Números 19:13 - CHUYA QELLQA La Biblia en Quechua de Ayacucho 2012

¹³ Pipas wañusqa runapa ayanta llapcharuchkaspa mana chuyanchakuqqa ñoqa Tayta Diospa carpaytam millakuypaqta ruwachkan. Chayna runaqa Israel ukumantam chinkachisqa kanqa. Payqa chuyanchana yakuwan mana challachikusqanraykum hina millakuypaq kanqa.

Quechua Ayacucho Bible 1987

¹³ Pipas wañusqa runapa ayanta llachparuchkaspan mana chuyanchakuq runaqa *f**yachanay karpatam millakuypaqtaña rurachkan. Chayna runaqa Israel runakuna ukumanta chinkachisqam kanqa. Chuyanchana yakuwan mana challachikusqanraykum payqa millakuypaq kanqa. Chaynapimá payqa hina millakuyllapaq kachkan.

Chuya Qellqa 1992

¹³ Pipas wañusqa runapa ayanta llapcharuchkaspa mana chuyanchakuqqa ñoqa Tayta Diospa carpaytam millakuypaqta ruwachkan. Chayna runaqa Israel ukumantam chinkachisqa kanqa. Payqa chuyanchana yakuwan mana challachikusqanraykum hina millakuypaq kanqa.

Números 19:13 Iomraidhean Croise

Éxodo 30:33

Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Proverbios 14:32

Mana allin runataqa mana allin ruwayninkunallam tuñichin, allin ruwaq runam ichaqa wañunankama Diosman hapipakun.

Ezequiel 44:26

Llapcharuspanqa chuyanchakuspanmi qanchis punchawtaraq suyanan.

Levítico 15:31

Chaynatam Israelpa mirayninkunata tukuy millakuypaq kaqninkunamanta chuyanchankichik, chaynataqa ruwankichik paykunapa chawpinpi yachanay carpata millakuypaqta ruwaruspa ama wañurunankupaqmi.

Levítico 20:3

Ñoqapas chay runapa contranpi sayarispaymi llaqtanmanta chinkarachisaq, Moloc idoloman churinta ofrecespan santuarioytapas chaynataq chuya sutiytapas penqayman churasqanrayku.

Levítico 22:3

Kunanpas hinaspa hamuq punchawkunapipas, mirayninkunamanta pipas millakuypaq kachkaspan Israel castakunapa sapaqchapuwasqan ofrendaykunaman asuykuspanqa, ñawpaqniymanta chinkachisqam kanqa. Ñoqa Tayta Diosmi chaynata nini.

Levítico 22:4

Chaynaqa, Aaronpa mirayninkunamanta pipas lepra onqoywan otaq qeya ispaywan kaspaqa amam ñoqapaq sapaqchasqa kaqkunataqa mikunqachu, mikunqakuqa chuyanchakuruspañam. Manataqmi mikunmanchu runapa ayan llapcharuqpas, puñuchkaptin qari kayninmanta muhun kikillanmanta lloqsiptinpas,

Levítico 5:17

Sichum pipas mana yachastin ñoqa Tayta Diospa kamachikuyniypa contranpi huchallikuruspanqa, chay huchanmantam paganqa.

Levítico 5:3

Runapa cuerponmanta millakuypaq kaqkuna lloqsiqta llapcharuq runaqa qachachakurunmi. Mana yachastinña llapchaspa qepataña yacharuspanpas huchayuqmi kanqa.

Levítico 5:6

Hinaspam huchanmanta ñoqa Tayta Diosman huk oveja otaq huk cabra ofrendata apamuwanqa, hinaptinmi sacerdoteñataq chay animalta ofrecewanqa chaynapi huchan pampachasqa kananpaq.

Levítico 7:20

Ñoqawan allinlla kasqanmanta ñoqa Tayta Diospaq wañuchisqa animalpa aychanta, pipas huchayuq kachkaspan mikuruq runaqa llaqtanmanta chinkachisqam kanqa.

Levítico 7:21

Pipas millakuypaq kaqta llapcharuqqa: Runapa cuerponmanta lloqsiq kaptinpas, mana mikuna animalta kaspapas otaq ima millakuypaq kaqta llapcharuchkaspa ñoqawan allinlla kasqanmanta wañuchisqa animalpa aychanta mikuruqqa llaqtanmanta chinkachisqam kanqa.

Números 15:30

Israelpa miraynin kaspapas otaq huklaw llaqtayuq kaspapas yachastin huchallikuqqa ñoqa Tayta Diostam insultawachkan, chayna runaqa llaqtamanta chinkachisqam kanqa.

Números 19:14

Pipas carpallanpi wañuruptinqa kay kamachikuyman hinam ruwankichik: Wañuqpa kasqan carpapi tarikuqkunapas chaynataq yaykuqkunapas qanchis punchawpunim millakuypaq kanqaku.

Números 19:18

Chaymantam chuyanchasqa runa hisopopa kallmanta hapiykuspan chay yakuman challpuspan chaywan chay runapa yachanan carpata challanqa; challanqataqmi chay carpapi servicionkunamanwan chaypi yachaq runakunamanpas chaynataq tulluta, wañuchisqapa ayanta, kikillanmanta wañuqpa ayanta otaq sepulturata llapcharuq runamanpas.

Números 19:19

Chuya kaq runam kimsa kaq punchawpi chaynataq qanchis kaq punchawpi chay millakuypaq kaq runaman challanqa. Qanchis kaq punchawpi chuyancharuptinmi pachankunata taqsakuspan bañakunqa. Ichaqa tutaykunankamam millakuypaq kanqa.

Números 19:20

Millakuypaq kachkaspa mana chuyanchakuq runaqa, ñoqaman asuykamuwanaykichik carpata qachachasqanraykum llaqtamanta chinkachisqa kanqa. Chuyanchana yakuwan mana challachikusqanraykum payqa millakuypaq kanqa.

Números 19:9

Chaypaq sapaqchasqa runam kañasqanku vacapa uchpanta huñuykuspan campamentomanta hawaman chaypaq akllasqa sitiopi churamunqa. Chay uchpatam Israelpa mirayninkuna waqaychanqaku, chaynapi yakuman polvospa chaywan chuyanchakunankupaq. Chayqa hucha pampachana ofrendam.

Números 8:7

Paykunata chuyanchaspaykiqa kaynatam ruwanki: Paykunatam hucha mayllana yakuwan challanki hinaptinmi lliw cuerponkupi pelonkuta siksikunqaku, taqsakunqakutaqmi pachankutapas, chaynapim chuyanchasqa kanqaku.

Números 9:13

Pascua fiestata ruwananpaq hina kachkaspan otaq mana illaruchkaspan Pascua fiestayta mana ruwaqqa llaqtamanta chinkachisqam kanqa. Ofrendakunata ñoqa Tayta Diosman imam tiempollanpi mana ofrecewasqanraykum chay runaqa huchanmanta castigasqa kanqa.

Juan 8:24

Chaymi nirqaykichik “huchaykichikpim wañunkichik” nispay. Pim kasqayta mana creespaykichikqa huchaykichikpim wañunkichik.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 22:11

Mana allin ruwaqqa mana allintaraqyá ruwachkachun, millakuypaq ruwaqpas millakuypaq kaqtaraqyá ruwachkachun, allin kaqkuna ruwaqñataqyá allin kaqkunataraq ruwachun, chuyanchakuqpas Diosllapaqñayá chuyanchakuchun, nispa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.