Números 23:19 - CHUYA QELLQA La Biblia en Quechua de Ayacucho 2012

¹⁹ Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Quechua Ayacucho Bible 1987

¹⁹ Diosqa manam runakuna hinachu. Manam payqa llullakunmanchu. Piensasqantapas manam cambianmanchu. Imapas rimasqantaqa ruranqapunim. Imapas nisqantaqa cumplinqapunim.

Chuya Qellqa 1992

¹⁹ Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Números 23:19 Iomraidhean Croise

Génesis 26:3

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisqayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Génesis 28:15

Ñoqam qanwan kachkani, mayman riptikipas waqaychasqaykim, hinaspam kay allpaman kutichimusqayki. Manam saqesqaykichu, nisqaykunataqa cumplisaqpunim, nispa.

1~Reyes 14:11

Llaqtapi wañuq aylluykikunapa ayantapas allqokunam mikunqa, campopi wañuqkunatañataqmi ullachkukuna mikunqa. Ñoqa Tayta Diosmi chaynata nini”, nispa.

2~Reyes 15:12

Chaynapim rey Jehuman Tayta Diospa nisqan cumplikurqa. Tayta Diosmi nirqa: Churikikunam Israel nacionpi willkaykipa willkankama munaychakunqa, nispa.

2~Reyes 7:2

Chaymi profeta Eliseota reypa yana-paqnin nirqa: Hanaq pachapa ventanankunataña Tay-ta Dios kichaykuptinpas manam chay nisqaykiqa cumplikunmanchu, nispa. Hinaptinmi Eliseo nirqa: Qamqa rikunkim ichaqa manam mikun-kichu, nispa.

1~Crónicas 17:17

Diosnilláy, chaypas asllapaq rikchakapusuptikim kay serviqnikipa miraynin imaynam kananmantapas rimariykuwanki, Dios Taytalláy, ancha reqsisqa runatapas hinaraqmi qawaykullawanki.

Isaías 21:17

Cedar castamanta flechawan peleaq tropakunapas aschallañam puchurunqa, nispa. Tukuy Atiyniyuq Tayta Diosmi chaynata nin.

Isaías 31:2

Diosqa ancha yachayniyuqmi, sasachakuytaqa apamunqapunim, rimasqantaqa ruwanqam. Mana allin ruwaqpa aylluntam yanapaqninkunatawan kuskata chinkarachinqa.

Isaías 40:8

Qoraqa chakiruqllam, waytapas wichiruqllam, Diosninchikpa palabranmi ichaqa wiña-wiñaypaq takyan.

Isaías 46:11

Intipa qespimunan lawpi kaq runatam qayaruni, payqa anka hinam karumantaraq hamunqa, ñoqapa munasqaytam ruwanqa. Rimasqayman hinam ruwasaq, Tanteasqayman hinam ruwasaq.

Isaías 55:11

chaynam simiymanta lloqsiq palabraykunapas, manam yanqapaqchu willakusqa kanqa, aswanqa munasqaytam ruwanqa, munasqayman hinam kamachisqayta ruwanqa.

Jeremías 4:28

Chaynapim kay pachapas llakipi tarikunqa, cielokunapas tutayanqa. Rimasqaymantaqa manam pesakusaqchu, ruwanaypaq tanteasqaymantaqa manam qepaman kutisaqchu.

Daniel 4:28

Rey Nabucodonosorman willas-qanman hinam cumplikururqa.

Oseas 11:9

Manam imatapas ruwasaq sinchi piñakuyniyman hinachu Efraintapas kaqmantaqa manam chinkachisaqñachu, ñoqaqa Diosmi kani manam runachu, ñoqaqa chawpikichikpi kaq Chuya Diosmi kani; qamkunamanqa manam piñakuywanchu hamusaq.

Miqueas 7:20

Amayá qonqaruychu Jacobman prometesqaykitapas, nitaq Abrahampaq kuyapayakuynikitapas, chaynatam taytaykuman ñawpaqmantaraq jurarqanki.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Malaquías 3:6

Ñoqa Tayta Diosqa hina kaqllam kani; chayraykum Jacobpa miraynin-kuna mana paqwaypaqchu chinkarunkichik.

Números 14:35

Ñoqa Tayta Diosmi nini: Chaynatapunim ruwasaq contraypi huñunakuq mana allin runakunataqa. Kay chunniqpim wañunqaku, kaypitaqmi puchukanqakupas, nispa.

Números 23:18

Chaymi Balaam kaynata profetizarqa: ¡Yaw Balac, hatariy! ¡Yaw Ziporpa churin, nisqayta uyariy!

Lucas 21:33

Hanaq pachawan kay pachapas tukunqam, palabraykunam ichaqa wiñaypaq takyanqa.

Romanos 11:29

Diosqa kuyakuynin qowasqanchiktaqa manam kutichikunmanchu, nitaqmi qayakuynintapas qechuwachwanchu.

Romanos 9:6

Amayá piensaychikchu Diospa promesankuna mana cumplikusqantaqa, Israelmanta miramuqkunapas manam lliwchu israelitakuna,

2~Timoteo 2:13

sichum payta qepanchakurusun, paymi ichaqa mana qepanchakuwasunchu, payqa imam nisqantapas manam negakunmanchu.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

Hebreos 7:21

Cristom ichaqa juramentoman hina churasqa karqa, paymantam Qellqapas kaynata nin: Señormi kaynata juramentarqa, “Qamqa wiñaypaq sacerdotem kanki”, nispa. Chay jurasqanmantaqa manam qepamanqa kutinqachu.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

Santiago 4:5

Manam yanqachu Qellqaqa nin: “Ñoqanchikpi kawsaq Diospa Espi-ritunmi llumpa-llumpayta nanachikuwanchik”, nispa.

Josué 21:45

Tayta Diosqa Israelpa mirayninkunaman prometesqantaqa lliwtam cumplirqa.

1~Samuel 15:29

Israelpa Tukuy Atiyniyuq Diosninqa manam llullakunchu, manataqmi imamantapas ñakakunmanchu, payqa manam runachu wanakunanpaqa, nispa.

1~Samuel 3:12

Chay punchawpim cumplisaq sacerdote Eliyman ayllunkunamanta tukuy ima nisqayta.