Números 18:8 - CHUYA QELLQA La Biblia en Quechua de Ayacucho 2012

⁸ Aarontam Tayta Dios nirqa: Qowasqanku ofrendakunata nanachikunaykipaqmi churarqayki. Israelpa mirayninkunapa qowasqanku sapaqchasqa ofrendakunatam qanman chaynataq churikikunaman qoykichik. Chay ofrendakunam qamkunapaq kanqa, chayqa wiñaypaq kamachikuymi.

Quechua Ayacucho Bible 1987

⁸ Tayta Diosmi Aaronta nirqa: —Qowasqanku ofrendakunamanta cuentallikunaykipaqmi churarqayki. Israelpa mirayninkunapa qowasqanku sapaqchasqa ofrendakunatam qoyki qanman chaynataq churikikunamanpas. Chay ofrendakunaqa kanqa qamkunapa tocanciaykichikmi, chayqa wiñaypaq decretom.

Chuya Qellqa 1992

⁸ Aarontam Tayta Dios nirqa: Qowasqanku ofrendakunata nanachikunaykipaqmi churarqayki. Israelpa mirayninkunapa qowasqanku sapaqchasqa ofrendakunatam qanman chaynataq churikikunaman qoykichik. Chay ofrendakunam qamkunapaq kanqa, chayqa wiñaypaq kamachikuymi.

Números 18:8 Iomraidhean Croise

2~Reyes 12:16

Huchankumanta pampachasqa kanankupaq llapa runakunapa pagasqanku qollqetaqa manam Tayta Diospa templonmanqa apaqkuchu, chay qollqeqa sacerdotekunapaqmi karqa.

2~Crónicas 31:4

Jerusalén llaqtapi yachaqkunatapas kamachirqam sacerdotekunaman hinaspa levitakunaman tupaqninta qonankupaq, chaynapi paykuna Tayta Diospa kamachikuyninman hina imam ruwanankuta ruwanankupaq.

2~Crónicas 31:5

Chay kamachikuy lloqsiramuptinmi Israelpa mirayninkuna achkanpi qorqaku trigomanta, vinomanta, aceitemanta, mielmanta hinaspa chakrankupi tukuy ima qespiqkunamanta primiciankuta. Achkanpim tukuy imamanta hurqosqanku diezmokunatapas apamurqaku.

Éxodo 28:43

Chaywan hinakuspam Aaronwan churinkuna ñoqaman asuykuna carpaman yaykunqaku, hina chayna pachasqallam kanqaku “Chuya” lugarpi kaq altarman serviwanankupaq asuykuspankupas, chaynapim paykunataqa huchankurayku mana wañuchisaqchu. Kayqa wiñaypaq decretom Aaronpaqwan mirayninkunapaqpas kanqa.

Éxodo 29:21

Altarpa hawanpi kaq yawarta hoqarispañataqmi ñoqallapaqña sapaqchana aceitetawan kuskata Aaronpa hinaspa churinkunapa pachanman challaykunki, chaynapim Aaronpas churinkunapas ñoqallataña serviwanankupaq sapaqchasqa kanqaku, pachankupas ñoqallapaqña sapaqchasqataqmi kanqa.

Éxodo 29:28

Chay kamachikuymi kanqa Aaronpaqwan churinkunapaq. Pipas Israelpa mirayninkunamanta ñoqa Tayta Dioswan allinlla kasqanmanta ofreceqmi sacerdotekunaman chay partesqa carneropa pechontawan piernanta qonqa. Chaymi Israelpa mirayninkunapaq wiñaypaq kamachikuy kanqa.

Éxodo 29:29

Aaronpa chuya pachankunaqa qepan hamuq churinkunapaqmi kanqa. Sacerdote kanankupaq aceitewan tallispa sapaqchasqa kaspankum pachakunqaku.

Éxodo 40:13

Serviwananpaq pachakunawan Aaronta pachachispaykim paymanpas aceiteta tallinki, chaynapim sacerdotey kananpaq sapaqchanki.

Éxodo 40:15

Paykunatapas taytankuta hinam sacerdoteykuna kanankupaq aceitewan tallispa sapaqchanki. Aceitewan tallisqaykiraykum wiñaypaq sacerdoteykunaña lliw mirayninkunapiwan kanqaku, nispa.

Isaías 10:27

Chay punchawpim wasaykiman llasaq qepi churkususqayki qechusqa kanqa, servichikusunaykipaq matankaykiman yugo churasusqaykipas pakisqam kanqa, qamqa akllakusqay llaqtay kasqaykirayku.

Levítico 21:10

Sumo sacerdoteqa sapaqchasqa pachawan pachakunanpaq umanman aceitewan tallispa sapaqchasqam karqa, chayraykum llakipi kasqanta qawachikunanpaqqa ama chukchantapas kacharinqachu nitaq pachantapas llikipakunqachu.

Levítico 23:20

Chay animalkunatam ñoqa Tayta Diospa ñawpaqniypi sacerdote kuyuchispan ofrecemuwanqa punta rurukunamanta tantayuqta chaynataq iskay carneroyuqta, chaykunaqa ñoqapaq sapaqchasqa kasqanraykum sacerdotepaq kanqa.

Levítico 6:16

Chay ofrendamanta puchuq harinatañataqmi Aaronpiwan mirayninkuna mana levadurayuqta mikunqaku, Diosman asuykuna carpapa ñawpaqninpi, chaypaq akllasqa sitiopi.

Levítico 6:18

Chaynaqa, ñoqa Tayta Diospaq kañapuwasqanku ofrendamantam Aaronpa qari kaq mirayninkuna tocaqninta mikunqaku, kaymi wiñaypaq kamachikuy paykunapaq kanqa. Imapas chay ofrendaman tupaykuqqa ñoqapaq sapaqchasqam kanqa, nispa.

Levítico 6:20

Kaymi Aaronwan churinkuna sapaqchasqa kasqanku punchawpi ñoqa Tayta Diosman ofrecewananku ofrenda: Iskay kilo fino harina; chay ofrendamantam partenta tutapayta ofrecewanqaku, huknin partentañataqmi chisinkuyta; chaynata-qa sapa punchawmi ruwanqaku.

Levítico 6:26

Hucharayku ofrendata ofrecewaqniy sacerdotem chayta mikunqa, Diosman asuykuna carpapa ñawpaqninpi, chaypaq sapaqchasqa sitiopi.

Levítico 7:14

Sapa ofrendakunamantam wakiqninta rakispan pagachkaq hina ñoqa Tayta Diosman ofrecewanqa. Chayqa ñoqawan allinlla kasqanmanta animalpa yawarnin challaq sacerdotepaqmi kanqa.

Levítico 7:28

Israelpa mirayninkunaman ninanpaqmi Moisesta Tayta Dios kaynata nirqa: Ñoqawan allinlla kasqanmanta animal ofrecewaqniyqa, chay ofrendanmantam wakinta ñoqa Tayta Diosman apamuwanqa.

Levítico 7:6

Chay ofrendataqa sacerdotekunallam mikunqaku chaypaq sapaqchasqanku sitiopi. Chayqa ñoqallapaqña sapaqchasqa ofrendam.

Levítico 8:30

Moisesqa Diospaq sapaqchana aceitetawan altarpa hawanpi yawarta hapiykuspanmi Aaronmanwan churin-kunaman hinaspa pachankuman challaykurqa. Chaynatam Aaronta, churinkunata hinaspa pachankunata Tayta Diospaq sapaqcharqa.

Números 18:9

Ñoqapaq kañananku ofrendakunamantam qampaq kanqa: Kawsaykunamanta ofrendakuna, Israel miraykunapa huchamanta otaq culpamanta animal wañuchisqanku ofrendakuna; chaynaqa ñoqaman ofrecewasqanku ofrendakunam qampaq chaynataq churikikunapaq sapaqchasqa kanqa.

Números 5:9

Tukuy imakunamantapas Israelpa mirayninkuna ñoqapaq sapaqchapuwasqankuqa sacerdotepaqmi kanqa.

1~Corintios 9:13

Qamkunaqa yachan-kichikmi Diospa templonpi llamkaqkunaqa ofrendakunamanta mikusqankuta, altarpi llamkaqkunañataqmi altarman ofrenda apamusqankumanta mikunku.

Deuteronomio 12:11

Señornikichik Tayta Diospa sutin reqsisqa kananpaq, kikinpa akllasqan sitiopi, imaynam kamachisqayman hina, lliw kañana sacrificiota, wakin ofrendakunata, diezmoykichikkunata, ofrendaykichikkunata chaynataq payman prometesqaykichik allinnin kaqkunatapas ofrecenkichik.

Deuteronomio 12:6

Chaypim paypaq animalkunata wañuchispa lliwta kañankichik, wakin kañanapaq ofrendakunatapas chaynallatam ruwankichik. Chaymanmi diezmoykichiktapas chaynataq prometekusqaykichik ofrendakunatawan kikikichikmanta qosqaykichik ofrendakunatapas apankichik. Apankichiktaqmi vacaykichikpa chaynataq ovejaykichikpa punta uñankunatapas.

Deuteronomio 18:1

Leví ayllumanta kaq sacerdotekunaqa otaq levitakunaqa manam wakin Israel ayllukunawan kuskaqa allpata chaskinqakuchu. Paykunaqa kawsanqaku Tayta Diospaq sacrificiokunamanta hinaspa ofrendakunamantam.

Deuteronomio 26:13

Chaykunata qospaykim Señorniki Tayta Diospa qayllanpi ninki: “Cosechasqaykunamanta sapaqchas-qay diezmoykunatam wasiymanta hurqospay, levitakunaman, llaqtaypi yachaq huklaw llaqtayuqkunaman, mana tayta-mamayuqkunaman chay-nataq viudakunaman aypurqani; chaynatam kamachiwasqaykita ruwarqani, mana qonqaspaymi kasukurqani.

Hebreos 1:9

Qamqa allin kaqtam kuyarqanki, mana allin kaqtañataqmi cheqnirqanki, chayraykum Diospas akllasurqanki, qampa Diosnikim akllasurqanki, wakinmantapas qam kaqtaraqmi akllasurqanki, miski asnaq aceitewan tallichkaq hinam kusikuywan huntaykusurqanki, nispa.

1~Juan 2:20

Qamkunamanmi ichaqa Chuya Espirituta Cristo qosurqankichik, chay-mi tukuy chaykunata yachankichik.

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.