Números 16:28 - CHUYA QELLQA La Biblia en Quechua de Ayacucho 2012

²⁸ Hinaptinmi Moisés nirqa: Kunanmi yachankichik kaykunata ruwanaypaq Tayta Dios kamachimuwasqanta, manam kikillaymantachu kaykunataqa ruwani.

Quechua Ayacucho Bible 1987

²⁸ Hinaptinmi Moises nirqa: —Kunanmi yachankichik mana kikillaymantachu kaykuna rurasqayta, aswanqa yachankichikmi Tayta Dios kachamuwaptin kaykuna rurasqaytaqa.

Chuya Qellqa 1992

²⁸ Hinaptinmi Moisés nirqa: Kunanmi yachankichik kaykunata ruwanaypaq Tayta Dios kamachimuwasqanta, manam kikillaymantachu kaykunataqa ruwani.

Números 16:28 Iomraidhean Croise

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 4:12

Chaynaqa, kunan riy, ñoqam rimachiqniki kasaq, ñoqataqmi imam rimanaykitapas yachachisqayki, nispa.

Éxodo 4:15

Qanmi payta rimapayanki, yachachinkitaqmi imam ninantapas; imam rimanaykichiktawan imam ruwanaykichiktaqa ñoqam yachachisqaykichik.

Éxodo 7:9

“Milagrota qawachiway” nispa Faraón nisuptikichikqa, Aarontam ninki: Tawnaykita hapispa Faraonpa ñawpaqninman wischuykuy maqta uruman tikrakunanpaq, nispa.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Ezequiel 13:17

Runapa churin, runaykuna ukupi profeta tukuq warmikunata qaway. Paykunaqa kikinkupa sonqonkumanta hurqospam rimachkanku, chaynaqa paykunapa contranpi

Zacarías 2:9

Chayraykum chay nacionkunawan kikiy peleasaq, criadonkunallawanmi tukuy imankutapas qechurachisaq, nispa. Chaynapim yachankichik Tukuy Atiyniyuq Tayta Dios kachamuwasqanta.

Zacarías 4:9

Zorobabelmi kay templopa cimientonkunata churarqa, hina kikintaqmi qespichinqapas, nispa. Chaynapim yachankichik Tukuy Atiyniyuq Tayta Dios kachamuwasqanta.

Números 24:13

“Yachasqayki palaciopi huntataña qorita qollqeta qowaptikipas, Tayta Diospa kamachiwasqanpa contranpiqa manam imatapas ruwaymanchu. Allin kaqtapas otaq mana allin kaqtapas kikillaymantaqa manam ruwaymanchu, Tayta Diospa niwasqallantam rimasaq nispay”.

Juan 11:42

Ñoqaqa yachanim chay-lla uyariwaqniy kasqaykita, kaytaqa nichkayki muyuriqniypi runakuna kasqanraykum, chaynapi kachamuwasqaykita creenankupaq.

Juan 14:11

¿Manachu creenkichik ñoqaqa Taytapi kasqayta, Taytañataq ñoqapi kasqanta? Mana chayqa imakuna ruwasqaykunawanyá creewaychik.

Juan 5:30

Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.

Juan 5:36

Ichaqa Juanpa willakusqanmantapas aswan valorniyuq testigoyqa, ruwanaypaq Tay-tapa kamachimuwasqan kaqkuna ruwas-qaymi, chaykunam Taytapa kachamuwasqanmantaqa willakunku.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Deuteronomio 18:22

Sichum Tayta Diospa sutinpi profetapa rimasqan mana cumplikuptinqa manam Tayta Diospa nisqanchu. Chay profetaqa kikillanmantam hatun tukuspa rimarqa. Paytaqa amam manchakunkichikchu.