Números 21:24 - CHUYA QELLQA La Biblia en Quechua de Ayacucho 2012

²⁴ Ichaqa Israelpa mirayninkunam kutichikuspanku vencerurqaku, hinaspam Arnón mayumanta qallaykuspa Jaboc mayukama otaq amonitakunapa allpanpa tukupayninkama hapikuykurqaku; amonitakunapa linderonqa mana pasay atinam karqa.

Quechua Ayacucho Bible 1987

²⁴ Israelpa mirayninkunañataqmi peleaspanku vencerurqaku hinaspam allpankuta dueñochakuykurqaku Arnon Mayumanta qallaykuspa Jaboc Mayukama otaq Amon casta runakunapa linderonkama, chay Amon casta runakunapa linderonqa mana pasay atinam karqa.

Chuya Qellqa 1992

²⁴ Ichaqa Israelpa mirayninkunam kutichikuspanku vencerurqaku, hinaspam Arnón mayumanta qallaykuspa Jaboc mayukama otaq amonitakunapa allpanpa tukupayninkama hapikuykurqaku; amonitakunapa linderonqa mana pasay atinam karqa.

Números 21:24 Iomraidhean Croise

Génesis 32:22

Hina chay tutallam Jacobqa iskaynin warminkunata, iskaynin criadankunata, chunka hukniyuq churinkunata hatarichispa Jaboc mayupa vadonta chimparachirqa.

Nehemías 9:22

Nacionkunata llaqtakunatam qorqanki, sapa ayllumanmi allpankuta qorqanki. Chaynapim Hesbonpa reynin Sehonpa munaychakusqan allpatapas, chaynataq Basanpa reynin Ogpa munaychakusqan allpatapas hapikuykurqaku.

Amós 2:9

Israel llaqta, ñoqam qamkunata Egiptomanta hurqomurqaykichik, hinaspaymi mana imapa kanan chunniqninta tawa chunka wata pusamurqaykichik. Ñawpaqnikichikpim Amor casta runakunatapas, encina sacha hina allin poqosqa kachkaptinkupas, cedro hina sayayniyuqña kachkaptinkupas, sapinmanta chinkarachispay munaychakunaykichikpaq allpantapas qorqaykichik.

Números 21:13

Chay wayqomanta pasaspankum Arnón mayupa waklawninpi samarurqaku. Chay mayum amorreokunapa allpanpa chunniq lawninmanta lloqsimuspan amorreokunapa allpanta moabitakunapa allpanmanta rakinan.

Deuteronomio 1:4

Chaykunataqa willarqa amorreokunapa reynin Hesbón llaqtayuq Sehonta chaynataq Basán nacionpa reynin Ogta venceruspanñam. Rey Ogqa Edrei llaqtapiwan Astarot llaqtapim munaychakurqa.

Deuteronomio 29:7

Kay allpaman chayaramuptinchik-ñataqmi, Hesbón llaqtapi yachaq rey Sehón hinaspa Basán law allpapa reynin Og ñoqanchikwan peleanankupaq lloqsimurqaku, ichaqa paykunatam vencerurqanchik.

Deuteronomio 3:16

Rubén ayllumanwan Gad ayllumanñataqmi allpata Galaad lawmanta qallarispa Arnón mayukama qorqani. Linderonmi karqa chay wayqomanta qallarispa amonitakunapa allpanwan tupaq Jaboc mayukama.

Deuteronomio 31:4

Señornikichik Tayta Diosmi chinkachinqa imaynam amorreokunapa reynin Sehonta, rey Ogta chaynataq nacionninkutapas chinkachisqanta hina.

Deuteronomio 4:46

Jordán mayupa intipa qespimunan lawninpi Bet-peor llaqtapa waqtan qechwapi, chay qechwaqa kachkan amorreokunapa reynin Sehonpa allpanpim. Rey Sehonqa Hesbón llaqtapim yacharqa, paytam vencerurqaku Moiseswan Israelpa mirayninkuna Egipto nacionmanta lloqsiramuspanku.

Josué 13:12

chaynallataq Basán llaqtapa reynin Ogpa allpankunatapas. Refaimpa miraynin Ogmi munaychakurqa Astarot llaqtapiwan Edrei llaqtapi. Paykunatam Moisés venceruspan allpankumanta qarqorurqa.

Josué 24:8

Chaymantam Jordán mayupa wak-lawninpi yachaq amorreokunapa allpanman pusarqaykichik. Paykunam qamkunapa contraykichikpi pelearqaku, ichaqa ñoqam vencechirqaykichik, chaymi allpankutapas hapikuykurqankichik. Qayllaykichikmantam paykunata chinkachirqani.

Josué 9:10

Jordán mayupa waklaw chimpanpi kaq amorreokunapa iskaynin reyninkunata, Hesbonpa reynin Sehontapas chaynataq Basanpa reynin Astarot lawpi yachaq Ogta imatam ruwasqantapas.

Jueces 10:11

Hinaptinmi Israelpa mirayninkunata Tayta Dios nirqa: Qamkunataqa Egipto nacionniyuq runakunapas amorreokunapas, amonitakunapas, filisteokunapas,

Jueces 11:13

Chaymi Jefteypa kachasqankunata Amonpa mirayninkunapa reynin nirqa: Ñoqaqa qamkunawan peleaqmi hamuchkani, Israel castakunam Egipto nacionmanta lloqsimuspa Arnón mayumanta Jaboc mayukama hinaspa Jordán mayukama allpaykuta hapikuykurqaku, chaynaqa kunanyá mana guerrallawan kutiykachipuwayku, nispa.

Jueces 21:8

Chaynaqa, ¿kachkanchu Israelpa mirayninkunamanta hukkaqnin ayllu Mizpa llaqtapi Tayta Diospa qayllanpi huñunakuyman mana hamuq? nispanku. Hinaspam yuyarirurqaku chay guerrapaq huñunakuyman Galaad lawpi kaq Jabes llaqtamanta mana mayqanninpas hamusqanta.