Números 23:22 - CHUYA QELLQA La Biblia en Quechua de Ayacucho 2012

²² Egiptomanta hurqomuqninku Diosqa búfalo hina kallpasapallañam.

Quechua Ayacucho Bible 1987

²² Llumpay kallpasapallañam monte toroqa. Chayna kallpawanmi Diospas paykunata Egipto nacionmanta horqomurqa.

Chuya Qellqa 1992

²² Egiptomanta hurqomuqninku Diosqa búfalo hina kallpasapallañam.

Números 23:22 Iomraidhean Croise

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 12:51

Chay punchaw-pipunim Israelpa mirayninkunata Egipto nacionmanta tropa-tropata Tayta Dios hurqorqa.

Éxodo 20:2

Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 9:16

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Isaías 34:7

Monte torokuna kaqllam, malta torokunawan poqosqa torokuna kaqllam wañunqaku. Allpankum yawarwan nuyuy-nuyuy kanqa, allpapas wirawan chapukuspam wiswirinqa.

Números 22:5

Chayraykum payqa Beorpa churin Balaamman kacharqa. Balaamqa Eu-frates mayupa hichpan Amav law Petor llaqtapim yacharqa. Rey Balacmi runankunata kacharqa Balamman kaynata nimunankupaq: Egipto nacionmantam allpapas tapaykuq runakuna lloqsiramunku, hinaspam hichpallaypiña kachkanku.

Números 24:8

Paykunataqa Diosmi Egipto nacionmanta hurqomurqa, búfalo hina kallpasapallañam payqa. Israel runakunaqa Enemigon nacionkunatapas pasaypaqtam chinkachinqa, tulluntapas ñutuypaqmi ñutuparunqa, flechankunawanmi tuksiypaq tuksiparunqa.

Deuteronomio 33:17

Joseyqa vacapa punta wawan hina kuyayllapaqmi, payqa búfalo hina kallpasapallañam, waqrankunawanmi llapa nacionkunata kay pachapa patankama waqraparunqa. Chaynam Efrainpa wara-waranqa mirayninkunaqa, chaynam Manasespa waranqantin mirayninkunaqa.

Josué 2:10

Uyarirqanikum Egipto nacionmanta lloqsimuptikichik Puka lamar qochatapas qayllaykichikpi Tayta Dios chakirachisqanta hinaspa Jordán mayupa waklaw chimpanpi kaq amorreokunapa reynin Sehontawan Ogta pasaypaqta vencerusqaykichiktapas.