Números 13:33 - CHUYA QELLQA La Biblia en Quechua de Ayacucho 2012

³³ Anacpa miraynin hatunkaray runakunatapas rikuramunikum, paykunapa qayllanpiqa aqaruway hinallam karqaniku, chayna sayayllatataqmi paykunapas qawawarqaku, nispanku.

Quechua Ayacucho Bible 1987

³³ Rikuramunikutaqmi Anacpa miraynin hatunkaray casta runakunatapas. Paykunapa qayllanpiqa karqaniku langosta hinallam, chayna sayayllapaqtaqmi paykunapas qawawarqaku —nispa.

Chuya Qellqa 1992

³³ Anacpa miraynin hatunkaray runakunatapas rikuramunikum, paykunapa qayllanpiqa aqaruway hinallam karqaniku, chayna sayayllatataqmi paykunapas qawawarqaku, nispanku.

Números 13:33 Iomraidhean Croise

Génesis 6:4

Diospa churinkuna llapa runakunapa warmi churinkunawan casarakuptinkum, churinku nacemurqa paykunam karqaku llumpay hatun sayayniyuq runakuna. Paykunaqa ñawpaqmantapacham ancha reqsisqa hinaspa guerrapi peleaq kallpasapa runakuna karqaku.

1~Crónicas 11:23

Egipto nacionniyuq hatunkaray runatapas lanza makintin hamuchkaqtam wañurachirqa. Chay egipcio runaqa karqa yaqa iskay metro parten sayayniyuqmi, lanzanñataqmi karqa telarpa rodillon hina. Benaiam huk kaspiwan pawaykurqa, hinaspam lanzanta qechuruspa chaywan wañurachirqa.

Isaías 40:22

Tayta Diosqa kay pachapa muyuriq patanpim tiyachkan, runakunapas aqaruwaykuna hinallam paypa qayllanpiqa; cielokunatapas tolderata hinallam payqa mastarin, yachanapaq sayachisqa carpata hina.

Números 13:22

Neguev lawman rispankum Hebrón llaqtakama chayarurqaku. Chaypim yacharqaku Ahimán, Sesai hinaspa Talmai; paykunaqa karqaku Anacpa mirayninkunam. Hebrón llaqtaqa hatarichisqa karqa Egipto nacionpi Zoán llaqtapa qanchis wata ñawpaqnintaraqmi.

Números 13:28

Ichaqa chay allpapi yachaq runakunam kallpasapakuna kasqaku, llaqtankupas hatun murallayuqkamam kasqa, hatunkaray Anacpa churinkunatapas chaypim rikuramuniku.

Números 14:1

Hinaptinmi Israelpa mirayninkuna qaparispanku tukuy tuta waqarqaku.

Deuteronomio 1:28

Kunanqa, ¿maymantaq risunchik? Chay allpata qawamuq llaqtamasinchikkunam kaynata willakuspa sonqonchikta hukmanyarachin: Chay allpapiqa ñoqanchikmantapas aswan kallpasapa hatunkaray runakunam kasqaku, llaqtakunapa murallankunapas alto-altom kasqa. Hatunkaray Anacpa mirayninkunatapas rikuramunikum, nispanku. “Chay willakuymi pasaypaqta hukmanyarachiwanchik”, nispaykichik.

Deuteronomio 2:10

(Ñawpaqtam chay allpapi Em casta runakuna yacharqaku, paykunaqa kallpasapa hinaspa achkallañam karqaku, Anacpa mirayninkuna hina hatunkaray runakunam karqaku.

Deuteronomio 3:11

(Refaitakunamantaqa Basán nacionpa reynin Ogllañam puchururqa. Paypa catrenmi fierromanta tawa metro sayayniyuq hinaspa yaqa iskay metro anchoyuq karqa. Amonpa mirayninkunapa Rabá llaqtanpim chay catreqa hinallaraq kachkan).

Deuteronomio 9:2

yachasqaykichikpi hinapas chay llaqtakunapa runankunaqa anaceokuna hina hatunkaray runakunam, uyarirqankichiktaqmi: “¿Anacpa mirayninkunawanqa pitaqsi peleanman?” nisqankutapas.

Josué 11:21

Hina chay tiempopim Josueyqa rispan Hebrón law orqokunapi, Debir law orqokunapi, Anab law orqokunapi, Judá law orqokunapi, Israel law orqokunapi yachaq anaceokunata puchukarachimurqa, llaqtankutapas pasaypaqtam purmarachirqa.

Josué 14:12

Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

Josué 15:14

Hebrón llaqtamantam Caleb qarqorqa Anacpa kimsa churinkunata. Paykunam karqa: Sesai, Ahimán hinaspa Talmai.

1~Samuel 17:24

Goliatta rikuykuspankum Israel tropakunañataq llumpay mancharisqallaña ayqekuspanku

1~Samuel 17:42

Davidta qawaykuspanmi, jovenllaraq chaynataq sumaq rikchayniyuq kuyayllapaq kasqanrayku mana kaqpaqpas hapirqachu.