Números 20:16 - CHUYA QELLQA La Biblia en Quechua de Ayacucho 2012

¹⁶ Chaymi Tayta Diosta qayakuptiyku uyariykuwaspanku angelninta kachamurqa hinaspam Egipto nacionmanta hurqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Quechua Ayacucho Bible 1987

¹⁶ Chaymi Tayta Diosta qayakuptiyku uyariykuwaspanku angelninta kacharqa hinaspam Egipto nacionmanta horqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Chuya Qellqa 1992

¹⁶ Chaymi Tayta Diosta qayakuptiyku uyariykuwaspanku angelninta kachamurqa hinaspam Egipto nacionmanta hurqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Números 20:16 Iomraidhean Croise

Éxodo 14:10

Faraón hichpaykuptinñam, Israelpa mirayninkuna musyakururqaku Egipto runakuna paykunapa qepanta hamusqanta, chayraykum hatu-hatunta mancharikuspanku qaparispa Tayta Diosta mañakurqaku.

Éxodo 14:19

Hinaptinmi Israelpa mirayninkunapa ñawpaqninta riq Diospa angelninwan sayanpa puyupas, qepankumanña churakuykurqa.

Éxodo 23:20

Ñoam ñawpaqnikita angelniyta kachani, risqaykipi waqaychasunaykipaq chaynapi allichapusqay sitioman chayachisunaykipaq.

Éxodo 33:2

Angelniytam kachamusaq ñawpaqnikita rispa cananeokunata, amorreokunata, heteokunata, ferezeokunata, heveokunata hinaspa jebuseokunata wischunanpaq.

Éxodo 6:5

Israelpa mirayninkunapa ñakarisqankutapas yachanim, paykunawanmi Egipto runakuna servichikuchkanku. Pacto ruwasqaytaqa manam qonqanichu,

Daniel 6:22

Dios-niymi angelninta kachamuspan leon-kunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

Números 20:15

Ñawpaq taytaykum Egipto nacionman ripukuspan chaypi unay watakuna yachamurqaku. Aswanqa Egipto runakunam ñawpaq taytaykutapas chaynataq ñoqaykutapas ñakarichiwarqaku.

Números 21:22

Ama hina kaspa allpayki chawpinta pasarachiwayku. Manam tarpusqa chakra ukuntachu nitaq uvas huertantachu risaqku, manataqmi pozoykipi yakutapas tomasaqkuchu. Allpaykita pasarunaykukamam hatun ñanllanta risaqku, nispanku.

Números 33:37

Cadesmanta lloqsispankum Hor orqopi samarurqaku. Chay orqoqa Edom nacionpa patanpim kachkan.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Deuteronomio 4:37

Tayta Diosqa ñawpaq taytaykichikkunata kuyasqanraykum mirayninkunata akllarqa, hinaspam Egipto nacionmanta ancha hatun atiyninwan hurqomurqa.

Josué 15:1

Tupasqanman hinam, Judá ayllukunapa allpan karqa, haykam kasqankuman hina, Edom castakunapa allpanwan tupanakuqmanta qallarispa sur lawpi Zin sutiyuq chunniqkama.