Números 18:15 - CHUYA QELLQA La Biblia en Quechua de Ayacucho 2012

¹⁵ Israel runakunapa piwi churinkuwan, animalninkupa punta wawankupas ñoqa Tayta Diosman ofrecesqa kasqanraykum qampaq kanqa. Chaywanpas runakunapa piwi churinkunataqa chaynataq mana mikuna animalpa punta wawankunataqa pagaspam kutichikunqaku.

Quechua Ayacucho Bible 1987

¹⁵ —Israel runakunapa ñoqa Tayta Diosman ofrecewasqanku puntallaraq naceq wawakunaqa otaq animalkunapa punta criankunaqa qampaqmi kanqa. Ichaqa piwi wawakunapas chaynataq mana mikuna animalpa punta kaq crianpas reclamasqam kanan.

Chuya Qellqa 1992

¹⁵ Israel runakunapa piwi churinkuwan, animalninkupa punta wawankupas ñoqa Tayta Diosman ofrecesqa kasqanraykum qampaq kanqa. Chaywanpas runakunapa piwi churinkunataqa chaynataq mana mikuna animalpa punta wawankunataqa pagaspam kutichikunqaku.

Números 18:15 Iomraidhean Croise

2~Reyes 12:5

sapa sacerdote aylluykichikkunamanta chaskiychik hinaspa chaywan Tayta Diospa templonta allichachiychik, nispa.

Nehemías 10:37

Chaynallataq Diosniykupa templonpi almacenkunaman harinaykumanta primiciata, ofrendaykumanta, sachaykupa rurunmanta, vinomanta, aceitemanta primiciaykuta Tayta Diospa templonpi servikuq sacerdotekunaman apamunaykupaqpas hinaspa cosechasqaykupa diezmonkunata llapa levitakunaman qonaykupaqpas. Paykunam chaykunata llaqtan-llaqtan maymi llamkasqaykumanta huñumuqku.

Éxodo 13:15

Sonqonta rumiyarachispa Faraón mana kachariwaptinkum runapa piwi churinmanta qallarispa animalpa piwinkama llapa piwikunata Egipto nacionpi Tayta Dios wañurachirqa. Chayraykum Tayta Diospaq wañuchiniku llapallan punta nacemuq animalkunata, hinaspam piwi qari churiykutapas cambianiku.

Éxodo 13:2

Llapallan piwikunata qoway, Israelpa mirayninkunamanta punta nacemuqkunaqa ñoqapam, runakuna kaspa otaq animalkuna kaspapas, nispa.

Éxodo 22:29

Ama unaspam cosechaykikunapa chaynataq uvasnikikunapa punta kaq rurunta apamuwanki. Piwi churikitapas qowankipunim.

Éxodo 34:20

Asnopa punta wawantañataqmi huk carnerowan cambianki, mana cambiaspaykiqa chay asnochapa kunkantam qewirunki. Piwi churikichiktapas cambiankichikmi, mana ofrendayuqqa amam pipas rikurimuwanqachu.

Números 18:16

Chaynataqa ruwanqaku nacesqanmanta huk killayuq kachkaptinmi. Santuariopi pesoman hinam iskay onza qollqewan kutichikunqaku. Santuariopi pesoqa karqa yaqa media onzam.

Números 3:13

Egipto nacionpi piwi wawakunata wañuchisqaymantapunim Israel ayllukunapa piwi churinkunataqa ñoqallapaqña sapaqchakurqani. Animalkunapa punta wawantapas ñoqallapaqñam sapaqchakurqani, Tukuy chaykunam ñoqapaq kanqa. Ñoqaqa Tayta Diosmi kani, nispa.

Números 3:46

Israel miraykunapa piwi churinkunaqa achkallañam kachkanku, Leví ayllukunam ichaqa aslla. Chaynaqa, chay iskay pachak qanchis chunka kimsayuq puchuq churikunata reclamanankupaqmi,

Deuteronomio 15:19

Vacaykikunapa ovejaykikunapa punta kaq orqo uñantam Señornikichik Tayta Diospaq sapaqchanki. Vacaykikunapa punta wawan torochataqa amam llamkachinkichu, nitaqmi ovejaykikunapa punta wawan carnerochapa millwantapas rutunkichu.