Números 18:7 - CHUYA QELLQA La Biblia en Quechua de Ayacucho 2012

⁷ Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa, nispa.

Quechua Ayacucho Bible 1987

⁷ Ichaqa qanwan churikikunallam rurankichik sacerdotepa ruranan altarpi ruraykunataqa chaynataq “Chuyay-chuyay” lugarpi ruranakunatapas. Sacerdote kaynikichikqa qamkunallapaqmi. Qamkunamanqa sacerdote kaynikichiktam qoykichik regalota hina chaynapi serviwanaykichikpaq. Pipas mana sacerdote kachkaspan sacerdotepa rurananta ruraqqa wañuchisqam kanqa.

Chuya Qellqa 1992

⁷ Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa.

Números 18:7 Iomraidhean Croise

Éxodo 28:1

Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq.

Éxodo 29:9

Aarontawan churinkunatam chumpiwan chumpichinki, churachinkitaqmi mitrakunawanpas, chaynapim paykunaqa kamachikuyman hina wiñaypaq sacerdotekunaña kanqaku. Chaynatam Aarontawan churinkunata wiñaypaq sacerdoteykuna kanankupaq sapaqchanki.

Ezequiel 44:15

Israelpa mirayninkuna ñoqamanta karunchakuruptinkupas Leví ayllumanta kaq Sadocpa mirayninkunam ichaqa temploypi servikurqaku, paykunallam serviwananpaqqa asuykamuwanqaku. Paykuna asuykamuwaspankum animalpa wirantawan yawarninta ofrecemuwanqaku. Ñoqa Tayta Diosmi chaynata nini.

Ezequiel 44:16

Paykunam temployman yaykuspanku serviwanankupaq altarniyman asuykunqaku, hinaspam chaypi ruwana kaqkunata ruwanqaku.

Ezequiel 44:8

Qamkunaqa ñoqapaq sapaqchasqay kaqkuna ruwanaykichikpaq kamachikuykunatapas manam kasukurqankichikchu aswanqa huklaw nacionniyuq runakunamanñam qoykurqankichik.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Levítico 7:35

Tayta Diospaq kañasqa ofrendakunamanta kaqmi Aaronpaqwan mirayninkunapa tupaqnin kanqa, kaykunaqa Tayta Diospa sacerdotenkunaña kanankupaq sapaqchasqa kasqanku punchawmantaraqmi.

Números 1:51

Carpata apanaykichik kaptinqa, Leví ayllukunam paskanqaku hinaspa sayachinqakupas. Pipas mana Leví ayllumanta kachkaspan carpaman asuykuqqa wañuchisqam kanqa.

Números 16:40

chayta qawaspa Israelpa mirayninkuna yuyarispanku pipas mana Aaronpa mirayninmanta kaspaqa Tayta Diosman inciensota ama ofrecenanpaq, chaynapi Coreywan runankuna hina mana wañurunankupaq. Chaymi Eleazar ruwarqa imaynam Moisesman Tayta Diospa kamachisqanman hina.

Números 18:20

Aarontam Tayta Dios nirqa: Israelpa mirayninkunapa allpanpiqa manam herenciaykipas nitaq ima kapuqnikipas kanqachu, ñoqam herenciaykipas chaynataq kapuqnikipas kasaq.

Números 18:3

Paykunaqa kamachisqaykita ruwaspankum carpapi serviwanqaku, santuariopi serviciokunamanwan altarmanmi ichaqa ama asuykunqakuchu, chaynapi qamkunawan kuska ama wañurunankupaq.

Números 3:10

Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.

Números 3:38

Santuariopa ñawpaqninpim otaq intipa qespimunan lawninpim Moisés, Aarón hinaspa churinkuna samarqaku. Paykunam carpata Israelpa mirayninkunapa rantinpi nanachikurqaku. Mana sacerdote kachkaspa pipas santuarioman asuykuqqa wañuchisqam kanan karqa.

Mateo 10:8

Onqoqkunata sanoyachimuychik, wañusqakunata kawsarichimuychik, leprayuqkunata sanoyachimuychik hinaspa demoniokunata qarqomuychik. Qamkunaqa mana imallapaqmi chaskirqankichik, mana imallapaqtaqyá qomuychikpas.

Juan 3:27

Juanñataqmi nirqa: Runaqa manam imatapas chaskinmanchu, sichum hanaq pachapi kaq Dios mana qoptinqa.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Deuteronomio 18:2

Wakin ayllukuna hina allpata mana chaskiptinkupas Tayta Diosmi paykunapa herencianqa, chaynatam kikin Tayta Dios nirqa.

Hebreos 5:4

Manam pipas kikillanmantaqa Sumo sacerdoteqa kanmanchu, aswanqa kanman Aarón hina Diospa qayasqan kaqkunallam.

Josué 18:7

Leví ayllum ichaqa tupaqnin allpata mana chaskinqachu. Tayta Diospa sacerdoten kayninkum paykunapa tupaqninkuqa kanqa. Gad ayllupas, Rubén ayllupas chaynataq Manasespa wakin ayllupas ñam tupaqninku allpata chaskirunkuña, Jordán mayupa intipa qespimunan waklaw chimpanpi. Chay allpatam paykunaman Tayta Diospa serviqnin Moisés qorqa, nispa.

1~Pedro 5:2

Nanachi-kunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy son-qoykichikmanta.

1~Pedro 5:3

Amayá munaychakuq hinachu, aswanqa paykunapa ejem-plonyá kaychik.

1~Samuel 2:28

Chaymi Israelpi llapallan ayllukunamanta ñawpaq taytayki Aaronpa castankunata akllarqani sacerdoteykunaña kanankupaq, chaynapi animalkunata altarniypa hawanpi chaynataq inciensotapas kañapuwanankupaq hinaspa efodwan churakuspa ñawpaqniypi serviwanankupaq. Qorqanitaqmi Israelpa mirayninkunapa kañasqan ofrendakunatapas.