Números 15:20 - CHUYA QELLQA La Biblia en Quechua de Ayacucho 2012

²⁰ Punta trigo trillasqaykichikmantawan puntata masa chapusqaykichikmanta tantatam ñoqaman ofrecewankichik.

Quechua Ayacucho Bible 1987

²⁰ Puntallaraq kuta rurasqaykichikmantaqa tanta ofrendatam ofrecewankichik. Chay ofrendaqa kanqa eramanta horqosqaykichik ofrendam.

Chuya Qellqa 1992

²⁰ Punta trigo trillasqaykichikmantawan puntata masa chapusqaykichikmanta tantatam ñoqaman ofrecewankichik.

Números 15:20 Iomraidhean Croise

Nehemías 10:37

Chaynallataq Diosniykupa templonpi almacenkunaman harinaykumanta primiciata, ofrendaykumanta, sachaykupa rurunmanta, vinomanta, aceitemanta primiciaykuta Tayta Diospa templonpi servikuq sacerdotekunaman apamunaykupaqpas hinaspa cosechasqaykupa diezmonkunata llapa levitakunaman qonaykupaqpas. Paykunam chaykunata llaqtan-llaqtan maymi llamkasqaykumanta huñumuqku.

Éxodo 23:19

Chakrapi tarpusqaykipa punta kaq allinnin ruruntam ñoqa Tayta Diospa wasiyman apamunki. Uña cabrachataqa amam mamanpa lechenpiqa yanunkichu.

Éxodo 34:26

Allpaykichikpi wiñaqmanta punta cosechasqaykichiktaqa allin kaqnintam ñoqa Tayta Diospa wasiyman apamuwankichik. Amam uña cabrachataqa mamanpa lechenpiqa yanunkichu.

Ezequiel 44:30

Paykunapataqmi kanqa tarpukuynikichikpa punta kaq rurunkunapas chaynataq ofrendakunapas. Tantata ruwanaykichikpaq masa ruwasqaykichikmantapas allinnintam qonkichik. Chaynapim wasikichikta bendecisaq.

Levítico 2:12

Levaduratawan mieltaqa ofrecewankichik punta cosechaykichikmanta ofrendata hinam. Ichaqa amam miskillaña asnariq ofrendata hinaqa altarpiqa kañankichikchu.

Levítico 2:14

Pipas tarpusqanmanta punta kaq allinnin rurunta ofrecewaspanqa, puntata poqoq kawsaytam hamkasqata hinaspa chamchasqata apamunqa. Chayqa kawsaykunamanta punta kaq allinnin ofrendam.

Levítico 23:20

Chay animalkunatam ñoqa Tayta Diospa ñawpaqniypi sacerdote kuyuchispan ofrecemuwanqa punta rurukunamanta tantayuqta chaynataq iskay carneroyuqta, chaykunaqa ñoqapaq sapaqchasqa kasqanraykum sacerdotepaq kanqa.

Números 15:21

Ñoqa Tayta Diosmanmi wiñaypaq chaynata ofre-cewankichik.

Números 18:12

Qoykitaqmi ñoqa Tayta Diosman ofrecewanankupaq Israel miraykunapa puntallaraq hurqosqanku aceitetapas, vinotapas hinaspa trigomanta ofrendatapas.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Romanos 11:16

Pipas tantata ruwakuspan puntata Diospaq rakipuptinqa, llapallan tantam Diospaña sapaqchasqa rikurirun. Chaynataqmi sachapa sapinpas Diospaq sapaqchasqa kaptinqa kallmankunapas paypaña rikurirun.

1~Corintios 15:20

¡Manam chaynachu! Cristoqa kaw-sarimurqam, payqa wañuqkunamanta punta kawsarimuqmi.

Deuteronomio 14:22

Cosechaykichikmantam watan-watan mana tipiyta diezmota hurqonkichik:

Deuteronomio 14:23

Trigomanta, vinomanta hinaspa aceitemanta rakisqaykichik diezmotawan, vacaykichikmanta hinaspa ovejaykichikmanta hurqosqaykichik punta uñankunatam Señornikichik Tayta Diospa qayllanpi mikunkichik, mikunkichikqa sutin reqsisqa kananpaq akllakusqan sitiopim, chaynapi pay kasukuyta yachanaykichikpaq.

Deuteronomio 16:13

Trigo cosechatawan uvas saruyta tukuruspañataqmi Ramada fiestata qanchis punchaw ruwankichik.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.