Números 21:29 - CHUYA QELLQA La Biblia en Quechua de Ayacucho 2012

²⁹ ¡Ay, Moab runakuna, Quemos idolopa runankuna! Chinkachisqañam kachkankichik. Quemos idolom qari churikichiktapas lluptirachin, Quemos idolom warmi churikichiktapas presocharachin. Amorreokunapa reynin Sehonwanmi chaynata ruwarachin.

Quechua Ayacucho Bible 1987

²⁹ Yaw Moab nacion runakuna, ¡qamkunaqa imallapiraq rikukunkichik! Quemos sutiyoq diospa runankuna, qamkunaqa chinkachisqañam kachkankichik. Quemos diosmi qari churikichiktapas lluptirachin. Quemos diosmi warmi churikichiktapas presocharachin. Amor casta runakunapa reynin Sehonwanmi chaynata rurarachin.

Chuya Qellqa 1992

²⁹ ¡Ay, Moab runakuna, Quemos idolopa runankuna! Chinkachisqañam kachkankichik. Quemos idolom qari churikichiktapas lluptirachin, Quemos idolom warmi churikichiktapas presocharachin. Amorreokunapa reynin Sehonwanmi chaynata ruwarachin.

Números 21:29 Iomraidhean Croise

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:7

Hinaspanmi Jerusalenpa chimpan moqopi huk capillata ruwarachirqa Moab castakunapa yupaychanan millakuypaq Quemos idolopaq chaynataq Amonpa yupaychasqan millakuypaq Moloc idolopaqpas.

2~Reyes 23:13

Tuñichirqataqmi Jerusalenmanta intipa qespimunan lawninpi, Olivos moqopa sur lawninpi tarikuq capillakunatapas. Chaykunatam Israelpa reynin Salomón hatarichirqa Sidón llaqtapa millakuypaq Astoret idolonkupaq, moabitakunapa cheqnipay Quemos idolonkupaq chaynataq amonitakunapa millakuypaq Milcom idolonkupaqpas.

Isaías 15:5

Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Isaías 16:2

Imaynam qesanmanta mancharichisqa urpikuna pawanku, chaynam Moab llaqtapi warmikunapas Arnón mayu patanpi muyuchkanku.

Jeremías 48:13

Moab nacionmi Quemos sutiyuq idolonmanta penqakunqa, imaynam Israelpas hapipakusqan Bet-elmanta penqakusqanta hina.

Jeremías 48:45

Wakin runam mana kallpayuqña lluptirunku, Hesbón llaqtapi amparakunankupaqmi lluptirunku; ichaqa Hesbón llaqtamantam nina lloqsiramun, Sehón llaqtanmantam lenwachkaq nina lloqsiramun, Moab naciontam kuchun-kuchun ruparun, chaqwakuq llaqtatam uma puyukninkama ruparun.

Jeremías 48:46

¡Ay, Moab nación! Quemos sutiyuq idolota yupaychaq nación, ¡imaynaraq kanki! Qari churikikunatawan warmi churikikunatam presota aparunku.

Jeremías 48:7

Moab runakuna qamkunaqa kallpaykichikpiwan qori-qollqekichikpim hapipakurqankichik, ichaqa qamkunapas pasaypaq vencesqam kankichik. Quemos sutiyuq idoloykichikpas, llapa sacerdotenkunawan hinaspa ancha reqsisqa runakunawan kuskam preso apasqa kanqaku.

Números 24:17

Rikuchkanim, ichaqa manam kunan kaqtachu, qawachkanim ichaqa manam hichpallapi kaqtachu: Jacobpa mirayninmantam huk chaska lloqsimunqa, Israel ayllumantam munaychakuq Rey hatarimunqa, Moab runakunapa umantam taqñunqa, Setpa mirayninkunatam chinkachinqa.

Jueces 11:24

Quemos diosnikipa qosusqaykiqa, ¿manachum qampaña? Chaynam ñoqaykuman Tayta Diospa qowasqankupas ñoqaykupaña.