Números 18:23 - CHUYA QELLQA La Biblia en Quechua de Ayacucho 2012

²³ Asuykuwanaykichik carpapiqa Leví ayllukunallam servikunqaku. Imapipas pantaruspankuqa kikinkum huchayuq kanqaku. Chayqa wiñaypaq kamachikuymi. Israel miraykunapa allpanpiqa manam kanqachu Leví ayllukunapa herencianqa.

Quechua Ayacucho Bible 1987

²³ Leviy ayllu runakunallam servikunqaku asuykuwanaykichik karpapiqa. Imapipas pantaruspankuqa kikinkum huchayoq kanqaku. Chayqa wiñaypaq decretom, Israel casta runakunapa allpanpiqa manam kanqachu Leviy ayllu runakunapa herencianqa.

Chuya Qellqa 1992

²³ Asuykuwanaykichik carpapiqa Leví ayllukunallam servikunqaku. Imapipas pantaruspankuqa kikinkum huchayuq kanqaku. Chayqa wiñaypaq kamachikuymi. Israel miraykunapa allpanpiqa manam kanqachu Leví ayllukunapa herencianqa.

Números 18:23 Iomraidhean Croise

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Ezequiel 44:10

Millakuypaq idolokunataña qatispa Israelpa mirayninkuna ñoqamanta karunchakuruptinkum, llapa levitakunapas saqeruwarqaku, chayraykum huchankumanta castigasqa kanqaku.

Números 18:1

Aarontam Tayta Dios nirqa: Qanmi churikikunapiwan chaynataq Leví ayllukunapiwan huchayuqkankichik santuariopa contranpi hucha-llikuy kaptinqa. Sacerdote kaynikichik-pi mana allinkunata ruwaspaykichikmi ichaqa qanwan churikikunalla huchayuq kankichik.

Números 18:20

Aarontam Tayta Dios nirqa: Israelpa mirayninkunapa allpanpiqa manam herenciaykipas nitaq ima kapuqnikipas kanqachu, ñoqam herenciaykipas chaynataq kapuqnikipas kasaq.

Números 19:21

Chayqa wiñaypaq kamachikuymi kanqa. Chuyanchana yakuwan challaq runapas pachankunatam taqsakunqa. Pipas chuyanchana yakuta llapchaq runaqa tutaykuqkamam millakuypaq kanqa.

Números 26:62

Leví ayllumanta kaqkunata huk killayuqmanta hanayman yuparuptinkum iskay chunka kimsayuq waranqa qarikuna karqaku. Leví ayllukunaqa manam wakin Israel ayllukunawan kuskaqa yupasqachu karqaku. Chaynaqa, karqaku Israel wakin ayllukunawan herencia allpata mana chaskisqankuraykum.

Números 3:7

Paykunam Aaronpa rantinpi chaynataq llapa runakunapa rantinpi asuykamuwanaykichik carpapi servikunqaku.

Números 35:29

Kay kamachikuykunam qamkunapaq chaynataq hamuq miraynikichikpaq maypiña yachaptikichikpas kanqa.

Deuteronomio 10:9

Chay-raykum Leví ayllupaqa wakin ayllukunapa hinaqa tupaqninku allpaqa mana karqachu. Kikin Tayta Diosmi paykunapa herencianqa, Señornikichik Tayta Diospa nisqanpi hina.

Josué 13:14

Leví ayllumanqa manam tupaqninku allpataqa Moisés qorqachu. Paykunapa tupaqninqa karqa Israelpa mirayninkunapa Tayta Diosman ofrenda qosqankum.