Números 15:39 - CHUYA QELLQA La Biblia en Quechua de Ayacucho 2012

³⁹ Chay kipuyuq qaytukunata qawarispaykichikmi kasukunaykichikpaq ñoqapa kamachikuyniykunata yuyarinkichik, chaynapim chuchumika warmi hinaqa sonqoykichikpa mana allin munasqankunapiqa manaña purinkichikchu.

Quechua Ayacucho Bible 1987

³⁹ Sapa chay kipuyoq qaytukunata qawarispaykichikmi ñoqapa kamachikuyniykunata yuyarinkichik kasukunaykichikpaq chaynapim pierdekuq warmi hina sonqoykichikpa mana allin munasqankunapiqa manaña purinkichikchu.

Chuya Qellqa 1992

³⁹ Chay kipuyuq qaytukunata qawarispaykichikmi kasukunaykichikpaq ñoqapa kamachikuyniykunata yuyarinkichik, chaynapim chuchumika warmi hinaqa sonqoykichikpa mana allin munasqankunapiqa manaña purinkichikchu.

Números 15:39 Iomraidhean Croise

1~Reyes 12:33

Hinaspam Bet-el llaqtapi altar ruwachisqanpi pusaq kaq killapa chunka pichqayuq punchawninpi sacrificiokunata ofrecerqa, chay fiesta ruwachisqan killataqa akllarqa sonqonpa munasqanman hinam. Israelpa mirayninkunapaqmi hatun fiestata ruwachispan kikinpuni altarpi inciensota kañarqa.

Jobwan Sutichasqa Libro 31:7

Sichum allin ñanmanta rakikuruptiyqa, sichum hukpa kaqta munapayaptiyqa, sichum runapa kaqta makiypi tariruptinqa,

Éxodo 13:9

Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Proverbios 28:26

Kikillanpi hapipakuq runaqa mana yachayniyuq runam, yachaywan kawsakuqmi ichaqa librasqa kanqa.

Proverbios 3:1

Churilláy, yachachikuyniykunata ama qonqaychu, kamachikuyniykunata sonqoykipi waqaychay,

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Ezequiel 6:9

Wañuymanta puchuqkunam may nacionmanña preso apasqa kaspankupas ñoqamanta yuyarinqaku. Paykunaqa waqllikuruq warmi hina kaspanku idolokunataña yupaychanankupaq ñoqata saqeruwasqankumanta castigasqaytam yuyarinqaku, hinaspam kikinkupunipas millakuypaq ruwasqankumanta penqakunqaku.

Oseas 2:2

Tayta Diosmi nin: Mamaykichikta uyanpi niychik, payqa manam warmiyñachu, nitaqmi ñoqapas qosanñachu kani; chuchumika kayninta saqechun, qarikunawan qanrakuyninta qonqachun.

Deuteronomio 29:19

Sichum pipas, kay pactopi kaq ñakaykunata uyarichkaspan sonqonpi kaynata alabakunman: “Rumi sonqo kaspay munasqayta ruwakuptiypas, tukuy imam allinpuni lloqsiwanqa”, nispa. Chayna runaqa llapallan runakunatam urmarachinqa.

Deuteronomio 4:23

Qamkunawan Señornikichik Tayta Diospa pacto ruwas-qantaqa amam qonqarunkichikchu. Señornikichik Tayta Diosqa manam munanchu imaman rikchakuq idolotapas ruwakunaykichiktaqa.

Deuteronomio 6:12

Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik.

Deuteronomio 8:11

Señornikichik Tayta Diostaqa amam qonqarunkichikchu. Kay kamachisqay kamachikuyninkunata, estatutokunata hinaspa decretokunataqa amam qonqarunkichikchu.

Deuteronomio 8:14

amam hatun tukuqqa rikurirunkichikchu, nitaqmi Señor-nikichik Tayta Diostapas qonqarunkichikchu, payqa Egipto nacionpi esclavo kasqaykichikmantam hurqomusurqankichik.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.