Números 22:6 - CHUYA QELLQA La Biblia en Quechua de Ayacucho 2012

⁶ Chaylla hamuspa kay runakunata ñakaykapuway, paykunaqa ñoqamanta aswan atiyniyuq runakunam. Ñakaykuptikiqa ichapas ven-ceruspay allpaymanta qarqoruyman. Ñoqaqa yachanim pitapas bendeciptikiqa bendecisqa kasqanta chaynataq ñakaykuptikipas ñakasqa kasqanta, nispa.

Quechua Ayacucho Bible 1987

⁶ Chaylla hamuspaykiyá kay runakunata ñakaykapuway, paykunaqariki ñoqamantaqa aswan atiyniyoqmi kachkanku. Ichapas ñakaykuptikiqa venceruspay allpaymanta qarqoruyman. Ñoqaqariki yachanim pipaqpas mañakuptikiqa bendecisqa kasqanta chaynataq ñakaykuptikipas ñakasqa kasqanta —nispa.

Chuya Qellqa 1992

⁶ Chaylla hamuspa kay runakunata ñakaykapuway, paykunaqa ñoqamanta aswan atiyniyuq runakunam. Ñakaykuptikiqa ichapas venceruspay allpaymanta qarqoruyman. Ñoqaqa yachanim pitapas bendeciptikiqa bendecisqa kasqanta chaynataq ñakaykuptikipas ñakasqa kasqanta, nispa.

Números 22:6 Iomraidhean Croise

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Génesis 27:29

Nacionkunam qamta servisunki, llapa runakunam qayllaykipi kumuykunqaku. Aylluykikunapim munaychakunki, aylluykikunapa mirayninkunam ñawpaqnikipi kumuykunqaku. Ñakasuqnikikuna ñakasqa kachun, bendecisuqnikikuna bendecisqa kachun, nispa.

1~Reyes 22:13

Qayamunanpaq riq runañataqmi Micaiasta nirqa: Llapa profetakunaqa lliwpas allinllatam reyman willachkanku. Chaynaqa, ama hina kaspayá qampas paykuna hina allinllata nimuy, nispa.

1~Reyes 22:6

Chaymi Israelpa reynin, yaqa tawa pachak profetakunata huñurachirqa, hinaspam tapurqa: ¿Risaqchu Galaad lawpi Ramot llaqtapa contranpi peleaq icha manachu? nispa. Hinaptinmi paykunañataq nirqaku: Arí, riypuni, Tayta Diosmi makikiman churamunqa, nispanku.

1~Reyes 22:8

Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

Nehemías 13:2

Chaynaqa, karqa, Israelpa mirayninkuna Egiptomanta lloqsimuptinku, mikuywan, yakuwan mana chaskisqanraykum, aswanqa Balaamman pagaruspankum Israelpa mirayninkunata ñakachirqaku. Diosmi ichaqa chay ñakachisqanta bendicionman tikrarurqa.

Proverbios 26:2

Imaynam pichinchu llutanpi pawan, imaynam wayanakuy muyun, chaynam yanqamantaqa ñakaypas mana pimanpas chayanqachu.

Ezequiel 13:6

Visionkuna rikusqankupas manam cheqapchu, profetizasqankupas llullam. Paykunaqa mana kachamuchkaptiymi “Tayta Diosmi kaynata nin” nispankuraq rimankupas, hinaspam imam rimasqanku cumplikunanta suyanku.

Miqueas 6:5

Llaqtalláy, kunanyá yuyariy Moab nacionpa reynin Balac consejaptin Beorpa churin Balaampa imam kutichisqanta. Yuyariyá Sitim lawmanta Gilgalman risqaykita, hinaspayá atiyniywan yanapasqayta reqsikuy, nispa.

Números 22:12

Hinaptinmi Balaamta Tayta Dios nirqa: Paykunawanqa ama riychu, amataq chay runakunatapas ñakamuychu. Paykunaqa ñoqapa bendecisqay runaykunam, nispa.

Números 22:17

ñoqaqa ancha reqsisqatam ruwasqayki, imam mañawasqaykitam ruwasaq. Hamuspayki kay runakunata ñakay-kapuway, nispanku.

Números 23:13

Rey Balacñataqmi nirqa: Huklawman hakuchik, chaymantaqa manam lliw Israel runakunapa campamentontachu rikunki aswanqa wakillantam, chaynapi ñakaykapamuwanaykipaq, nispa.

Números 23:27

Chaymi rey Balac nirqa: Huklawman hakuchik, ichapas Dios munanman chaymanta ñakaykapuwanaykita, nispa.

Números 24:9

Israelqa león hinaraqmi kurkuykunpas, china león hinaraqmi waqtapanpas, ¿pitaq rikchachiyta atinman? ¡Bendecisuqnikikuna bendecisqa kachun! ¡Ñakasuqnikikuna ñakasqa kachun! nispa.

Hechos 16:16

Huk punchawmi Diosta mañakuna sitioman richkaspayku, adivinaq espirituyuq sipaswan tuparurqaniku. Payqa adivinaspanmi patronninkunata achka qollqeta ganachiq.

Deuteronomio 23:4

Paykunaqa Egipto nacionmanta lloqsimuspa allpanku waqtanta pasamuptikichikpas manam yakullankuwanpas nitaq mikuyllankuwanpas taripamusurqankichikchu. Aswanraqmi Mesopotamia law Petor llaqtamanta hamuq Beorpa churin Balaamman ñakasunaykichikpaq pagarqaku.

Josué 24:9

Chaymantam Ziporpa churin Moabpa reynin Balac qamkunapa con-traykichikpi peleaspan Beorpa chu-rin Balaamta ñakasunaykichikpaq qaya-chimurqa.

1~Samuel 17:43

Hinaspanmi Davidta nirqa: ¿Ñoqaqa allqochu karqani kaspiwan hamuwanaykipaq? nispa. Chaynata niruspanmi diosninkunapa sutinpi Davidta ñakaspan