Números 16:9 - CHUYA QELLQA La Biblia en Quechua de Ayacucho 2012

⁹ Diosman asuykuna carpapi servikuspa Tayta Diospa qayllanpi Israelpa mirayninkunata servinaykichikpaqmi paykunamanta akllasurqankichik. ¿Chaytachu qamkuna yanqapaq hapinkichik?

Quechua Ayacucho Bible 1987

⁹ Diosman asuykuna karpapi servikuspa hinaspa Tayta Diospa qayllanpi kaspa Israelpa mirayninkunata servinaykichikpaqmi paykunamanta akllasurqankichik. Chaytachum qamkuna ¿yanqapaq hapinkichik?

Chuya Qellqa 1992

⁹ Diosman asuykuna carpapi servikuspa Tayta Diospa qayllanpi Israelpa mirayninkunata servinaykichikpaqmi paykunamanta akllasurqankichik. ¿Chaytachu qamkuna yanqapaq hapinkichik?

Números 16:9 Iomraidhean Croise

Génesis 30:15

Leañataqmi nirqa: ¿Qosayta qechuruwachkaspaykipas wawaypa apamusqan mandrágoras frutataraqchu qechuruwayta munachkanki? nispan. Hinaptinmi Raquel nirqa: Jacobchiki kunan tuta qanwan puñunqa, wawaykipa apamusqan mandrágoras fruta qowasqaykimanta, nispa.

2~Samuel 7:19

Chaypas asllapaqraq rikchakapusuptikim kay serviqnikipa mirayninkuna imaynam kananmantapas rimapayaykuwankiraq. Señor Diosnilláy, ruwasqaykita hinaqa manam ima runapas ruwanchu.

2~Crónicas 35:3

Israel runakunata yachachiq levitakunatapas otaq Tayta Diospaq sapaqchasqa kaqkunatapas kaynatam nirqa: Tayta Diospa Arcanta Israelpa reynin Davidpa churin Salomonpa ruwachisqan temploman churamuychik, chaynapi amaña hombronaykichikpaq. Kunanqa Tayta Diostawan Israel llaqtantañayá serviychik.

Nehemías 12:44

Chay tiempopim, qori-qollqetawan, ofrendakunata, punta kaq rurukunata hinaspa diezmokuna waqaychana almacenkunata nanachikuq runakunata akllarqaku, chaynapi kamachikuypa nisqanman hina, sacerdotekunapaq chaynataq levitakunapaq tupaqnin apamusqankuta waqaychanankupaq. Judá runakunam kusisqa karqaku sacerdo-tekunapa hinaspa levitakunapa servikusqankuwan.

Isaías 7:13

Chaymi Isaías nirqa: Rey Davidpa castankuna, kayta uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Ezequiel 34:18

¿Allinpaqchu hapinkichik allinnin pastota mikukuruchkaspa puchuqnintañataq saruparuyta? ¿Allinpaqchu hapinkichik chuya yakuta tomakuruchkaspa puchuqnintañataq putkacharuyta?

Ezequiel 44:16

Paykunam temployman yaykuspanku serviwanankupaq altarniyman asuykunqaku, hinaspam chaypi ruwana kaqkunata ruwanqaku.

Números 1:53

Leví ayllum ichaqa santuariopa muyuriqninpi samanqa, chaynapim Israel ayllukunapa contranpi ñoqa Tayta Dios mana piñakusaqchu. Chaynaqa, Leví ayllukunam ñoqaman asuykamuwananku carpata nanachikunankupaq, nispa.

Números 16:13

¿Yanqapaqchu rikchakapusunki tukuy imapapas kanan Egipto nacionmanta pusaramuwaspaykiku kay chunniqpi wañurachiwaynikiku? ¿Kamachikuq hinachu ñoqaykupi munaychakuyta munanki?

Números 16:8

Chaymantam Coreyta Moisés nirqa: Leviypa mirayninkuna uyariykuwaychik:

Números 3:6

Leví aylluta qayay chaynapi sacerdote Aaronta yanapanankupaq.

Números 3:9

Israelpa mirayninkunamantam Leví aylluta Aaronman hinaspa mirayninkunaman qonki.

Hechos 13:2

Huk punchawmi, ayunaspanku Señorta yupaychachkaptinku, Chuya Espíritu nirqa: Bernabeytawan Saulota sapaqchapuwaychik, paykunataqa qayarqani kamachisqayta ruwanankupaqmi, nispa.

1~Corintios 4:3

Ñoqataqa manam imapas qokuwanchu qamkuna juzgawaynikichikpas otaq juezpa juzgasqan kaypas, nitaqmi kikiypas juzgakunichu.

Deuteronomio 10:8

Chay tiempopim Leví aylluta Tayta Dios akllarqa, paykunaña pacto Arcata apanankupaq chaynataq payta servispa paypa sutinpi bendicionninta mañakunankupaq. Kunankamapas hina chaynallatam ruwachkanku.

1~Samuel 18:23

Saulpa serviqninkuna chaynata willaykuptinkum paykunata David nirqa: ¿Yanqallapaqchu reypa masan karuyta hapinkichik? Ñoqaqa wakcham kani, nitaqmi reqsisqachu kani, nispa.