Números 20:21 - CHUYA QELLQA La Biblia en Quechua de Ayacucho 2012

²¹ Allpan chawpinta pasanankuta mana munaptinmi Israelpa mirayninkunaqa huklaw ñannintaña pasarqaku.

Quechua Ayacucho Bible 1987

²¹ Allpanku hawan pasanankuta harkakuptinkum Israelpa mirayninkunaqa huklaw ñannintaña pasakurqaku.

Chuya Qellqa 1992

²¹ Allpan chawpinta pasanankuta mana munaptinmi Israelpa mirayninkunaqa huklaw ñannintaña pasarqaku.

Números 20:21 Iomraidhean Croise

2~Crónicas 20:10

Kunanmi Amonpa churinkuna, Moabpa mirayninkuna, Seir orqopi yachaqkuna, kaypiña kachkanku. Israel llaqtaykita Egiptomanta hurqomuspaykim paykunapa allpanta pasamunanta mana munarqankichu, chay llaqtakunata mana wañurachinankupaqmi llaqtaykita huklaw ñanninta pusarqanki.

Números 21:23

Rey Sehonmi ichaqa mana munarqachu allpanpa chawpinta Israelpa mirayninkuna pasananta, chaymi llapallan tropankunata huñuruspan chunniqman lloqsirqa, hinaspam Jahaza llaqtakama chayaruspan Israelpa mirayninkunapa contranpi pelearqa.

Números 21:4

Hor orqomantam Israel runakuna Puka lamar qocha lawman lloqsirqaku Edom nacionta muyunankupaq. Runakunañataqmi ñan risqankupi hukmanyarurqaku.

Deuteronomio 2:27

“Allpayki chawpintam pasaruyta munaniku. Mana mayman muyuspam ñanllanta pasarusaqku.

Deuteronomio 2:29

Seir orqopi yachaq Esaupa mirayninkuna chaynataq Ar llaqtapi yachaq moabitakuna hinayá qampas pasarachiwayku, Jordán mayuta chimparuspa Señorninchik Tayta Diospa qowananku allpaman chayarunaykukama”, nispanku.

Deuteronomio 23:7

Edomitakunatam ichaqa ama cheqninkichikchu, paykunaqa castaykichikmi. Egipto runakunatapas amataqmi cheqninkichikchu, paykunapa allpanpim qamkuna yacharqankichik.

Jueces 11:17

Chaymi Israel castakunaqa willakuqkunata kacharqaku edomitakunapa reyninta “allpayki ukuntayá pasarullasaqku” nispa nimunankupaq. Ichaqa edomitakunapa reyninmi mana munarqachu. Moabitakunapa reyninmanpas kacharqakum, ichaqa paypas manataqmi munarqachu, chayraykum Israel castakunaqa Cades lawllapi qeparurqaku.

Jueces 11:18

Chaymantam chunniqninta hamuspanku edomitakunapa chaynataq moabitakunapa allpanta muyumurqaku; moabitakunapa allpanpa intipa qespimunan lawninman chayaramuspankum Arnón mayupa chimpanpi samarurqaku, moabitakunapa linderontaqa manam pasarqakuchu, Arnón mayu Moab nacionpa linderon kasqanrayku.

Jueces 11:24

Quemos diosnikipa qosusqaykiqa, ¿manachum qampaña? Chaynam ñoqaykuman Tayta Diospa qowasqankupas ñoqaykupaña.