Números 20:8 - CHUYA QELLQA La Biblia en Quechua de Ayacucho 2012

⁸ Tawnata hapispa wawqeki Aaronwan runakunata huñuychik; hinaspa paykunapa qayllanpi yaku pawamunanpaq qaqata rimapayay, chaynapim qaqamanta lloqsimuq yakuta runakunapas chaynataq animalkunapas tomanqaku, nispa.

Quechua Ayacucho Bible 1987

⁸ —Tawnaykita hapispayá wawqeki Aaronwan huñuychik runakunata. Paykuna qawachkaptinmi qaqata rimapayanki yaku pawamunanpaq hinaptinmi chay qaqa rumimanta lloqsimuq yakuta runakuna tomanqaku chaynataq animalkunapas —nispa.

Chuya Qellqa 1992

⁸ Tawnata hapispa wawqeki Aaronwan runakunata huñuychik; hinaspa paykunapa qayllanpi yaku pawamunanpaq qaqata rimapayay, chaynapim qaqamanta lloqsimuq yakuta runakunapas chaynataq animalkunapas tomanqaku, nispa.

Números 20:8 Iomraidhean Croise

Génesis 18:14

¿Kanmanchu Diospaq imapas mana ruway atinan? Wataman kunan hinatam huktawan watukamusqayki, chaypaqqa Sarapas wawayuqñam kanqa, nispa.

Nehemías 9:15

Yarqaymanta kaptinkum cielomanta mikuyta qomurqanki, yakumanta kaptinkum qaqamanta yakuta hurqomurqanki, prometesqayki allpaman yaykunankupaqmi kamachirqanki.

Éxodo 14:16

Qamñataq tawnaykita hoqarispa lamar qocha kichakunanpaq haywariy; lamar qocha kichakuruptinmi Israel runakuna chaki allpanta pasanqaku.

Éxodo 17:9

Chaymi Josueyta Moisés nirqa: Ñoqanchikmanta qarikunata akllay hinaspa Amalec runakunawan peleanaykipaq lloqsiy. Paqarinmi Diospa tawnanta hapiykuspay orqopa puntanpi kasaq, nispa.

Éxodo 4:17

Chay tawnata apaspam señalkunata ruwanki, nispa.

Éxodo 4:2

Chaymi Tayta Dios nirqa: ¿Imataq makikipi kachkan? nispa. Moisesñataqmi nirqa: Tawnam, nispa.

Éxodo 4:20

Chaymi Moisesqa warmintawan churinkunata huk asnoman sillaykachispa Egipto nacionman kutikurqa, aparqataqmi Diospa varantapas.

Éxodo 7:20

Chaymi Tayta Diospa kamachisqanta hina Moiseswan Aarón ruwarqaku. Tawnanta hoqarispanmi Faraonwan serviqninkuna qawachkaptinku mayuta waqtarurqa, hinaptinmi Nilo mayupi yakukuna yawarman tikrakururqa.

Isaías 43:20

Purun animalkunam yupaychawanqaku, atoqkunawan avestruzkunam yupaychawanqaku; yakukunata chunniqpi pawachisqayrayku, mayukunata chaki allpapi kallpachisqayrayku. Chaytam akllakusqay llaqtayman yakuta tomachinaypaq ruwarqani.

Isaías 48:21

Paykunataqa chunniqninta pusaspapas manam yakumantaqa ñakarichirqachu; qaqamantam yakuta toqyachirqa, raqchita kicharispam achka yakuta lloqsichimurqa.

Números 20:11

Chaynata niruspanmi Moisesqa makinta altoman hoqarispan, tawnanwan iskaykama qaqata waqtarurqa, hinaptinmi achka yaku pawaramuptin runakunapas chaynataq animalkunapas tomarqaku.

Números 20:7

Hinaptinmi Moisesta Tayta Dios nirqa:

Números 21:15

Ar lawman riq mayu patantam rirqaniku, Moabpa linderontam pasarqaniku”, nispa.

Números 21:18

Kamachikuqkunam varankuwan toqorqaku, kamachiqkunam tawnankuwan kicharqaku, nispa. Chay chunniqmantam Israelpa mirayninkuna Matana lawkama rirqaku.

Mateo 21:21

Chaymi Jesusñataq nirqa: Cheqaptapunim nikichik, sichum iñispaykichik mana iskayrayaspaqa manam kay higos sachawan ruwas-qayta hinallachu ruwawaqchik, aswan-qa kay orqotapas niwaqchikmi: “Kay-manta suchuspa lamar qochaman wischukuykuy” nispaykichik, hinaptinqa chaynam kanman.

Lucas 11:13

Sichum qamkuna mana allin runakuna kachkaspa churikichikman allin kaqkunata qochkaptikichikqa, ¿mana-chum hanaq pachapi kaq Taytaykichikqa Chuya Espiritunta mañakuptikichikqa qoykusunkichikman? nispa.

Juan 16:24

Kunankamam sutiypiqa manaraq imatapas mañakurqankichikchu. Mañakuychikyá hinaspaqa chaskinkichikmi, chaynapim kusikuynikichik qespisqa kanqa.

Hechos 1:14

Paykunam llapanku huñunakuqku huk sonqolla Diosta mañakunankupaq. Chaypitaqmi kachkarqa Jesuspa wawqenkunapas, maman Mariapas chaynataq wakin warmikunapas.

Josué 6:20

Chaymi runakuna qaparirqaku, sacerdotekunapas cornetatam tocarqaku. Cornetapa waqasqanta uyarispanku llapa runakuna tukuy kallpankuwan qapariptinkum llaqtapa muyuriqninpi perqakuna tuñiykamurqa, hinaptinmi llaqtaman yaykuruspanku lliwta puchukarachirqaku.

Josué 6:5

Cornetata unay waqaqta uyariykuspaykichikmi, llapallaykichik tukuy kallpaykichikwan qaparinkichik, hinaptinmi llaqtapa muyuriqninpi perqakuna tuñiykunqa. Chayñam llaqtaman sapakama mana imata manchakuspa yaykunkichik, nispa.

Apocalipsis 22:1

Huk angelmi chuyay-chuyay mayuta qawaykachiwarqa, chay mayuqa kawsay yakum kasqa. Chay yakuqa kasqa cristal hina chuyay-chuyaymi, chayqa lloqsimusqa Diospa hinaspa Corderopa trononmantam.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.