Números 18:5 - CHUYA QELLQA La Biblia en Quechua de Ayacucho 2012

⁵ Qamkunallam santuariotawan altartaqa nanachikunkichik, chaynapim Israelpa mirayninkunapa contranpi manaña piñakusaqñachu.

Quechua Ayacucho Bible 1987

⁵ Qamkunallam cuentallikunkichik santuariomantawan altarmantaqa chaynapim Israelpa mirayninkunapa contranpiqa manaña piñakusaqchu.

Chuya Qellqa 1992

⁵ Qamkunallam santuariotawan altartaqa nanachikunkichik, chaynapim Israelpa mirayninkunapa contranpi manaña piñakusaqñachu.

Números 18:5 Iomraidhean Croise

1~Crónicas 23:24

Paykunam karqaku Leviypa mirayninkuna, taytankupa mirayninkuman hina sapa ayllupi kamachikuqkuna. Paykunam iskay chunka watayuqmanta hanayman sutin-sutin yupasqa karqaku, Tayta Diospa templonpi servikunankupaq.

1~Crónicas 23:32

Paykunam Tayta Diosman asuykuna carpatapas chaynataq santuariotapas nanachikurqaku. Chaykunatam Tayta Diospa templonpi ruwarqaku ayllunku Aaronpa mirayninkunapa kamachisqanman hina.

1~Crónicas 24:5

Paykunamantam sorteaspa tupasqanman hina rakinarqaku, chaytaqa ruwarqaku Eleazarpa mirayninmanta chaynataq Itamarpa mirayninmanta kaqkuna santuariopi kamachikuqkuna hinaspa Diospa wasinpi servikuqkuna kasqanraykum.

1~Crónicas 9:19

Coreypa churinmi karqa Salum, Coreyñataqmi Ebiasafpa, Ebiasafñataqmi Coreypa. Salummi taytan Coreypa wakin churinkunapiwan, Santuariopa punkunkunata nanachikurqaku, imaynam ñawpaq taytankunapas Tayta Diospa carpanman yaykuna punkuta nanachikusqankuta hina.

1~Crónicas 9:23

Paykunam churinkunapiwan kuska Tayta Diospa templonpa punkunkunata turnonpi nanachikurqaku.

1~Crónicas 9:33

Karqataqmi takiqkunapas, pay-kunaqa karqaku Leví ayllupi kamachikuqkunam, paykunam templopa cuartonkunapi yacharqaku. Paykunam tuta punchaw takinankupaq kamachisqa karqaku, manam huktaqa imatapas ruwaqkuchu.

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Jeremías 23:15

Chay profetakunapa contranpim Tukuy Atiyniyuq Tayta Dios kaynata nini: Chay profetakunamanmi qatqe ajenjota mikuchisaq, venenoyuq yakutam tomachisaq. Jerusalenpi profetakunamantam millakuypaq kaqkuna lloqsimurqa, hinaspam lliw nacionman cheqerirqa, nispa.

Ezequiel 44:15

Israelpa mirayninkuna ñoqamanta karunchakuruptinkupas Leví ayllumanta kaq Sadocpa mirayninkunam ichaqa temploypi servikurqaku, paykunallam serviwananpaqqa asuykamuwanqaku. Paykuna asuykamuwaspankum animalpa wirantawan yawarninta ofrecemuwanqaku. Ñoqa Tayta Diosmi chaynata nini.

Ezequiel 44:16

Paykunam temployman yaykuspanku serviwanankupaq altarniyman asuykunqaku, hinaspam chaypi ruwana kaqkunata ruwanqaku.

Levítico 10:6

Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Levítico 24:3

Aaronmi mecherokunata churanqa tukuy tuta ñoqa Tayta Diospa qayllaypi ratananpaq, chayqa ratanqa carpa ukupim velopa ñawpaqninpi. Kaymi wiña-wiñaypaq kamachikuy kanqa llapallan miraynikichikkunapaq.

Zacarías 10:3

Chayraykum Tayta Dios kaynata nin: Michiqkunapa contranpim sinchita piñakuruni, llaqtay nanachikuq runakunatam castigasaq. Tukuy Atiyniyuq Tayta Diosmi, Judapa mirayninkunata ovejankunata hina waqaychaqmi, paykunata guerrapaq kallpasapa caballonta hina ruwanqa.

Números 1:50

Paykunatam churanki ñoqaman asuykamuwananku carpata, servicionkunata chaynataq tukuy imankunatapas nanachikunankupaq. Paykunam yachanay carpata hinaspa llapallan servicionkunata apanqaku, carpapa muyuriqninpitaqmi samanqakupas.

Números 1:53

Leví ayllum ichaqa santuariopa muyuriqninpi samanqa, chaynapim Israel ayllukunapa contranpi ñoqa Tayta Dios mana piñakusaqchu. Chaynaqa, Leví ayllukunam ñoqaman asuykamuwananku carpata nanachikunankupaq, nispa.

Números 16:46

Moisesmi Aaronta nirqa: Altarmanta sansata qontichinaman churaspa inciensota hinaspayki chaylla runakunapa kasqanman kallpaspa huchankuta pampachananpaq Tayta Diosta mañakamuy. Tayta Diosmi sinchita piñakurun, chaymi runakuna wañuyta qallaykunkuña, nispa.

Números 18:4

Paykunam yanapasunki ñoqaman asuykuwanaykichik carpapi tukuy ima ruwanaykikunapi. Leví ayllumanta mana kaspaqa amam asuykamusunkichikchu.

Números 4:18

Leví ayllumanta kaq Coatpa mirayninkunataqa amam qollurachinkichikchu.

Números 8:19

Ñoqam Leví ayllukunata Israelpa mirayninkunamanta regalota hina Aaronman chaynataq churinkunaman qoni. Paykunataqa qoni Israelpa mirayninkunapa rantinpi asuykuwanaykichik carpapi serviwanankupaqmi. Chaynata ruwaptinkum Israelpa mirayninkunapa huchanta pampachasaq. Chaynapim Israelpa mirayninkunaqa santuarioyman mana asuykunqakuchu, chaynapi peste onqoy paykuna ukupi mana kananpaq, nispa.

1~Timoteo 1:18

Kuyasqay churiy Timoteo kaytam kamachimuyki: Ñawpaqmantaraq qanmanta profetizasqankuta yuyarispayá allin peleaq soldado hina mayna sasaña kaptinpas sunita sayay.

1~Timoteo 3:15

sichum unaramuptiyqa yachaytaqyá imaynam Diospi iñiqkunapa qayllanpi allin kawsayta. Paykunaqa kawsaq Diospa wasin hinam kachkanku, wasipa pilarnin hina kaspankum cheqap kaqta takyachichkanku.

1~Timoteo 5:21

Dios Taytanchikpa, Señor Jesucristopa hi-naspa akllasqan angelkunapa qayllanpim kamachiki kay yachachisqaykunata cumplinaykipaq, amam imatapas ruwankichu pimanpas sayapakuspaqa.

1~Timoteo 6:20

Timoteo, imam yachasqaykikunatayá sonqoykipi takyachiy, amayá mana pasaq rimaykunataqa chaskiychu nitaq iñisqanchikpa contranpi: “Ñoqaykuqa yachaywanmi rimaniku”, nispa rimaqkunatapas.