Números 16:11 - CHUYA QELLQA La Biblia en Quechua de Ayacucho 2012

¹¹ ¿Pitaq Aaronqa karqa paypa contranpi rimanaykichikpaq? Qamqa llapallan hamuqmasikikunawanmi Tayta Diospa contranpi hatarirunkichik, nispa.

Quechua Ayacucho Bible 1987

¹¹ Aaronqa ¿pitaq karqa paypa contranpi rimanaykichikpaqqa? Qamqa llapallan compañaqnikikunapiwanmi Tayta Diospa contranpi huñunakurunki —nispa.

Chuya Qellqa 1992

¹¹ ¿Pitaq Aaronqa karqa paypa contranpi rimanaykichikpaq? Qamqa llapallan hamuqmasikikunawanmi Tayta Diospa contranpi hatarirunkichik, nispa.

Números 16:11 Iomraidhean Croise

1~Crónicas 26:19

Chayna rakisqam karqaku punkukunata nanachikuqkuna, paykunaqa karqaku Coreypa hinaspa Meraripa mirayninkunam.

Éxodo 17:2

Chaymi runakunañataq Moiseswan atipanakuspa nirqaku: ¡Yakuta tomanaykupaq qowayku! nispanku. Hinaptinmi paykunata Moisés nirqa: ¿Imanasqataq ñoqata mañapayawankichik? ¿Imanasqataq Tayta Diosta tentaspa pruebankichik? nispa.

Números 11:1

Huk punchawmi Israelpa miray-ninkuna sasachakuykunapi kaspanku Tayta Diospa contranpi rimarqaku. Chaymi pay anchallataña piñakuruspan campamentopa muyuriqninta ninawan kañarurqa.

Números 16:12

Moisesqa qayachirqataqmi Eliabpa churin Datantawan Abiramtapas. Ichaqa paykunam nirqaku: Ñoqaykuqa manam hamusaqkuchu.

Números 16:3

Paykunam huñunakuruspanku Moisespa hinaspa Aaronpa contranpi kaynata nirqaku: ¡Qamkunapa munaychakuynikichikqa kaykamallayá kachun! Diosqa kay runakunataqa llapallantam sapaqcharqa, Tayta Diospas llapanchikwanmi kachkan. ¿Chaynaqa, imanasqataq qamkunalla Tayta Diospa llaqtanpi munaychakuchkankichik? nispanku.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Juan 13:20

Cheqaptapunim nikichik, ñoqapa kachasqayta pipas chaskiqqa ñoqatapunim chaskiwan, ñoqa chaskiwaqniyñataqmi kachamuwaqniy Taytayta chaskin.

Hechos 5:4

¿Manachum chakraykiqa qampa karqa? Ña rantikuruptikiqa, ¿manachum makillaykipi chay qollqeqa karqa? Manam runakunatachu llullakurunkiqa, aswanqa Diostam, nispa.

Romanos 13:2

Chaynaqa, pipas kamachikuqkunapa contranpi sayariqqa Diospa kamachikuyninpa contranpim kachkan, chayna sayariqkunaqa castigasqam kanqaku.

1~Corintios 10:10

Paykunamanta wakiqninku hinaqa amataqyá Diospa contranpiqa rimaychikchu, chayraykum paykunataqa wañuchiq ángel wañurachirqa.

1~Corintios 3:5

Aswanqa, ¿pitaq Apolosqa? ¿Pitaq ñoqaqa kani? Ñoqaykuqa Diospa serviqnillanmi kaniku, ñoqaykutakamam iñikurqankichikpas, ñoqaykuqa sapakamam Señorpa qowasqankuta ruwarqaniku.

Judas 1:16

Paykunaqa runamasinpa qepan-pim rimanku, quejakuspallam purinku, kikillankupa munasqankuman hinam purinku, hatun tukuspankuraqmi rimankupas, hinaspam runakunata alabanku imatapas paykunamanta chaskirunankurayku.

1~Samuel 8:7

Hinaptinmi Samuelta Tayta Dios nirqa: Uyariy runakunapa tukuy ima mañakususqaykita, manam qamtachu qepan-chakusunkiqa, aswanqa ñoqatam, manam paykunaqa reynin kanayta munankuchu.