Números 24:7 - CHUYA QELLQA La Biblia en Quechua de Ayacucho 2012

⁷ Israelpa mirayninkunaqa yakumantapas manam muchunqakuchu, tarpukuyninkupaqpas manam yaku pisinqachu. Reyninkupas rey Agagpa hawanpim munaychakunqa, paypa munaychakuyninqa hatunmi kanqa.

Quechua Ayacucho Bible 1987

⁷ Israel casta runakunaqa manam yakumantapas muchunqakuchu. Tukuy ima tarpukusqankupaqpas manam yakuqa pisinqachu. Reyninkuqa Rey Agagmantapas aswan hatunraqmi kanqa. Payqa hatun munaychakuqmi kanqa.

Chuya Qellqa 1992

⁷ Israelpa mirayninkunaqa yakumantapas manam muchunqakuchu, tarpukuyninkupaqpas manam yaku pisinqachu. Reyninkupas rey Agagpa hawanpim munaychakunqa, paypa munaychakuyninqa hatunmi kanqa.

Números 24:7 Iomraidhean Croise

2~Samuel 5:12

Hinaptinmi Davidqa chayraq sumaqta yacharurqa Israel nacionpi rey kananpaq Tayta Diospa churasqanta, musyarurqataqmi Israel nacionta kuyapayaspan kamachikuyninta hatunchasqantapas.

1~Reyes 4:21

Salomonmi munaychakurqa Eufrates mayumanta qallaykuspa Filistea nacionkama hinaspa Egipto nacionwan tupanakuqkama. Paykunam impuestota pagaspanku rey Salomonta wañukunankama servirqaku.

1~Reyes 5:1

Tiro llaqtapa reynin Hirammi yacharurqa Davidpa rantinpi churin Salomontaña rey kananpaq churarusqankuta, chayraykum serviqninkunata Salomonman kachamurqa. Hiramqa tukuy tiempom Davidwan llumpay amigo karqaku.

1~Crónicas 14:2

Chaywanmi David-qa yachakururqa Israelpi rey kananpaq Tayta Diospa churasqanta chaynataq Israel nacionpi munaychakuynin hatunchasqantapas.

Esdras 4:20

Jerusalén llaqtapiqa atiyniyuq reykunam kasqa, paykunam munaychakusqaku Eufrates mayupa tukuy waklawninkamaraq, hinaptinmi paykunaman tukuy rikchaq impuestokunata pagasqaku.

Ester 3:1

Chaykuna pasaruptinmi rey Asuero, Agagpa miraynin Hamedatapa churin Amanta hatunchaspan llapallan kamachikuqkunapa kamachiqnin kananpaq churarurqa.

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Isaías 30:25

Hatun wañuchinakuy punchawpi torrekuna tuñichisqa kaptinmi, hatun orqokunamantawan alto moqokunamantapas mayukuna paqchamunqa.

Isaías 48:1

Jacobpa mirayninkuna, Judapa mirayninkuna kachkaspa Israelwan sutichakuqkuna, Tayta Diospa sutinpi juraqkuna, Israelpa Diosninta mañakuqkuna, mana cheqapta rimaspa mana allin ruwaqkuna;

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 51:13

¡Yaw, Babilonia nación! Iskay hatun mayukunapa chawpinpim yachanki, tukuy imayuq apu-apum kankipas. Puchukanayki punchawmi chayaramunña, wañunayki punchawmi chayaramunña.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Números 24:20

Amalec runakunapa allpan lawman Balaam qawarispanmi kaynata profetizarqa: Amalec nacionqa wakin nacionkunamantapas ancha reqsisqam, ichaqa tuñichisqa kaspam wiñaypaq purmanqa, nispa.

Juan 1:49

Chaymi Natanaelñataq nirqa: Yachachikuq, qamqa Diospa Churinmi kanki, Israel runakunapa reyninmi kanki, nispa.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Apocalipsis 17:1

Qanchis angelkunamanta kaq, qanchis copayuq huknin angelmi asuykamuwaspan kaynata niwarqa: Kayman hamuy, hinaptinmi achka yakukunapa hawanpi tiyaq chuchumika warmipa imaynam castigasqa kananta qawachisqayki.

Apocalipsis 17:15

Angelqa niwarqataqmi: Chuchumikapa tiyasqan achka yaku-kuna rikusqaykiqa, llaqtakunam, runa-kunam, nacionkunam hinaspa tukuy rikchaq rimayniyuqkunam.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.