Números 20:24 - CHUYA QELLQA La Biblia en Quechua de Ayacucho 2012

²⁴ Aaronmi wañukuspan Israelpa miray-ninkunaman qosqay allpaman mana yaykunqachu, Meriba yakupa waqtanpi mana kasuwasqaykichikrayku.

Quechua Ayacucho Bible 1987

²⁴ —Aaronqa wañukuspam mana yaykunqachu Israelpa mirayninkunaman qosqay allpamanqa. Meriba lawpi yakuta qoptiy mana kasuwasqaykichikraykum payqa mana yaykunqachu.

Chuya Qellqa 1992

²⁴ Aaronmi wañukuspan Israelpa mirayninkunaman qosqay allpaman mana yaykunqachu, Meriba yakupa waqtanpi mana kasuwasqaykichikrayku.

Números 20:24 Iomraidhean Croise

Génesis 15:15

Qamñataqmi hawkayaypi unay watakunata kawsakunki, yuyaqyaynikipiña wañukuspam ñawpaq taytay-kikunapa kasqanman rinki.

Génesis 25:17

Ismaelmi pachak kimsa chunka qanchisniyuq watanpi wañukurqa, hinaspam ñawpaq taytankunaman huñukuykurqa.

Génesis 25:8

Abrahammi allin wañukuyta wañukurqa sinchi yuyaq kachkaspanña, hinaspam ñawpaq taytankunaman huñukuykurqa.

Génesis 35:29

Payqa sinchi yuyaqñam wañukurqa, hinaspam ñawpaq taytankunaman huñukuykurqa. Chaymi churinkuna, Esauwan Jacob pamparurqaku.

Génesis 49:29

Churinkunata kamachispanmi Jacob nirqa: Wañukuptiyqa ñawpaq taytaykunapa pampakusqanpim pampawankichik. Paykunaqa Het casta Efronpa chakranpi kaq machaypim pampakurqaku.

Génesis 49:33

Churinkunaman kamachikuykunata niykuspanmi, waqtapaykuspa Jacob wañukurqa, hinaspam ñawpaq taytankunapa kasqanman huñukuykurqa.

2~Crónicas 34:28

Chayraykum ñawpaq taytaykikuna hina wañukuspaqa hawkayaypim pampasqa kanki. Kay llaqtapa chaynataq runankunapa contranpi ñakariy apachimusqaytaqa manam rikunkichu, nispaykichik. Chaymi kutirispanku reyman chaynata willamurqaku.

Éxodo 17:7

Chay sitiotam “Meriba” nispa suticharqaku, Israelpa mirayninkuna chaypi atipanakusqankurayku. Suticharqakutaqmi “Masah” nispapas, Tayta Diosta chaypi tentasqankurayku. Paykunam nirqaku: “¿Ñoqanchikwanchu Tayta Dios kachkan icha manachu?” nispanku.

Números 20:26

Hinaspam Aaronpa sacerdote pa-chanta hurqospa churin Eleazartaña pachachinki. Chaypim Aarón wañukunqa, nispa.

Números 20:5

¿Imapaqtaq Egiptomanta kay mana imapa kananman pusamuwarqankiku? Kaypiqa manam imatapas tarpuchwanchu. Manam higospas, uvaspas, granadapas nitaq yakupas tomanaykupaq kanchu, nispanku.

Números 27:13

Chay allpata qawaykuspaykiñam wañukunki, hinaspam wawqeki Aaronpa hinaspa ñawpaq taytaykikunapa kasqanman rinki.

Números 31:2

Israelpa mirayninkunata kama-chiy madianitakunamanta vengakunan-kupaq, chaymantañam wañukunki, nispa.

Números 4:27

Aaronwan churinkunam Gersonpa mirayninkunata kamachinqaku imakunam ruwanankuta chaynataq imakunam apanankutapas. Paykunam tukuy chaykunata apas-panku nanachikunqaku.

Deuteronomio 32:50

Chay qespisqayki orqopim wañukunki, hinaspam ñawpaq taytaykikunapa kasqanman rinki, imaynam wawqeki Aaronpas Hor orqopi wañukuspan ñawpaq taytaykikunapa kasqanman risqanpi hina.

Deuteronomio 33:8

Leví ayllumantam kaynata nirqa: Dios Taytalláy, Tumim rumikiwan Urim rumikiyá qanman sonqoyuq runapaq kachun, paytam Masahpi pruebaman churarqanki, Meriba yakupa kasqanpim atipanakurqanki.

Josué 2:9

Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku.

Jueces 2:10

Josueypa wiñaymasinkunapas, ñawpaq taytanku hina wañukuptinkum paykunapa qepanta huk miraykunaña nacemurqa, paykunaqa manam Tayta Diosta reqsirqakuchu, nitaqmi Israelpa mirayninkunapaq Tayta Diospa imakunam ruwasqantapas yacharqakuchu.