Números 14:9 - CHUYA QELLQA La Biblia en Quechua de Ayacucho 2012

⁹ Chaynaqa, ama Tayta Diospa contranpi hatariychikchu, nitaq chay allpapi runakunatapas manchakuychikchu, paykunataqa manam pipas yanapanchu, ñoqanchikwanmi ichaqa Tayta Dios kachkan, tantata mikuchkaq hinallam vencerusunchik, nispanku.

Quechua Ayacucho Bible 1987

⁹ Chaynaqa amayá Tayta Diospa contranpiqa hatariychikchu nitaq chay allpapi runakunatapas manchakuychikchu. Paykunataqa tantata mikuchkaq hinam facillata vencerusunchik. Paykunataqa manam pipas yanapanchu. Ñoqanchikwanmi ichaqa Tayta Diospuni kachkan —nispa.

Chuya Qellqa 1992

⁹ Chaynaqa, ama Tayta Diospa contranpi hatariychikchu, nitaq chay allpapi runakunatapas manchakuychikchu, paykunataqa manam pipas yanapanchu, ñoqanchikwanmi ichaqa Tayta Dios kachkan, tantata mikuchkaq hinallam vencerusunchik, nispanku.

Números 14:9 Iomraidhean Croise

Génesis 48:21

Chaymantam Joseyta Israel nirqa: Ñoqaqa wañukusaqñam, ichaqa Diosmi qamkunawan kanqa, hinaspam ñawpaq taytaykichikkunapa allpanman kutichisunkichik.

2~Crónicas 13:12

Chaynaqa, yachaychikyá, Diosniykuqa kamachiqniyku hinam ñoqaykuwan kachkan, trompeta tocaq sacerdotekunapas ñoqaykuwantaqmi kachkan qamkunapa contraykichikpi tocanankupaq. Chaynaqa, Israelpa mirayninkuna, ñawpaq taytaykichikpa Diosninpa contranpiqa amayá peleaychikchu, manam imaynata ruwaspapas venceyta atiwaqchikchu, nispa.

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

2~Crónicas 20:17

Manam qamkunachu chay guerrapiqa peleankichik, chaynaqa maymi kasqaykichikpim qasillalla kankichik, hinaspam qawankichik imaynam Tayta Diospa librasusqaykichikta. Chaynaqa, Judá runakuna hinaspa Jerusalenpi kaqkuna, ama manchakuychikchu nitaq hukmanyaychikchu, paykunapa contranpi paqarin lloqsinkichik, Tayta Diosmi qamkunawan kanqa, nispa.

2~Crónicas 32:8

Payqa runakunapa kallpallanwanmi kachkan, ñoqanchikwanmi ichaqa Tukuy Atiyniyuq Diosninchik kachkan, peleaptinchikqa paymi yanapawasun, nispa. Hinaptinmi Judá nacionpa reynin Ezequiaspa nisqanwan llapa runakuna kallpanchakururqaku.

Nehemías 4:14

Hinaspaymi mancharisqallaña kasqankuta qawarispay, llapa kamachikuqkunatawan ancha reqsisqa runakunata hinaspa llapa runakunata kaynata nirqani: Ama paykunataqa manchakuychikchu, Diosninchikpa ancha atiyniyuq kasqantayá yuyariychik, chaynaqa aylluykichik, churikichikkuna, warmikichik hinaspa wasikichikrayku peleaychik, nispay.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Éxodo 33:16

Ñoqaykuwan mana riptikiqa, ¿imay-nataq yachasaqku llaqtaykita chaynataq ñoqatapas yanapawasqaykikutaqa? ¿Imapitaq ñoqapas hinaspa runaykikunapas kay pachapi runakunamanta rakisqa kasaqku? nispa.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Isaías 32:2

Paykunam sapakama wayramanta harkachikuna hina kanqaku, loco wayra-paramanta harkachikuna hinam kanqaku, chaki allpapi mayukuna hinam kanqaku, sinchi rupaypi qaqapa llantuynin hinam kanqaku.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Jeremías 1:19

Contraykipi peleaspankupas manam vencesunkichu, ñoqam qanwan kachkani libranaypaq, ñoqa Tayta Diosmi chaynata niki, nispa.

Jeremías 42:11

Ñoqa Tayta Diosmi kaynata nini: Manchachisuqnikichik Babilonia nacionpa reynintaqa ama manchakuychikchu. Ñoqam qamkunawan kachkani salvanaypaq hinaspa paymanta libranaypaq.

Jeremías 48:45

Wakin runam mana kallpayuqña lluptirunku, Hesbón llaqtapi amparakunankupaqmi lluptirunku; ichaqa Hesbón llaqtamantam nina lloqsiramun, Sehón llaqtanmantam lenwachkaq nina lloqsiramun, Moab naciontam kuchun-kuchun ruparun, chaqwakuq llaqtatam uma puyukninkama ruparun.

Daniel 9:5

Ñoqaykuqa qampa contraykipi huchallikuruspam llumpa-llumpayta mana allinkunata ruwaruniku, kamachikuynikikunatawan yachachikuynikikunatapas mana kasukuspam qepanchakuruniku.

Daniel 9:9

Ñoqaykuqa manam kasurqaykikuchu, Señor Diosnillayku llakipayaykuwaspaykikum huchaykutapas pampachaykunki.

Números 13:30

Calebñataqmi, runakunata upallachispan Moisespa qayllanpi nirqa: Rispanchik chay allpata hapimusunchik, chaypi yachaq runakunataqa vencesunchikmi, nispa.

Números 17:6

Israelpa mirayninkunaman Moisés chayta niptinmi, sapa ayllupi kamachikuq tawnanta qorqa, chaymi chunka iskayniyuq tawnakuna karqa. Aaronpa tawnanpas paykunapa tawnanwanmi karqa.

Números 20:2

Yaku mana kasqanraykum runakuna Moisespa chaynataq Aaronpa contranpi hatarirurqaku.

Números 24:8

Paykunataqa Diosmi Egipto nacionmanta hurqomurqa, búfalo hina kallpasapallañam payqa. Israel runakunaqa Enemigon nacionkunatapas pasaypaqtam chinkachinqa, tulluntapas ñutuypaqmi ñutuparunqa, flechankunawanmi tuksiypaq tuksiparunqa.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 1:21

Señornikichik Tayta Diosmi kay allpata qoykusunkichik, chaynaqa ñawpaq taytanchikkunapa yupaychasqan Tayta Diospa nisqanman hinayá rispaykichik hapimuychik. Amayá manchakuychikchu nitaq hukmanyaychikchu”, nispa.

Deuteronomio 1:26

Ichaqa mana riyta munaspaykichikmi Señornikichik Tayta Diospa kamachisqanta mana kasukurqankichikchu.

Deuteronomio 1:29

Chaymi nirqaykichik: “Ama hukmanyaychikchu, nitaq paykunataqa manchakuychikchu.

Deuteronomio 31:6

Chaynaqa, kallpanchakuspa qarinchakuychik. Ama paykunata manchakuychikchu, amataq katkatataychikchu; Señornikichik Tayta Diosmi qamkunawan richkan, manam payqa saqerusunkichikchu nitaqmi qonqasunkichikchu.

Deuteronomio 31:8

Tayta Diosmi ñawpaqnikita rispan qanwan kanqa. Manam saqesunkichu nitaqmi qonqasunkichu, chaynaqa ama manchakuychu nitaq hukmanyaychu, nispa.

Deuteronomio 32:42

Flechaykunatam yawarwan sinkarachisaq, espadaymi aychata mikukunqa; wañuqkunapa, presokunapa yawarninta chapuparusaq, capitankunapa umantam mikukunqa”, nispa.

Deuteronomio 7:18

Chaywanpas amam paykunataqa manchakunkichikchu. Rey Faraonwan chaynataq Egipto runakunawan Señor-nikichik Tayta Diospa tukuy ima ruwasqantam yuyarinkichik.

Deuteronomio 7:21

Paykunapa qayllanpiqa ama katkatataychikchu. Qamkunawan kaq Señornikichik Tayta Diosmi manchakuypaq hatu-hatun Diosqa.

Deuteronomio 9:7

Kaytayá yuyariychik: Señornikichik Tayta Diosta chunniqpi piñachisqaykichiktaqa amam haykapipas qonqarunkichikchu. Egipto nacionmanta lloqsimusqaykichikmanta kayman chayamunaykichikkamam Tayta Diostaqa mana kasurqankichikchu.

Filipenses 1:27

Jesucristomanta allin noticia uyarisqaykichikman hinayá vidaykichik kachun. Watukamuspay otaq maypiña kaspaypas qamkunaman-tam uyariyta munani huk sonqolla qaqa hina sayaspa vencesqaykichikmanta, iñisqaykichik allin noticiata willaku-naykichikpaq kallpanchakusqaykichik-manta hinaspa

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Josué 14:12

Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

Jueces 1:22

José ayllukunapas Tayta Dios yanapaptinmi Bet-el llaqtapa contranpi rirqaku.