Números 20:15 - CHUYA QELLQA La Biblia en Quechua de Ayacucho 2012

¹⁵ Ñawpaq taytaykum Egipto nacionman ripukuspan chaypi unay watakuna yachamurqaku. Aswanqa Egipto runakunam ñawpaq taytaykutapas chaynataq ñoqaykutapas ñakarichiwarqaku.

Quechua Ayacucho Bible 1987

¹⁵ Abueloykum Egipto nacionman ripukuspa chaypi unay watakuna yachamurqaku. Aswanqa Egipto runakunam abueloykutapas hinaspa ñoqaykutapas ñakarichimuwarqaku.

Chuya Qellqa 1992

¹⁵ Ñawpaq taytaykum Egipto nacionman ripukuspan chaypi unay watakuna yachamurqaku. Aswanqa Egipto runakunam ñawpaq taytaykutapas chaynataq ñoqaykutapas ñakarichiwarqaku.

Números 20:15 Iomraidhean Croise

Génesis 15:13

Chaymi Abramta Tayta Dios nirqa: Miraynikikunaqa cheqaptapunim hukpa llaqtanpi yachanqaku, hinaspam chay runakunapa esclavon kaspanku tawa pachak wata ñakarichisqa kanqaku.

Génesis 46:6

Jacobwan lliw mirayninkunam Canaán lawpi armasqanku animalkunata qatirikuspa Egipto nacionman ripukurqaku.

Génesis 46:7

Jacobmi Egipto nacionman rirqa, qaritapas warmitapas churinkunata, willkankunata hinaspa llapallan mirayninkunata pusarikuspan.

2~Samuel 12:18

Qanchis kaq punchawpim wawa wañururqa. Chaymi serviqninkuna wawapa wañusqanta Davidman willaykuyta manchakuspanku kaynata ninakurqaku: Wawa kawsachkaptinraq rimapayasqanchikta mana uyariwachkaspanchikqa aswanraqchiki kunan wawa wañurusqanta willaykuptinchikqa imatapas ruwakurunqa, nispa.

Éxodo 1:16

Hebreo casta warmikunata qespichispaykichikqa imam wawa kasqantam qawankichik; qari kaptinqa wañuchinkichikmi, warmi kaptinmi ichaqa ama imanankichikchu, nispa.

Éxodo 1:22

Chaymi lliw runankunata Faraón kamachirqa: Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.

Éxodo 12:40

Israelpa mirayninkunaqa tawa pachak kimsa chunka watam Egipto nacionpi yacharqaku.

Éxodo 5:14

Hinaspam Faraonpa llamkachiqninkuna Israelpa mirayninkunamanta kaq capatazkuna churasqankuta kaynata nispa azoterqaku: ¿Imanasqataq adobe chutasqaykichikta mana haypachinkichikchu qaynakuna ruwasqaykichikman, qayna punchawpas nitaq kunan punchawpas? nispa.

Números 11:5

¡Maypiraq Egipto nacionpi ma-na qollqellapaq mikusqanchik challwa, pepinokuna, sandillakuna, porokuna, cebollakuna chaynataq ajoskunapas!

Números 16:13

¿Yanqapaqchu rikchakapusunki tukuy imapapas kanan Egipto nacionmanta pusaramuwaspaykiku kay chunniqpi wañurachiwaynikiku? ¿Kamachikuq hinachu ñoqaykupi munaychakuyta munanki?

Números 20:14

Cades lawmantam willakuqkunata Moisés kacharqa Edom nacionpa reyninta kaynata nimunankupaq: Castayki Israelpa mirayninkunam kaynata nimusunki: Tukuy ñakariykuna pasasqaykutaqa yachankim.

Números 20:16

Chaymi Tayta Diosta qayakuptiyku uyariykuwaspanku angelninta kachamurqa hinaspam Egipto nacionmanta hurqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Hechos 7:15

Chaynapim Jacobqa Egipto nacionman ripukurqa, hinaspam chaypi wañukurqa, hina chaypitaqmi churinkunapas wañukurqaku.

Hechos 7:19

Paymi engañaspa ñawpaq taytanchikkunata llumpayta ñakarichirqa, hinaspam kamachikurqa chayllaraq naceq wawa-churinkutapas saqeptinku wañunanpaq, chaynapi mana miranankupaq.

Deuteronomio 26:6

Egipto nacionniyuq runakunam ichaqa maqawaspanchik ñakarichiwarqanchik, mana llakipayarispam servichikuwarqanchik.