Números 23:21 - CHUYA QELLQA La Biblia en Quechua de Ayacucho 2012

²¹ Jacobpa mirayninkunataqa manam pipas huchayuqmi ninmanchu, Israel runakunataqa manam pipas mana allin ruwaqkunam ninmanchu. Tayta Diosmi paykunawan kachkan, reyninkuta hinam paykunapas hatunchanku.

Quechua Ayacucho Bible 1987

²¹ Jacobpa mirayninkunataqa manam pipas huchayoqmi ninmanchu. Israel casta runakunataqa manam pipas mana allin ruraqmi ninmanchu. Yupaychasqanku Tayta Diosqa paykunawanmi kachkan. Reyninkuta hinam paykunaqa payta alabachkan.

Chuya Qellqa 1992

²¹ Jacobpa mirayninkunataqa manam pipas huchayuqmi ninmanchu, Israel runakunataqa manam pipas mana allin ruwaqkunam ninmanchu. Tayta Diosmi paykunawan kachkan, reyninkuta hinam paykunapas hatunchanku.

Números 23:21 Iomraidhean Croise

2~Crónicas 13:12

Chaynaqa, yachaychikyá, Diosniykuqa kamachiqniyku hinam ñoqaykuwan kachkan, trompeta tocaq sacerdotekunapas ñoqaykuwantaqmi kachkan qamkunapa contraykichikpi tocanankupaq. Chaynaqa, Israelpa mirayninkuna, ñawpaq taytaykichikpa Diosninpa contranpiqa amayá peleaychikchu, manam imaynata ruwaspapas venceyta atiwaqchikchu, nispa.

Éxodo 13:21

Punchawmi Tayta Dios paykunapa ñawpaqninta sayanpa puyupi rirqa, tutañataqmi achkinanpaq sayanpa ninapi rirqa, chaynapi tutapas punchawpas rinankupaq.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 34:9

hinaspam nirqa: Señorlláy, cheqaptapuni kuyawaspaykiqa ñoqaykuwanyá riy. Señorlláy, llaqtaykiqa rumi sonqo runakunam, mana allin ruwasqaykutawan huchaykuta pampachaykuspayá runaykikunapaqña chaskiykullawayku, nispa.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 33:21

Llimparistin kallpaq ancho mayukunapa huntarisqanmi kanqa, kaspimanta qachinayuq barcokunapas manam chaynintaqa rinqachu, hatun barcokunapas manam chaynintaqa riyta atinqachu. Chaypim Tukuy Atiyniyuq Tayta Dios ñoqanchikwan kanqa.

Isaías 33:22

Tayta Diosmi juezninchikpas, decretokuna qowaqninchikpas, Tayta Diosmi reyninchikpas, payllataqmi salvaqninchikpas.

Isaías 38:17

Llumpay llakiymi kusikuymanña tikrakurun, qamqa kuyawaspaykim wañuchiqniy pozomanta hurqoykuwarqanki, tukuy huchaykunatam pampachaykunki.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 8:10

Tanteanakusqaykichikpas manam ruwasqachu kanqa, rimanakuptikichikpas manam cumplikunqachu, ñoqaykuwan Tayta Dios kasqanrayku.

Jeremías 50:20

Ñoqa Tayta Diosmi kaynata nini: Chay punchawkunapiqa, Israel nacionpa mana allin ruwasqankuta maskaspankupas manam tarinqakuñachu, Judá nacionpa huchankunata maskaspankupas manam tarinqakuñachu. Puchuchisqay runakunapa huchantam ñoqa pampachasaq, nispa.

Ezequiel 48:35

Chay llaqtapa muyuriqninpi murallam kanqa isqon kilómetro sayayniyuq. Chay punchawmantam chay llaqtapa sutin kanqa: “Jehová-sama”.

Joel 2:27

Chaynapim yachankichik Israel nacionpa chawpinpi kasqayta, ñoqallam Diosnikichikqa kani, ñoqamanta hukqa manam pipas kanchu. Manañam haykapipas penqaypiqa kankichikñachu.

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Números 14:18

“Ñoqa Tayta Diosqa mana chaylla piñakuqmi hinaspa ancha hatun kuyakuqmi kani. Ñoqaqa mana allin ruwaqtapas, mana kasukuqtapas pampachanim, huchayuq runatam ichaqa castigani tayta-mamakunamanta qallaykuspa willkanpa willkankunakama”, nispayki.

Números 14:19

Chaynaqa, Diosnilláy, hatun kuyapayakuynikiman hina kay runakunata mana allin ruwasqankumanta pampachaykuy, imaynam Egipto nacionmanta kunankama pampachasqaykita hina, nispa.

Números 16:3

Paykunam huñunakuruspanku Moisespa hinaspa Aaronpa contranpi kaynata nirqaku: ¡Qamkunapa munaychakuynikichikqa kaykamallayá kachun! Diosqa kay runakunataqa llapallantam sapaqcharqa, Tayta Diospas llapanchikwanmi kachkan. ¿Chaynaqa, imanasqataq qamkunalla Tayta Diospa llaqtanpi munaychakuchkankichik? nispanku.

Números 9:22

Sichum chay puyu Diospa yachanan carpapa hawanpi iskay punchawpas, huk killapas otaq huk watapas hina-llapi kaptinqa, Israelpa mirayninkunapas maymi samasqallankupim kaqku. Hoqarikuruptinmi ichaqa paykunapas chaylla pasaqku.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Romanos 6:14

¡Amayá huchaqa qamkunapiqa munaychakuchunchu! Qamkunaqa manañam leyman hinañachu kawsachkankichik, aswanqa Diospa kuyakuyninman hinañam.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

2~Corintios 2:14

Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin.

2~Corintios 5:19

Diosmi Cristopi kachkarqa kay pachapi runakunata mana huchayuqpaqña hapispa kikinwan allinyanachinanpaq. Paymi kamachiwarqanchik allinyanakuymanta willakunanchikpaq.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Deuteronomio 31:23

Nunpa churin Josueyta kamachispanmi Tayta Dios kaynata nirqa: Kallpanchakuspa qarinchakuy, qanmi jurasqay allpaman Israelpa mirayninkunata pusanki, ñoqam qanwan kasaq, nispa.

Deuteronomio 32:5

Millakuypaq huchasapa runakuna, Tayta Diosta piñachiq runakuna, manam qamkunaqa churinchu kankichik.

Deuteronomio 33:5

Jesurún llaqtapim huk rey munaychakurqa, Israel ayllukunawan kamachiqninkuna huñunakuptinkum munaychakurqa.

Deuteronomio 9:24

Qamkunaqa reqsisqay punchawmantapunim Tayta Diosta mana kasukuq runakuna karqankichik.

Jueces 6:13

Hinaptinmi Gedeón nirqa: Señorlláy, Tayta Dios ñoqaykuwan kaptinqa, ¿imanasqataq tukuy kaykunaqa pasawachkanku? ¿Maytaq ñawpaq taytaykupa admirakuypaq kaqkuna willawasqankuqa? Paykunam willakuqku “Tayta Diosmi Egipto nacionmanta hurqomuwarqanchik”, nispanku. Kunanñataqmi Tayta Diosqa saqeruwaspanku Madián castakunaman qoykuwanku, nispa.

1~Samuel 25:28

Ruegakuykitaqmi kay serviqllaykipa huchantapas pampachaykunaykipaq. Tayta Diosmi munaychakuq kaynikitapas takyachinqa chaynataq aylluykikunatapas. Qamqa Tayta Diospa rantinpim peleachkanki, chayraykum kawsanaykikamaqa ima mana allinpas mana pasasunkichu.