Números 18:20 - CHUYA QELLQA La Biblia en Quechua de Ayacucho 2012

²⁰ Aarontam Tayta Dios nirqa: Israelpa mirayninkunapa allpanpiqa manam herenciaykipas nitaq ima kapuqnikipas kanqachu, ñoqam herenciaykipas chaynataq kapuqnikipas kasaq.

Quechua Ayacucho Bible 1987

²⁰ Tayta Diosmi nirqa Aaronta: —Israelpa mirayninkunapa allpanpiqa manam herenciaykipas nitaq tocanciaykipas kanqachu, Israelpa mirayninkuna ukupiqa ñoqam kasaq tocanciayki chaynataq herenciaykipas.

Chuya Qellqa 1992

²⁰ Aarontam Tayta Dios nirqa: Israelpa mirayninkunapa allpanpiqa manam herenciaykipas nitaq ima kapuqnikipas kanqachu, ñoqam herenciaykipas chaynataq kapuqnikipas kasaq.

Números 18:20 Iomraidhean Croise

Génesis 15:1

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Lamentaciones 3:24

Ñoqam nini: “Tayta Diosmi tukuy ima kapuwaqniyqa, chayrakum payllapi hapipakullasaq”, nispay.

Ezequiel 44:28

Sacerdotekunapa herencianqa ñoqallam kasaq, Israel nacionpiqa amam ima herenciatapas chaskinqakuchu, ñoqallam kani paykunapa herencianqa.

Números 18:7

Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa, nispa.

Números 26:62

Leví ayllumanta kaqkunata huk killayuqmanta hanayman yuparuptinkum iskay chunka kimsayuq waranqa qarikuna karqaku. Leví ayllukunaqa manam wakin Israel ayllukunawan kuskaqa yupasqachu karqaku. Chaynaqa, karqaku Israel wakin ayllukunawan herencia allpata mana chaskisqankuraykum.

Deuteronomio 10:9

Chay-raykum Leví ayllupaqa wakin ayllukunapa hinaqa tupaqninku allpaqa mana karqachu. Kikin Tayta Diosmi paykunapa herencianqa, Señornikichik Tayta Diospa nisqanpi hina.

Deuteronomio 12:12

Hinaspam Señornikichik Tayta Diospa qayllanpi churikichikkunawan, serviqnikichikkunawan, llaq-taykichikpi yachaq levitakunapiwan fiestata ruwankichik, levitakunaqa manam qamkuna hinachu chakrakunata chaskinqaku.

Deuteronomio 14:27

Llaqtaykichikpi yachaq levitakuna-taqa amam qonqarunkichikchu. Payku-naqa manam allpata qamkuna hinaqa chaskinqakuchu.

Deuteronomio 14:29

Chaynapim llaqtaykichikpi yachaq mana allpayuq levitakuna saksanankukama mikunqaku, mikunqakutaqmi qamkunawan yachaq huklaw llaqtayuqkunapas, mana tayta-mamayuqkunapas chaynataq viudakunapas. Hinaptinqa Señornikichik Tayta Diosmi tukuy ruwasqaykichikpi bendecisunkichik.

Josué 13:14

Leví ayllumanqa manam tupaqninku allpataqa Moisés qorqachu. Paykunapa tupaqninqa karqa Israelpa mirayninkunapa Tayta Diosman ofrenda qosqankum.

Josué 13:33

Leví ayllumanmi ichaqa herencia allpata Moisés mana qorqachu, Israelpa yupaychasqan Tayta Diosmi qamkunapa herenciaykichikqa, nispa imaynam Diospa nisqanman hina.

Josué 14:3

Rubén ayllumanwan Gad aylluman hinaspa Manasespa wakin ayllumanqa Jordán mayupa waklaw chimpanpi allpatam Moisés qorqa. Leví ayllumanmi ichaqa mana qorqachu.

Josué 18:7

Leví ayllum ichaqa tupaqnin allpata mana chaskinqachu. Tayta Diospa sacerdoten kayninkum paykunapa tupaqninkuqa kanqa. Gad ayllupas, Rubén ayllupas chaynataq Manasespa wakin ayllupas ñam tupaqninku allpata chaskirunkuña, Jordán mayupa intipa qespimunan waklaw chimpanpi. Chay allpatam paykunaman Tayta Diospa serviqnin Moisés qorqa, nispa.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.