Números 20:5 - CHUYA QELLQA La Biblia en Quechua de Ayacucho 2012

⁵ ¿Imapaqtaq Egiptomanta kay mana imapa kananman pusamuwarqankiku? Kaypiqa manam imatapas tarpuchwanchu. Manam higospas, uvaspas, granadapas nitaq yakupas tomanaykupaq kanchu, nispanku.

Quechua Ayacucho Bible 1987

⁵ ¿Imapaqtaq Egipto nacionmanta pusamuwarqankiku kay mana imapa kanan sitioman? Kaypiqa manam tarpuchwanchu imatapas. Manam kanchu higospas, uvaspas, granadapas nitaq tomanaykupaq yakupas —nispa.

Chuya Qellqa 1992

⁵ ¿Imapaqtaq Egiptomanta kay mana imapa kananman pusamuwarqankiku? Kaypiqa manam imatapas tarpuchwanchu. Manam higospas, uvaspas, granadapas nitaq yakupas tomanaykupaq kanchu, nispanku.

Números 20:5 Iomraidhean Croise

Nehemías 9:21

Tawa chunka watam chunniqpi mikuchirqanki, manam imamantapas pisichirqankichu, pachankupas manam mawkayarqachu, chakinkupas manam punkirqachu.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Ezequiel 20:36

Imaynam Egipto nacionpa chunniqninpi ñawpaq taytaykichikkunata juzgarqani, chaynam qamkunatapas juzgasqaykichik. Ñoqa Tayta Diosmi chaynata nini.

Números 16:14

¿Maytaq chay tukuy imapa kanan chaynataq tukuy imapa qespinan allpa? ¿Haykapitaq chakrakunatapas hinaspa uvas huertakunatapas qowankiku? ¿Ñawsakunata hinachu llapallaykuta pusaykachawankiku? ¡Manam qayllaykimanqa hamusaqkuchu! nispa.

Números 20:24

Aaronmi wañukuspan Israelpa miray-ninkunaman qosqay allpaman mana yaykunqachu, Meriba yakupa waqtanpi mana kasuwasqaykichikrayku.

Números 27:14

Zin chunniqpi llapa runakuna contraypi hatarispanku yakuta mañakuptinkum mana kasuwaspaykichik chuya kayniyta mana qawachirqankichikchu. Chaymi lloqsiq yakuta Meriba nispa suticharqaku, chayqa Cades lawpi Zin chunniqpim kachkan.

Deuteronomio 8:15

Paymi mana yakupa kanan manchakuypaq hatun chunniqninta, kachukuq maqta urukunapa kasqanta chaynataq atoq-atoqkunapa kasqan lawninkunata pusamusurqankichik. Yakutapas qaqa rumimanta toqyachimuspam tomachisurqankichik.