Números 17:5 - CHUYA QELLQA La Biblia en Quechua de Ayacucho 2012

⁵ Akllasqay runapa tawnanta ikllirachiptiymi ñoqapa qayllaypi Israelpa mirayninkuna manaña contraykichikpi rimanqakuñachu, nispa.

Quechua Ayacucho Bible 1987

⁵ Akllasqay runapa tawnanta ikllirachiptiymi Israelpa mirayninkunaqa manaña contraykichikpi rimanqakuñachu qayllaypiqa —nispa.

Chuya Qellqa 1992

⁵ Akllasqay runapa tawnanta ikllirachiptiymi ñoqapa qayllaypi Israelpa mirayninkuna manaña contraykichikpi rimanqakuñachu, nispa.

Números 17:5 Iomraidhean Croise

2~Crónicas 26:16

Ichaqa ancha atiyniyuq rikuriruspanmi Uziasqa llumpay hatun tukuqllaña rikurirurqa chaynapim wichirurqa. Hatun tukuyninman hinam Tayta Diospa contranpi hatarispan, huk punchaw templonman yaykuspan inciensota altarpi kañarqa, chay ruwayqa sacerdotekunallapa ruwanan kachkaptin.

Esdras 2:62

Paykunam ñawpaq taytankunapa sutinta listakunapi maskaspanku mana tarirqakuchu, chaynapim sacerdote kayninkumantapas hurqosqa karqaku.

Éxodo 16:7

Paqarin tutapaytañataqmi Tayta Diospa atiyninta qawankichik, paymi contranpi rimasqaykichikta uyarirun. Ñoqaykuqa, ¿pitaq kaniku contraykupi rimanaykichikpaqqa? nispanku.

Isaías 11:1

Isaipa takarpunmantam huk kaspi ikllimunqa, sapinmantam ikllipan wiñamunqa.

Isaías 13:11

Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Isaías 27:6

Hamuq punchawkunapim Jacobqa sapichakunqa, Israelmi chikllispa sisanqa rurunkunam kay pachata huntaykunqa.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Ezequiel 16:41

Wasikitapas kañaspankum llapa warmikunapa qayllanpi juzgasunki. Chaynapim hukwan-hukwan qanrakuynikita puchukarachisaq, hinaptinmi waynaykikunamanpas manaña pagankiñachu.

Ezequiel 23:27

Chaynatam Egipto nacionpi kaspa huchapakuynikitawan hukwan-hukwan qanrakuynikita puchukachisaq, chaynapim Egipto naciontaqa manaña rikunkichu nitaqmi runankunatapas yuyarinkiñachu.

Oseas 14:5

Israelpa mirayninkunapaq sulla hinaraq kaptiymi paykunañataq amanqay hinaraq waytarinqaku, Líbano montepi sachakuna hinaraqmi sapinchakunqaku.

Números 1:51

Carpata apanaykichik kaptinqa, Leví ayllukunam paskanqaku hinaspa sayachinqakupas. Pipas mana Leví ayllumanta kachkaspan carpaman asuykuqqa wañuchisqam kanqa.

Números 11:1

Huk punchawmi Israelpa miray-ninkuna sasachakuykunapi kaspanku Tayta Diospa contranpi rimarqaku. Chaymi pay anchallataña piñakuruspan campamentopa muyuriqninta ninawan kañarurqa.

Números 16:11

¿Pitaq Aaronqa karqa paypa contranpi rimanaykichikpaq? Qamqa llapallan hamuqmasikikunawanmi Tayta Diospa contranpi hatarirunkichik, nispa.

Números 16:5

Hinaspam Coreytawan hamuqmasinkunata nirqa: Paqarinmi Tayta Dios, pim paypa kasqanta hinaspa pim paypaq sapaqchasqa kasqantapas qawachiwasunchik. Tayta Diosqa akllakusqan runallatam kikinmanqa asuykachinqa.

Números 17:10

Hinaptinmi Moisesta Tayta Dios nirqa: Aaronpa tawnanta Arcapa ñawpaqninman kutiykachiy, mana kasukuq Israelpa mirayninkuna chayta qawaspa manaña contraypi rimanankupaq hinaspa mana wañunankupaq, nispa.

Números 17:6

Israelpa mirayninkunaman Moisés chayta niptinmi, sapa ayllupi kamachikuq tawnanta qorqa, chaymi chunka iskayniyuq tawnakuna karqa. Aaronpa tawnanpas paykunapa tawnanwanmi karqa.

Números 17:8

Paqarinnintinta Tayta Diosman asuykuna carpaman Moisés yaykuykuptinmi, Leví ayllumanta kaq Aaronpa tawnan iklliramuspa waytachkasqa, hinaspam almendraskunata rururusqa.

1~Corintios 10:10

Paykunamanta wakiqninku hinaqa amataqyá Diospa contranpiqa rimaychikchu, chayraykum paykunataqa wañuchiq ángel wañurachirqa.

Josué 4:7

hinaptinqa kaynatam ninkichik: “Jordán mayum iskayman rakikururqa, Tayta Diospa pacto ruwasqan Arcapa ñawpaqninpi. Chayraykum kay rumikunaqa churasqa kachkan Israelpa mirayninkuna wiñaypaq yuyarinankupaq”, nispa.