Números 20:1 - CHUYA QELLQA La Biblia en Quechua de Ayacucho 2012

¹ Punta kaq killapim, Israelpa mirayninkuna Zin chunniqman chayaruspanku Cades lawpi samarurqaku. Chaypim María wañukurqa, hinaptinmi pamparurqaku.

Quechua Ayacucho Bible 1987

¹ Israelpa llapallan mirayninkunam punta kaq killapi chayarurqaku Zin nisqanku chunniqman hinaspam samarurqaku Cades lawpi. Maria chaypi wañukuptinmi pamparurqaku.

Chuya Qellqa 1992

¹ Punta kaq killapim, Israelpa mirayninkuna Zin chunniqman chayaruspanku Cades lawpi samarurqaku. Chaypim María wañukurqa, hinaptinmi pamparurqaku.

Números 20:1 Iomraidhean Croise

Génesis 14:7

Chaymanta kutiramuspankum chayarurqaku En-mispat llaqtakama (chaypa huknin sutinmi Cades) hinaspankum Amalec runakunapa allpanta hapikuykurqaku chaynallataq Hazezon-tamar llaqtapi yachaq Amor casta runakunapa allpantapas.

Éxodo 15:20

Chaymi Aaronpa panin María Diospa profetan kasqanrayku tinyanta hapiykurqa, llapa warmikunapas paypa qepantam tinyankuta tocastin, tusustin lloqsirqaku.

Éxodo 2:4

Wawapa paninñataqmi karullamanta wateqarqa, wawata imam pasasqanta qawananpaq.

Éxodo 2:7

Wawapa paninñataqmi Faraonpa warmi churinta nirqa: ¿Munankichu kay wawata ñuñupusunaykipaq hebreo castamanta warmita qayarapamunayta? nispa.

Ezequiel 47:19

Sur lawpi linderonmi qallarinqa Tamar llaqtapi, hinaspam yakupa kanan Meriba-cades lawkama chutarikuspan Egipto wayqonta Mediterráneo lamar qochaman chayanqa.

Miqueas 6:4

Egiptomantam qamtaqa hurqomurqayki, esclavo kasqaykimantam libramurqayki. Pusamusunaykipaqmi Moisesta, Aaronta hinaspa Mariata kachamurqani.

Números 12:1

Mariawan Aaronmi rimarqaku Moisespa contranpi Kusita warmiwan casarakurusqanrayku.

Números 12:10

Carpamanta puyu asuriruptinmi riti hina yuraqllaña lepra onqoy Mariapa cuerponpi rikurirurqa. Aarón muyuriykuspa qawariykuptinmi Mariaqa lepra onqoywanña kachkasqa.

Números 12:15

Chaynapim Mariaqa qanchis pun-chawpuni campamentomanta qarqosqa karqa. María kutimunankamam chay sitiomanta runakuna mana lloqsirqakuchu.

Números 13:21

Rispankum allpata wateqamurqaku, Zin sutiyuq chunniqmanta qallarispa Hamat llaqtaman yaykuna Rehob llaqtakama.

Números 13:26

Parán chunniqpi Cades lawkama. Chaypim Moisesman, Aaronman hinaspa Israelpa llapallan mirayninkunaman willaspanku allpapa ruruntapas qawachirqaku.

Números 20:16

Chaymi Tayta Diosta qayakuptiyku uyariykuwaspanku angelninta kachamurqa hinaspam Egipto nacionmanta hurqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Números 20:22

Israelpa mirayninkunam Cades lawmanta lloqsispanku Hor sutiyuq orqoman chayarurqaku.

Números 20:28

Chaypim Aaronpa sacerdote pachanta hurqospan churin Eleazartaña pachaykachirqa. Chay orqopa puntanpim Aarón wañukurqa. Moiseswan Eleazarñataqmi chay orqomanta kutimurqaku.

Números 26:59

Egipto nacionpiraq Leviypa mirayninkuna kachkaptinkum Jocabed sutiyuq warmi nacerqa, chay warmiwanmi Amram casarakurqa. Paykunapa wawa-churinmi karqa: Aarón, Moisés hinaspa paninku Mariapas.

Números 27:14

Zin chunniqpi llapa runakuna contraypi hatarispanku yakuta mañakuptinkum mana kasuwaspaykichik chuya kayniyta mana qawachirqankichikchu. Chaymi lloqsiq yakuta Meriba nispa suticharqaku, chayqa Cades lawpi Zin chunniqpim kachkan.

Números 33:36

Ezion-gebermanta lloqsispankum Zin otaq Cades chunniqpi samarurqaku.

Deuteronomio 1:46

Chaynapim Cades lawpi unay yacharqankichik.

Deuteronomio 2:14

Cades-barnea lawmanta hamuspa Zered mayuta chimpamunanchikkamam kimsa chunka pusaqniyuq wataña pasarurqa. Chay watakunakamaqa guerrapaq akllasqa miraykunapas lliwñam wañururqaku, imaynam Tayta Diospa jurasqanman hina.

Deuteronomio 32:51

Iskaynikichikmi Israelpa mirayninkunapa qayllanpi, Zin chunniqpi, Meriba-cades sitiopi ñoqapa contraypi huchallikurqankichik, hinaspam Israelpa mirayninkunapa qayllanpi mana hatunchawarqankichikchu.

Jueces 11:16

Israel miraykunaqa Egiptomanta lloqsimuspaqa, chunniqnintam hamurqaku Puka lamar qochakama, hinaspam Cades lawman chayamurqaku.