Números 16:29 - CHUYA QELLQA La Biblia en Quechua de Ayacucho 2012

²⁹ Sichum kay runakuna allin wañukuyllata wañunqaku wakin runakunapa wañusqanta hinalla, hinaptinqa chaypim yachankichik Tayta Dios mana kachamuwasqanta.

Quechua Ayacucho Bible 1987

²⁹ Sichu kay runakuna wañukunqa wakin runakunapa wañukunanta hinalla hinaptinqa, yachankichikmi Tayta Diosqa mana kachamuwasqanta.

Chuya Qellqa 1992

²⁹ Sichum kay runakuna allin wañukuyllata wañunqaku wakin runakunapa wañusqanta hinalla , hinaptinqa chaypim yachankichik Tayta Dios mana kachamuwasqanta.

Números 16:29 Iomraidhean Croise

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

1~Reyes 22:28

Chaymi Micaías nirqa: Sichum hawkalla kutimunki hinaptinqa manam Tayta Dioschu ñoqantakama rimarirqa. Chaynaqa, llapa runakuna nisqayta uyariychik, nispa.

2~Crónicas 18:27

Micaiasñataqmi nirqa: Sichum vencespa kutimunki hinaptinqa manam Tayta Dioschu ñoqantakama rimarirqa, nispa. Chaymantapas nirqataqmi: Llapallan llaqtakuna uyariychik, nispa.

Jobwan Sutichasqa Libro 35:15

Qanmi ninki, payqa manam piñakunchu nitaqmi castigakunchu, maynataña huchallikusqapas manam cuentatapas qokunchu, nispayki.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 32:34

Chaynaqa, kunan kutispa chay runakunata maymi nisqayman pusay. Angelniymi pusasunki, castiganay punchaw chayamuptinñam paykunataqa huchankumanta castigasaq, nispa.

Eclesiastés 3:19

Runakunapas animalkunapas chay destinoyuqllam, hina chayna wañuqkamallam, chay samayllawanmi kawsankupas. Runaqa manam animalmanta maschu. ¡Chaypas waspiy hina chinkaruqllam!

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Jeremías 5:9

Tayta Diosmi kaynata nin: ¿Manachu chaykuna ruwasqanmanta castigasaq? ¿Manachu chayna llaqtaman merecesqanta qopusaq?

Lamentaciones 4:22

Sión llaqta, castigasqa kaynikiqa tukurunñam, Tayta Diosqa manañam presota apachisunkiñachu. Edom nacionpi kaqkuna, Tayta Diosmi huchaykichikmanta castigasunkichik, huchaykichiktam lliwman qawachinqa.

Apocalipsis 11:5

Sichum pipas paykunata imanaytapas munaptinqa siminkumanta lloqsimuq ninam enemigonkuta kañarunqa, chaynatam wañunqa imanaruy munaqpas.