Números 14:5 - CHUYA QELLQA La Biblia en Quechua de Ayacucho 2012

⁵ Moiseswan Aaronñataqmi Israelpa llapallan mirayninkunapa qayllanpi qonqoranpa pampaman kumuykurqaku.

Quechua Ayacucho Bible 1987

⁵ Hinaptinmi Israelpa llapallan mirayninkunapa qayllanpi Moiseswan Aaron qonqoranpa pampaman kumuykurqaku.

Chuya Qellqa 1992

⁵ Moiseswan Aaronñataqmi Israelpa llapallan mirayninkunapa qayllanpi qonqoranpa pampaman kumuykurqaku.

Números 14:5 Iomraidhean Croise

Génesis 17:3

Chaymi Abramqa qonqoraykuspa pampakama kumuykurqa, hinaptinmi Dios kaynata nirqa:

1~Reyes 18:39

Llapa runakunañataqmi chayta rikuruspanku qonqoranpa pampaman kumuykuspa nirqaku: ¡Tayta Diosmi cheqap Diosqa, Tayta Diosmi cheqap Diosqa! nispanku.

1~Crónicas 21:16

Davidñataqmi qawarispan Tayta Diospa angelninta rikururqa kay pachapa altonpi kaspan espadanta hapiykuspan Jerusalén llaqtaman haywarayachkaqta. Chaymi Davidwan llapa ancianokuna, qachqa pachawan pachakuruspanku qonqoranpa pampaman kumuykurqaku.

Ezequiel 9:8

Wañuchinankukamam sapallayña qeparurqani. Chaymi qonqoranpa kumuykuspay kaynata qaparirqani: Dios Taytalláy, ¿Jerusalén llaqtaman piñakuynikita kachaykamuspachu Israelpa mirayninmanta asllaña puchuqkunatapas tukurunki? nispay.

Daniel 10:9

Rimasqanta uyariruspaymi pampaman qonqoranpa wichiykurqani.

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Números 14:6

Josueywan Calebpas llakimantam pachankuta llikipakurqaku. Paykunaqa allpata qawaq riqkunapa partenmi karqaku.

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Números 16:4

Chayta uyariruspanmi Moisesqa qonqoranpa pampaman kumuykurqa.

Números 16:45

Kay runakunapa chawpinmanta asuriychik, kunallanmi paykunata wañuchisaq, nispa. Hinaptinmi paykuna qonqoranpa pampaman kumuykurqaku.

Números 17:10

Hinaptinmi Moisesta Tayta Dios nirqa: Aaronpa tawnanta Arcapa ñawpaqninman kutiykachiy, mana kasukuq Israelpa mirayninkuna chayta qawaspa manaña contraypi rimanankupaq hinaspa mana wañunankupaq, nispa.

Números 20:6

Chaymi Moiseswan Aarón, runakunapa qayllanmanta Diosman asuykuna carpapa punkunman pasaspanku pampakama kumuykurqaku, chaypim Tayta Diospa kanchariynin paykunaman rikuriykamurqa.

Mateo 26:39

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Josué 5:14

Chay runañataqmi nirqa: Ñoqaqa Tayta Diospa tropankuna kamachiqmi kani, nispa. Hinaptinmi qonqoranpa kumukuykuspan Josué nirqa: Señorlláy, ¿imatataq kay serviqnikiman kamachiwanki? nispa.

Josué 7:10

Chaymi Josueyta Tayta Dios nirqa: ¿Imanasqataq pampapi qonqoraspa kachkanki? Hatariy.

Apocalipsis 4:10

iskay chunka tawayuq ancianokuna wiña-wiñay kawsaqpa otaq tronopi kaqpa qayllanpi qonqorakuspanku coronankuta ñawpaqninman churaykuspanku kaynata yupaychasqaku:

Apocalipsis 5:14

Chay tawa kawsaqkunañataqmi nirqaku: ¡Amén! nispa. Iskay chunka tawayuq ancianokunañataqmi qonqorakuykuspanku hatuncharqaku.

Apocalipsis 7:11

Llapallan angelkunam sayachkasqaku Diospa trononpa, ancianokunapa hinaspa tawa kawsaqkunapa muyuriqninpi. Chay angelkunam Diospa trononpa ñawpaqninpi pampakama kumuykuspanku payta yupaycharqaku: