Números 19:3 - CHUYA QELLQA La Biblia en Quechua de Ayacucho 2012

³ Chay vacatam sacerdote Eleazarman qonkichik, payñataqmi campamentopa waklawninman pusachispan qayllanpi nakachinqa.

Quechua Ayacucho Bible 1987

³ Chay vaquillataqa qonkichik sacerdote Eleazarmanmi, payñataqmi campamentopa waklawninman pusachispan qayllanpi nakachinqa.

Chuya Qellqa 1992

³ Chay vacatam sacerdote Eleazarman qonkichik, payñataqmi campamentopa waklawninman pusachispan qayllanpi nakachinqa.

Números 19:3 Iomraidhean Croise

Levítico 16:27

Huchamanta wañuchisqa malta torotapas chaynataq chivatotapas campamentomanta hawamanmi hurqonqaku, hinaspam qaranta, aychanta chaynataq akantapas kañanqaku. Chay animalkunapa yawarninqa santuarioman apas-qam kanqa huchakuna pampachasqa kananpaq.

Levítico 24:14

Chay ñakaqniy runatam campamentomanta hurqonki, hinaptinmi llapallan uyariqninkuna paypa umanman makinkuta churanqaku, hinaptinmi llapallan huñunasqa runakuna rumiwan chamqaparunqaku.

Levítico 4:11

Ichaqa malta toropa qaranta, aychanta, umanta, piernankunata, ukunninkunata, akanta,

Levítico 4:12

otaq chay nakasqan torotam lliwta campamentomanta uchpa wischunanku limpio sitioman hurqorunqa, hinaspam yantapa hawanpi otaq chay uchpapa hawanpi kañaykunqa.

Levítico 4:21

Chaymantam chay wañuchisqa malta torota campamentomanta karuman hurqoruspa kañanqaku, hucha pampachanapaq punta kaq malta toro kañasqanta hina. Chayqa llaqtapa huchan pampachasqa kananpaq ofrendam.

Números 15:36

Hinaptinmi chay runata campamentomanta hawaman pusaruspanku wañunankama rumiwan choqaparurqaku, chaynataqa ruwarqaku Moisesman Tayta Diospa kamachisqanman hinam.

Números 19:9

Chaypaq sapaqchasqa runam kañasqanku vacapa uchpanta huñuykuspan campamentomanta hawaman chaypaq akllasqa sitiopi churamunqa. Chay uchpatam Israelpa mirayninkuna waqaychanqaku, chaynapi yakuman polvospa chaywan chuyanchakunankupaq. Chayqa hucha pampachana ofrendam.

Números 3:4

Ichaqa sacerdote Abiú hinaspa sacerdote Nadabmi Tayta Diospa qayllanpi Sinaí chunniqpi wañururqaku, altarpi inciensota mana Diospa kamachisqanman hinachu ofrecesqankurayku. Paykunaqa manaraq churiyuq kachkaspam wañukurqaku. Chaynapim Eleazarwan Itamarllaña taytanku Aaronpa qawasqanta sacerdote kayninkupi servikurqaku.

Números 5:2

Israelpa mirayninkunata kamachiy, leprawan onqoqkunata, qeya ispaywan onqoq qarikunata, wañuqpa ayan llapcharuqkunata campamentomanta qarqonankupaq.