Números 18:21 - CHUYA QELLQA La Biblia en Quechua de Ayacucho 2012

²¹ Leví ayllukunaman herencia qosqayqa kanqa Israel runakunapa cosechasqankumanta llapallan diezmo qosqankum. Chaytam asuykuwanaykichik carpapi serviwasqaykichikrayku qoykichik.

Quechua Ayacucho Bible 1987

²¹ Leviy ayllu runakunaman qosqay herenciaqa kanqa Israel runakunapa cosechasqankumanta llapallan diezmo qosqankum. Chaytam qoni asuykuwanaykichik karpapi servikusqankurayku.

Chuya Qellqa 1992

²¹ Leví ayllukunaman herencia qosqayqa kanqa Israel runakunapa cosechasqankumanta llapallan diezmo qosqankum. Chaytam asuykuwanaykichik carpapi serviwasqaykichikrayku qoykichik.

Números 18:21 Iomraidhean Croise

Génesis 14:20

Tukuy Atiyniyuq Dios yupaychasqa kachun, paymi enemigoykikunata vencechisurqanki, nispa. Chaymi Abramqa lliw kutichimusqanmanta diezmonkunata qoykurqa.

Génesis 47:24

Cosechaspam ichaqa pichqa costalmanta huknin costalta Faraonman qonkichik, wakin tawa costalñataqmi chakrapi tarpunaykichikpaq hinaspa aylluykichikkunapiwan mikunaykichikpaq kanqa, nispa.

Génesis 47:26

Chaynapim Joseyqa huk kamachikuyta churarqa, Egipto nacionpi chakrakunamanta pichqa costalmanta huk costalta Faraonman qonankupaq. Chay kamachikuyqa hinallam kunankamapas kachkan. Sacerdotekunapa chakranmi ichaqa mana Faraonpachu karqa, chayraykum paykunaqa mana impuestotaqa pagarqakuchu.

2~Crónicas 31:12

Chaymanmi apaykurqaku apamusqanku ofrendakunatawan diezmokunata chaynataq Tayta Diospaq sapaqchasqanku kaqkunapa diezmonkunatapas. Chaykunata nanachikunanpaqmi churarqaku Leví ayllumanta kaq Conaniasta, yanapananpaqñataqmi wawqen Simeita.

Nehemías 10:29

wawqenkunaman chaynataq kamachiqninkunaman hukllawakuspanku tukuy sonqonkuwan jurarqaku. Moisesnintakama Tayta Diospa qosqan kamachikuykunaman hina kawsanankupaq. Prometekurqakutaqmi Tayta Diospa kamachikuyninkunata, reglamentonkunata hinaspa decretonkunata cumplinankupaqpas.

Nehemías 10:37

Chaynallataq Diosniykupa templonpi almacenkunaman harinaykumanta primiciata, ofrendaykumanta, sachaykupa rurunmanta, vinomanta, aceitemanta primiciaykuta Tayta Diospa templonpi servikuq sacerdotekunaman apamunaykupaqpas hinaspa cosechasqaykupa diezmonkunata llapa levitakunaman qonaykupaqpas. Paykunam chaykunata llaqtan-llaqtan maymi llamkasqaykumanta huñumuqku.

Nehemías 10:38

Chay diezmokunata llapa levitakuna huñumuq riptinkum, Aaronpa mirayninmanta huk sacerdote riysinqa. Chaymantam levitakunañataq Diosniykupa templonpi almacenkunaman, chay diezmokunapa diezmonta apanqaku.

Nehemías 12:44

Chay tiempopim, qori-qollqetawan, ofrendakunata, punta kaq rurukunata hinaspa diezmokuna waqaychana almacenkunata nanachikuq runakunata akllarqaku, chaynapi kamachikuypa nisqanman hina, sacerdotekunapaq chaynataq levitakunapaq tupaqnin apamusqankuta waqaychanankupaq. Judá runakunam kusisqa karqaku sacerdo-tekunapa hinaspa levitakunapa servikusqankuwan.

Nehemías 12:47

Zorobabelpa chaynataq Nehemiaspa tiemponpim, lliw Israel runakuna, sapa punchaw, takiqkunamanwan punku waqaychaqkunaman mikunankuta qorqaku; levitakunamanpas tupaqnintam qorqaku, paykunañataqmi Aaronpa mirayninmanta kaq sacerdotekunaman tupaqninkuta qorqaku.

Nehemías 13:12

Chaynapim Judá lawpi llapallan yachaqkuna, almacén cuartoman trigomanta, vinomanta hinaspa aceitemanta diezmonkuta apamurqaku.

Nehemías 13:5

paypaqmi huk hatun cuartota alistapurqa. Chay cuartopim pasaq tiempokunapi waqaychaqku ofrendakunata, inciensota, serviciokunata chaynataq trigomanta, vinomanta hinaspa aceitemanta diezmokunatapas; chaykunataqa levitakunaman, punku nanachikuqkunaman hinaspa takiqkunamanmi qorqaku, chaypitaqmi churaqku sacerdotekunapaq ofrendakunatapas.

Malaquías 2:4

Chaynapim kay kamachikuytaqa ñoqapuni qomusqayta yachankichik, chaynapi Leviywan pacto ruwasqay takyananpaq. Tukuy Atiyniyuq Tayta Diosmi chaynata nin.

Malaquías 3:10

Chaynaqa, llapa diezmokunata temployman apamuychik, wasiypi mikuy ama pisinanpaq. Chaywan pruebaykuwaychik, manachus cielokunapa ventananta kichaykuspay bendicionniyta llimparinankama chaqchurimusqaykichik.

Números 18:6

Ñoqam Israelpa mirayninkunamanta Leví aylluta rakirqani qamkunaman qonaypaq, chaynapi ñoqaman asuykuwanaykichik carpapi servikunankupaq.

Números 3:6

Leví aylluta qayay chaynapi sacerdote Aaronta yanapanankupaq.

Números 31:28

Guerrapi peleamuspa qechumusqankumantam, runakuna, vacakuna, asnokuna chaynataq ovejakuna kaptinpas ñoqa Tayta Diospaq sapa pichqa pachakmanta hukninta rakipuwanki.

Gálatas 6:6

Diospa palabran chaskiqkunaqa yachachiqnintam imallawanpas yana-pananku.

Deuteronomio 18:8

hinaspam mikuytapas chaypi kaq sacerdotekuna hina chaskinqa. Taytanmanta chaskisqanqa sapaqmi.

Hebreos 7:5

Leyman hinaqa Leviypa mirayninmanta sacerdote kanankupaq akllasqakunam, kamachisqa kachkanku castamasin runakunamanta diezmota chaskinankupaq. Paykunaqa, paykuna hina Abrahammanta miramuqkunam.