Números 21:34 - CHUYA QELLQA La Biblia en Quechua de Ayacucho 2012

³⁴ Hinaptinmi Moisesta Tayta Dios nirqa: Ama manchakuychu, chay reytaqa runantinkunatam qanman qoykusqayki. Hesbón llaqtapi yachaq amorreokunapa reynin Sehonta hinam rey Ogtapas ruwanki, nispa.

Quechua Ayacucho Bible 1987

³⁴ Hinaptinmi Moisesta Tayta Dios nirqa: —Ama paytaqa manchakuychu. Qanmanmi qoykusqayki chay reytaqa, qosqaykitaqmi runankunatapas allpantinta. Hesbon llaqtapi *f**yachaq Amor casta runakunapa reynin Sehonta hinam chay Rey Ogtapas ruranki —nispa.

Chuya Qellqa 1992

³⁴ Hinaptinmi Moisesta Tayta Dios nirqa: Ama manchakuychu, chay reytaqa runantinkunatam qanman qoykusqayki. Hesbón llaqtapi yachaq amorreokunapa reynin Sehonta hinam rey Ogtapas ruwanki, nispa.

Números 21:34 Iomraidhean Croise

2~Samuel 5:19

Hinaptinmi Tayta Diosta David tapurqa: ¿Risaqchu filisteokunapa contranpi? ¿Paykunataqa vencechimuwankichu? nispa. Chaymi Tayta Dios nirqa: Riypuni, filisteokunataqa makikimanmi churamusaq, nispa.

1~Reyes 20:13

Ichaqa Israel nacionpa reynin Acabmanmi huk profeta asuykuspan nirqa: Tayta Diosmi kaynata nin: ¿Rikuch-kankichum kay nana-nanaq runakunata? Kunanmi makikiman churasaq Tayta Dios kasqayta yachanaykipaq, nispa.

1~Reyes 20:28

Tayta Diospa profetan hamuspanmi Israel nacionpa reyninta nirqa: Siria runakunam nichkanku: “Tayta Diosqa orqokunapi diosmi, manam qechwapi dioschu” nispanku, aswanqa ñoqam wak nana-nanaq runakunata makikiman churasaq chaynapim yachankichik Tayta Dios kasqayta, nispa.

2~Reyes 3:18

Chaykunaqa Tayta Diospaqqa mana kaq hinallam, payqa moabitakunatapas makikichikmanmi churamunqa.

Isaías 41:13

Ñoqa Tayta Diosmi, Diosnikichik kani, alleq makikichikmanta hapiqnikichikmi kaynata nikichik: “Ama manchakuychikchu, ñoqam yanapasqaykichik”, nispa.

Números 14:9

Chaynaqa, ama Tayta Diospa contranpi hatariychikchu, nitaq chay allpapi runakunatapas manchakuychikchu, paykunataqa manam pipas yanapanchu, ñoqanchikwanmi ichaqa Tayta Dios kachkan, tantata mikuchkaq hinallam vencerusunchik, nispanku.

Números 32:4

allpakunatam Tayta Dios qechuruspan Israelpa mirayninkunaman qoykurqa. Chay allpakunaqa animalkuna uywa-napaqpas allinmi; ñoqaykuqa achkallaña animalniyuqmi kaniku.

Deuteronomio 2:30

Ichaqa Hesbón llaqtapa reynin Sehonmi allpan pasananchikta mana munarqachu. Señorninchik Tayta Diosmi paytaqa pasaypaq rumi sonqota ruwarurqa, chaynapim ñoqanchikmanña qoykuwarqanchik.

Deuteronomio 20:3

ninqa: “Israelpa mirayninkuna uyariychik, kunanmi enemigoykichikwan peleamunkichik. Ama hukmanyaychikchu nitaq manchakuychikchu. Amataq paykunapa qayllanpiqa katkatataychikchu.

Deuteronomio 3:1

Chaymantam huklaw ñannintaña Basán lawman hamurqanchik, chaymi rey Og llapallan tropankunapiwan Edrei llaqta lawpi peleananchikpaq lloqsimurqa.

Deuteronomio 3:11

(Refaitakunamantaqa Basán nacionpa reynin Ogllañam puchururqa. Paypa catrenmi fierromanta tawa metro sayayniyuq hinaspa yaqa iskay metro anchoyuq karqa. Amonpa mirayninkunapa Rabá llaqtanpim chay catreqa hinallaraq kachkan).

Deuteronomio 31:6

Chaynaqa, kallpanchakuspa qarinchakuychik. Ama paykunata manchakuychikchu, amataq katkatataychikchu; Señornikichik Tayta Diosmi qamkunawan richkan, manam payqa saqerusunkichikchu nitaqmi qonqasunkichikchu.

Deuteronomio 7:17

Ichapas qamkuna niwaqchik: “Kay nacionkunaqa ñoqanchikmantapas aswan achkam ¿imaynataqsi qarqoyta atichwan?” nispaykichik.

Deuteronomio 7:18

Chaywanpas amam paykunataqa manchakunkichikchu. Rey Faraonwan chaynataq Egipto runakunawan Señor-nikichik Tayta Diospa tukuy ima ruwasqantam yuyarinkichik.

Deuteronomio 7:21

Paykunapa qayllanpiqa ama katkatataychikchu. Qamkunawan kaq Señornikichik Tayta Diosmi manchakuypaq hatu-hatun Diosqa.

Deuteronomio 7:24

Reyninkunatapas makikichikman churaykamuptinmi paykunapi munaychakunkichik. Wañuchispaykichikmi sutinkutapas chinkachinkichik kay pachapi manaña pipas yuyanankama. Manam pipas qamkunawan peleaspaqa vencesunkichikchu, aswanqa qamkunam chinkachinkichik.

Josué 10:25

Josueyñataqmi nirqa: Ama manchakuychikchu nitaq hukmanyaychikchu. Kallpanchakuspa qarinchakuychik. Kaynatam Tayta Dios ruwanqa contraykichikpi peleaq llapallan enemigoykichikta, nispa.

Josué 10:8

Hinaptinmi Josueyta Tayta Dios nirqa: Ama manchakuychu, paykunataqa ñoqam makikiman churasaq. Manam mayqanninpas qanwan peleaytaqa atinqakuchu, nispa.

Josué 8:7

Qamkunañataqmi pakakusqaykichikmanta lloqsiramuspa llaqtaman yaykurunkichik, Diosninchik-mi makikichikman churamunqa.

Jueces 11:30

Chaypim Tayta Diosman Jefté kaynata prometekurqa: Sichum amonitakunata makiyman churaykuptikiqa,

1~Samuel 23:4

Chaymi huktawan Tayta Diosta David tapurqa. Tayta Diosñataqmi nirqa: “Keila llaqtaman riy, filisteokunataqa ñoqam makikiman churasaq, nispa”.