawpi kaq Rubén aylluman, Gad aylluman chaynataq Manasespa wakin aylluman, sacerdote Eleazarpa churin Fineesta ñawpachirqaku.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.