Números 24:8 - CHUYA QELLQA La Biblia en Quechua de Ayacucho 2012

⁸ Paykunataqa Diosmi Egipto nacionmanta hurqomurqa, búfalo hina kallpasapallañam payqa. Israel runakunaqa Enemigon nacionkunatapas pasaypaqtam chinkachinqa, tulluntapas ñutuypaqmi ñutuparunqa, flechankunawanmi tuksiypaq tuksiparunqa.

Quechua Ayacucho Bible 1987

⁸ Paykunataqa Diosmi Egipto nacionmanta horqomurqa. Monte toro hina kallpasapallañam payqa. Israel casta runakunaqa enemigon nacionkunatapas pasaypaqtam tukurunqa. Israel casta runakunaqa enemigonkunapa tulluntapas ñutuypaqmi-ñutuparunqa. Paykunaqa enemigonkutam flechankuwan tuksiypaq-tuksiparunqa.

Chuya Qellqa 1992

⁸ Paykunataqa Diosmi Egipto nacionmanta hurqomurqa, búfalo hina kallpasapallañam payqa. Israel runakunaqa Enemigon nacionkunatapas pasaypaqtam chinkachinqa, tulluntapas ñutuypaqmi ñutuparunqa, flechankunawanmi tuksiypaq tuksiparunqa.

Números 24:8 Iomraidhean Croise

Éxodo 23:22

Nisqanta uyarispayki tukuy kamachisqayta kasukuptikim ichaqa enemigoykikunapa enemigon kaspay paykunata ñakarichisaq.

Isaías 38:13

Tukuy tutam qamta qayakamullayki, aswanqa león hinam tulluykunata pakiparunki, tutaykuymanta achikyaqkamallam vidayta tukurunki.

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 50:9

Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Daniel 6:24

Chaymantam rey kamachikuptin, Daniel acusaq runakunata pusamurqaku, hinaspam warmintinta churintinta wischuykurqaku leonkunapa kasqan uchkuman, hinaptinmi manaraqpas pampaman chayaykuchkaptinku leonkuna pawaykuspa tisaparurqa, llapallan tullunkupas chamchakunankama.

Números 14:9

Chaynaqa, ama Tayta Diospa contranpi hatariychikchu, nitaq chay allpapi runakunatapas manchakuychikchu, paykunataqa manam pipas yanapanchu, ñoqanchikwanmi ichaqa Tayta Dios kachkan, tantata mikuchkaq hinallam vencerusunchik, nispanku.

Números 21:5

Hinaspam Diospa contranpi chaynataq Moisespa contranpi rimaspa nirqaku: ¿Imapaqtaq Egipto nacionmanta hurqomuwarqankiku kay chunniqpi wañunaykupaq? Mikuypas yakupas manam kanchu. Maná sutiyuq mikuytapas amirunikuñam, nispanku.

Números 23:22

Egiptomanta hurqomuqninku Diosqa búfalo hina kallpasapallañam.

Números 23:24

Kay llaqtaqa león hinam hatarichkan, león hinam chutaparikuchkan. Manam samaykunqachu wañuchisqanta mikuruspan yawarninta llaqwanankama, nispa.

Mateo 2:15

Chaypim yachamurqaku Herodes wañunankama. Kaykunam pasakurqa profetantakama Diospa kayna nisqan cumplikunanpaq. Paymi nirqa: “Churiytam Egipto nacionpi kachkaptin qayamurqani”, nispa.

Deuteronomio 32:23

Tukuy mana allinkunatam montoykamusaq, flechaykunatam paykunaman chayachimusaq.

Deuteronomio 32:42

Flechaykunatam yawarwan sinkarachisaq, espadaymi aychata mikukunqa; wañuqkunapa, presokunapa yawarninta chapuparusaq, capitankunapa umantam mikukunqa”, nispa.

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Josué 2:10

Uyarirqanikum Egipto nacionmanta lloqsimuptikichik Puka lamar qochatapas qayllaykichikpi Tayta Dios chakirachisqanta hinaspa Jordán mayupa waklaw chimpanpi kaq amorreokunapa reynin Sehontawan Ogta pasaypaqta vencerusqaykichiktapas.