Números 17:8 - CHUYA QELLQA La Biblia en Quechua de Ayacucho 2012

⁸ Paqarinnintinta Tayta Diosman asuykuna carpaman Moisés yaykuykuptinmi, Leví ayllumanta kaq Aaronpa tawnan iklliramuspa waytachkasqa, hinaspam almendraskunata rururusqa.

Quechua Ayacucho Bible 1987

⁸ Paqarinnintinta asuykuna karpaman Moises yaykuykuptinmi Leviy ayllumanta kaq Aaronpa tawnan iklliramuspa waytachkasqa hinaspam almendraskunatapas poqosqataña ruruchkasqa.

Chuya Qellqa 1992

⁸ Paqarinnintinta Tayta Diosman asuykuna carpaman Moisés yaykuykuptinmi, Leví ayllumanta kaq Aaronpa tawnan iklliramuspa waytachkasqa, hinaspam almendraskunata rururusqa.

Números 17:8 Iomraidhean Croise

Génesis 40:10

Chay uvas sacham kimsa kallmayuq kasqa, ikllimuspam sisamuchkasqa, hinaptinmi uvaspa rurun poqorusqa.

Cantares 2:3

Imaynam purun sachakunapa chawpinpi manzana, chaynam kuyakusqaypas jovenkunapa chawpinpi. ¡Mayna sumaqmi llantuyninpi tiyaykuyniyqa! ¡Mayna miskim rurunpas mikuykuptiyqa!

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Ezequiel 17:24

Chaynapim llapallan purun sachakunapas Tayta Dios kasqayta yachanqaku, hatun tukuq sachata pampaman wikapaspaymi taksa kaq sachataña wiñachisaq, verde sachatam chakichini chaki sachatañataqmi verdeyachini. Ñoqa Tayta Diosqa imam nisqaytaqa cumplinipunim, nispa.

Ezequiel 19:12

Ichaqa piñakuywan chutaruspankum pampaman wischuykurqaku. Intipa qespimunan lawmanta hamuq wayra chakirachiptinmi rurunkunapas wichirurqa, kallmankunapas chakiruptinmi ninamanña wischuykurqaku.

Ezequiel 19:14

Kikinpa kallmanmanta nina lloqsispam ikllipankunatawan rurunkunatapas ruparun, kallmankunapas manañam kanñachu reypa varan ruwanankupaqpas. Kayqa aya takim, llakipi kaspa takinankupaqmi kanqa.

Números 16:5

Hinaspam Coreytawan hamuqmasinkunata nirqa: Paqarinmi Tayta Dios, pim paypa kasqanta hinaspa pim paypaq sapaqchasqa kasqantapas qawachiwasunchik. Tayta Diosqa akllakusqan runallatam kikinmanqa asuykachinqa.

Números 17:5

Akllasqay runapa tawnanta ikllirachiptiymi ñoqapa qayllaypi Israelpa mirayninkuna manaña contraykichikpi rimanqakuñachu, nispa.

Números 17:9

Chaymi Tayta Diospa qayllanmanta tawnakunata Moisés hurqoramurqa Israelpa mirayninkuna qawanankupaq, hinaptinmi qawaykuspanku tawnankuta sapakama hapirqaku.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.