Números 24:18 - CHUYA QELLQA La Biblia en Quechua de Ayacucho 2012

¹⁸ Edompa allpantam hapikuykunqa, Seir orqopi kaq enemigonkunatam vencenqa. Israelpa mirayninkunaqa atiywanmi imatapas ruwanqaku,

Quechua Ayacucho Bible 1987

¹⁸ Edompa allpantam dueñochakunqa. Seir Orqopi kaq enemigonkunatam vencenqa. Israelpa castankunaqa atiywanmi ruranqa.

Chuya Qellqa 1992

¹⁸ Edompa allpantam hapikuykunqa, Seir orqopi kaq enemigonkunatam vencenqa. Israelpa mirayninkunaqa atiywanmi imatapas ruwanqaku,

Números 24:18 Iomraidhean Croise

Génesis 27:29

Nacionkunam qamta servisunki, llapa runakunam qayllaykipi kumuykunqaku. Aylluykikunapim munaychakunki, aylluykikunapa mirayninkunam ñawpaqnikipi kumuykunqaku. Ñakasuqnikikuna ñakasqa kachun, bendecisuqnikikuna bendecisqa kachun, nispa.

Génesis 27:40

Espadaykimantam kawsanki, wawqekitam servinki. Yugota pakiruq toro hina lluptikuspam wawqekipa munaychakuyninmanta librakunki, nispa.

Génesis 32:3

Chaymantam willakuqkunata Jacobqa wawqen Esauman kacharqa, Seir law Edom nacionpi kachkaptin,

2~Samuel 8:14

Chaymantam rey Davidqa soldadonkunata Edom nacionpi chu-rarurqa, chaynapim Edom runakunaqa Davidtaña servirqaku. David mayman peleaq riptinpas Tayta Diosmi vencechirqa.

1~Reyes 11:14

Tayta Diosmi Salomonpa contranpi hatarirachirqa Edom nacionpi reykunapa miraynin Hadadta.

1~Reyes 11:15

Edom nacionta David venceruptinmi, tropakunapa kamachiqnin Joab, guerrapi wañuqkunata pampaq rispan Edom nacionniyuq runakunata lliwta wañurachimurqa.

Isaías 34:5

Hanaq pachapim espaday sinkarunqa, Edomta juzganapaqmi uraykamunqa, wañuypaq ñakasqay llaqtamanmi uraykamunqa. Diospa espadanmi cielomanta Edom nacionpa hawanman wichiykamunqa, ñakasqay llaqtata chinkachinanpaqmi uraykamunqa.

Isaías 63:1

¿Pitaq wak Edom lawmanta, Bosra lawmanta pukankama pachayuq hamuchkan? ¿Pitaq wak allin pachasqa qari-qarillaña hamuchkan? Ñoqa cheqap rimaq Tayta Diosmi hamuchkani, atiyniywan salvaqmi hamuchkani.

Amós 9:11

Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Amós 9:12

Chaynapim yupaychaqniy runakuna Edompa allpanta hinaspa llapa nacionkunapa allpankunatapas munaychakunqaku, nispa.

Abdías 1:2

Tayta Diosmi Edom nacionta kaynata nin: Llapallan nacionkunamanta taksallatañam ruwasqayki, hinaspaymi hatun penqayman churasqayki.

Números 20:18

Ichaqa Edom nacionpa reyninmi nirqa: Manam allpaypa chawpintaqa pasawaqchikchu, pasaptikichikqa qamkunawan peleaqmi lloqsimusaqku, nispa.

Números 24:19

Jacobpa mirayninmantam munaychakuq lloqsinqa, payqa llaqtapi puchuqkunatam chinkachinqa, nispa.