Números 17:10 - CHUYA QELLQA La Biblia en Quechua de Ayacucho 2012

¹⁰ Hinaptinmi Moisesta Tayta Dios nirqa: Aaronpa tawnanta Arcapa ñawpaqninman kutiykachiy, mana kasukuq Israelpa mirayninkuna chayta qawaspa manaña contraypi rimanankupaq hinaspa mana wañunankupaq, nispa.

Quechua Ayacucho Bible 1987

¹⁰ Hinaptinmi Moisesta Tayta Dios nirqa: —Aaronpa tawnanta kutichiy Chunkantin Kamachikuy waqaychana baulpa ñawpaqninman, mana kasukuq Israelpa mirayninkuna yuyarinankupaq chaynapim contraypi rimayninkuta tukuchinki manaña wañunankupaq —nispa.

Chuya Qellqa 1992

¹⁰ Hinaptinmi Moisesta Tayta Dios nirqa: Aaronpa tawnanta Arcapa ñawpaqninman kutiykachiy, mana kasukuq Israelpa mirayninkuna chayta qawaspa manaña contraypi rimanankupaq hinaspa mana wañunankupaq, nispa.

Números 17:10 Iomraidhean Croise

Éxodo 16:32

Chaymantam Moisés nirqa: Kaymi Tayta Diospa kamachikuynin, chay mikuymanta iskay kilota miraynikichikpaq waqaychaychik. Chaynapim paykuna qawanqaku Egipto nacionmanta hurqomuspa mikuy qosqayta, nispa.

Éxodo 16:34

Chaymi Moisesta Tayta Diospa kamachisqanman hina, Aaronqa Diospa Arcanpa ñawpaqninpi churarqa.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Oseas 10:9

Tayta Diosmi kaynata nin: Israelpa mirayninkuna, qamkunaqa mana allin runakunam kankichik; Gabaapi huchallikusqaykichikmantam kunankama huchallikuyta mana saqenkichikchu, chayraykum maymi huchallikusqaykichikpi chinkachisqa kankichik.

Números 14:5

Moiseswan Aaronñataqmi Israelpa llapallan mirayninkunapa qayllanpi qonqoranpa pampaman kumuykurqaku.

Números 16:21

¡Kay runakunamanta asurikuychik, kunallanmi wañurachisaq! nispa.

Números 16:38

Huchallikuruspa wañuq runakunapa qontichinankuqa, inciensota ñoqa Tayta Diosman ofrecemuwasqankuraykum chuyanchasqa kachkan. Chaynaqa, llaspayachispa chaywan altarpa hawanman laqachun, Israelpa mirayninkunapaq señal kananpaq, nispa.

Números 16:40

chayta qawaspa Israelpa mirayninkuna yuyarispanku pipas mana Aaronpa mirayninmanta kaspaqa Tayta Diosman inciensota ama ofrecenanpaq, chaynapi Coreywan runankuna hina mana wañurunankupaq. Chaymi Eleazar ruwarqa imaynam Moisesman Tayta Diospa kamachisqanman hina.

Números 17:11

Chaymi Moisesqa, Tayta Diospa kamachisqanman hina ruwarqa.

Números 17:4

Chay tawnakunataqa ñoqaman asuykuna carpapim Arcapa ñawpaqninpi churanki, chaypim qamkunawan tupasaq.

Números 17:9

Chaymi Tayta Diospa qayllanmanta tawnakunata Moisés hurqoramurqa Israelpa mirayninkuna qawanankupaq, hinaptinmi qawaykuspanku tawnankuta sapakama hapirqaku.

Números 20:9

Chaymi Moisés, Tayta Diospa qayllanmanta tawnata hoqarirqa, paypa kamachisqanman hina.

Números 4:18

Leví ayllumanta kaq Coatpa mirayninkunataqa amam qollurachinkichikchu.

1~Corintios 10:10

Paykunamanta wakiqninku hinaqa amataqyá Diospa contranpiqa rimaychikchu, chayraykum paykunataqa wañuchiq ángel wañurachirqa.

Efesios 5:6

Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun.

Deuteronomio 9:24

Qamkunaqa reqsisqay punchawmantapunim Tayta Diosta mana kasukuq runakuna karqankichik.

Deuteronomio 9:7

Kaytayá yuyariychik: Señornikichik Tayta Diosta chunniqpi piñachisqaykichiktaqa amam haykapipas qonqarunkichikchu. Egipto nacionmanta lloqsimusqaykichikmanta kayman chayamunaykichikkamam Tayta Diostaqa mana kasurqankichikchu.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.

1~Samuel 2:12

Eliypa churinkunam karqaku mana allin ruwaqkuna. Paykunaqa manam Diosta manchakurqakuchu,

1~Samuel 30:22

Ichaqa Davidwan riqkunamantam, wakiqnin kikillankupaq munaq mana allin runakuna nirqaku: Enemigonchikmanta imakunapas qechu-musqanchiktaqa, mana reysiwaqninchik runakunamanqa manam imatapas qochwanchu, paykunaqa warminkutawan churinkunata pusakuspayá sapakama kutikuchunku, nispanku.