Números 21:33 - CHUYA QELLQA La Biblia en Quechua de Ayacucho 2012

³³ Chaymantam Basán lawman kutichkaptinku Basán nacionpa reynin Og llapallan tropankunapiwan lloqsimurqa Edrei lawpi Israelpa mirayninkunawan peleananpaq.

Quechua Ayacucho Bible 1987

³³ Chaymantam muyumurqaku Basan nacion lawman rinankupaq. Chaylawman richkaptinkum Basan nacionpa reynin Og llapallan tropankunapiwan lloqsimurqaku Edrei llaqta lawpi Israelpa mirayninkunawan peleananpaq.

Chuya Qellqa 1992

³³ Chaymantam Basán lawman kutichkaptinku Basán nacionpa reynin Og llapallan tropankunapiwan lloqsimurqa Edrei lawpi Israelpa mirayninkunawan peleananpaq.

Números 21:33 Iomraidhean Croise

Isaías 33:9

Kay allpam llakipi tarikun, Líbano orqopi sachakunam chakiruspan penqaypi rikurirun, Saronpas chunniqñam kachkan, Basanpiwan Carmelo orqopi sachakunapas mana rapiyuqñam kachkan.

Ezequiel 27:6

Basán lawpi encina sachakunamantam yaku qachina kaspikikunatapas ruwarqaku, Chipre law lamar qochapa patanpi ciprés sachakunamantam tapaqniki tablakunatapas ruwarqaku, marfilwan adornasqatam ruwasurqanki.

Ezequiel 39:18

Allinnin qari-qari soldadokunapa aychantam mikunkichik, kay pachapi kamachikuqkunapa yawarnintam tomankichik; paykunaqa rikchakunku allin cebasqa carnerokunamanraqmi, malta carnerokunamanraqmi, chivatokunamanraqmi hinaspa Basán lawpi poqosqa torokunamanraqmi.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Números 32:33

Chaynapim Gadpa mirayninman, Rubenpa mirayninman chaynataq Joseypa churin Manasespa wakin mirayninman Moisés qorqa amorreokunapa reynin Sehonpa allpanta chaynataq Basán nacionpa reynin Ogpa allpanpa muyuriqninpi llaqtakunata.

Deuteronomio 1:4

Chaykunataqa willarqa amorreokunapa reynin Hesbón llaqtayuq Sehonta chaynataq Basán nacionpa reynin Ogta venceruspanñam. Rey Ogqa Edrei llaqtapiwan Astarot llaqtapim munaychakurqa.

Deuteronomio 2:30

Ichaqa Hesbón llaqtapa reynin Sehonmi allpan pasananchikta mana munarqachu. Señorninchik Tayta Diosmi paytaqa pasaypaq rumi sonqota ruwarurqa, chaynapim ñoqanchikmanña qoykuwarqanchik.

Deuteronomio 29:7

Kay allpaman chayaramuptinchik-ñataqmi, Hesbón llaqtapi yachaq rey Sehón hinaspa Basán law allpapa reynin Og ñoqanchikwan peleanankupaq lloqsimurqaku, ichaqa paykunatam vencerurqanchik.

Deuteronomio 32:14

Vacakunamanta lecheta hurqospam lluklluta mikuchirqa, allinnin malta carnerokunatawan, Basán lawpi carnerokunata, allinnin chivatokunatam mikuchirqa. Allinnin trigotam mikuchirqa, uvaspa weqenmanta vinotam tomachirqa.

Deuteronomio 4:47

Hinaspam rey Sehonpa allpanta chaynataq Basán lawpi rey Ogpa allpantapas hapikuykurqaku. Chay iskay reykunam amorreokunapa reyninku karqaku, Jordán mayupa chimpan intipa qespimunan lawpim paykunaqa yacharqaku.

Josué 12:4

Basanpa reynin Refaimpa miraynin Og. Payqa Astarot llaqtapi hinaspa Edrei llaqtapim yacharqa.

Josué 13:12

chaynallataq Basán llaqtapa reynin Ogpa allpankunatapas. Refaimpa miraynin Ogmi munaychakurqa Astarot llaqtapiwan Edrei llaqtapi. Paykunatam Moisés venceruspan allpankumanta qarqorurqa.

Josué 13:30

Paykunapa allpanmi karqa Mahanaim llaqtamanta qallarispa Basán lawpi munaychakuq rey Ogpa allpankunakama hinaspa Jair castakunapa yachasqan soqta chunka llaqtakunapas.

Josué 9:10

Jordán mayupa waklaw chimpanpi kaq amorreokunapa iskaynin reyninkunata, Hesbonpa reynin Sehontapas chaynataq Basanpa reynin Astarot lawpi yachaq Ogta imatam ruwasqantapas.